და ადამიანებს შორის, ცხოველებსა და შინაურ პირუტყვშიც ასევე არიან სხვადასხვა ფერისანი. ჭეშმარიტად, ალლაჰისა (და მისი სასჯელის) ეშინიათ მის მსახურთაგან მხოლოდ მცოდნეებს [მათ, ვინც იცნობს მას, მის სახელებსა და თვისებებს, მის შარიათს]. ჭეშმარიტად, ალლაჰი ძლევამოსილი, შემნდობია!
ჭეშმარიტად, ისინი, ვინც კითხულობენ ალლაჰის წიგნს [ყურანს] (და მოქმედებენ მის მიხედვით), და აღასრულებენ ლოცვას, და ხარჯავენ იმისგან, რითაც ჩვენ ისინი ვუზრუნველყავით, ფარულად და აშკარად, იმედოვნებენ ვაჭრობას, რომელიც არასდროს წაგებაში არ წავა [ამით ისინი ალლაჰის კმაყოფილების მოპოვებას ესწრაფვიან].
ხოლო, რაც ჩვენ შთაგაგონეთ შენ [ო, მოციქულო] წიგნიდან [ყურანიდან], ეს არის ჭეშმარიტება, რომელიც ადასტურებს იმას რაც [იქნა გარდმოვლენილი] მის წინათ. ჭეშმარიტად, ალლაჰი თავის მორჩილთა შესახებ ყოვლისმცოდნე, მხედველია.
შემდეგ ჩვენ წიგნი ვუანდერძეთ მსახურთაგან მათ, ვინც ავირჩიეთ. მათ შორის არიან ისინი, ვინც საკუთარ თავს უსამართლოდ ექცევა; მათ შორის არიან ზომიერნიც; და მათ შორის არიან ისეთებიც, რომლებიც ალლაჰის ნებით სხვებს კეთილ საქმეებში უსწრებენ. ეს [წიგნის ბოძება და ამ თემის არჩევა] უდიდესი წყალობაა!
SurahQuran.com was founded as a humble effort to serve the Noble Book and the pure Sunnah, to invite people to Allah, and to make the religious sciences accessible according to the methodology of the Quran and Sunnah. We praise and thank Allah for His grace, and we ask Him to accept our work and make it sincere for His noble Face.
