စူရာ ယာစီး — အာယာသ် 12

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်

• نُحْيِي الْمَوْتَىٰ — သေဆုံးသွားသူများကို ရှင်ပြန်ထမြောက်စေခြင်း။
• مَا قَدَّمُوا — သူတို့ ကြိုတင်ပေးပို့ခဲ့သော ကောင်းမှုနှင့် မကောင်းမှုများ။
• آثَارَهُمْ — သူတို့ ကွယ်လွန်ပြီးနောက်တွင်လည်း ကျန်ရစ်ခဲ့သော ကောင်းသော သို့မဟုတ် ဆိုးသော သက်ရောက်မှုများ၊ လမ်းစဉ်များ။
• أَحْصَيْنَاهُ — အရာအားလုံးကို ရေတွက်မှတ်တမ်းတင်ထားတော်မူခြင်း၊ ထိန်းသိမ်းထားတော်မူခြင်း။
• إِمَامٍ مُبِينٍ — ထင်ရှားလှသော မူရင်းစာအုပ်၊ လဝ်ဟူလ်မဟ်ဖူးဇ် (اللوح المحفوظ) ဖြစ်သည်။

၂။ အာယသ်တော်၏ အဓိပ္ပာယ်ဖွင့်ဆိုချက်

ဧကန်စင်စစ် ငါအရှင်မြတ်သည် သေဆုံးသွားသူများကို ကိယာမသ်နေ့တွင် ရှင်ပြန်ထမြောက်စေတော်မူမည်ဖြစ်သည်။ ထို့နောက် သူတို့သည် လောကီဘဝတွင် ကြိုတင်ပြုလုပ်ပေးပို့ခဲ့ကြသော ကောင်းမှုများ၊ မကောင်းမှုများကို မှတ်တမ်းတင်ထားတော်မူမည်။ ထို့အပြင် သူတို့ ကွယ်လွန်သွားပြီးနောက်တွင်လည်း သူတို့ထံမှ ကျန်ရစ်ခဲ့သော သက်ရောက်မှုများ — ဥပမာ ကောင်းသော သားသမီးများ၊ အကျိုးရှိသော အသိပညာ၊ ဆက်လက်စီးဆင်းနေသော ဒါနကုသိုလ်ကဲ့သို့သော ကောင်းမှုများ၊ သို့မဟုတ် ရှိခ်က်ပြုခြင်း၊ အမိန့်တော်ကို ဖီဆန်ခြင်းကဲ့သို့သော မကောင်းမှုများကိုလည်း မှတ်တမ်းတင်ထားတော်မူမည်။ အရာအားလုံးကို ငါအရှင်မြတ်သည် ထင်ရှားလှသော မူရင်းစာအုပ်တစ်ခုဖြစ်သည့် လဝ်ဟူလ်မဟ်ဖူးဇ်တွင် ရေတွက်မှတ်တမ်းတင်ထားတော်မူပြီးဖြစ်သည်။ ထိုစာအုပ်သည် အရာခပ်သိမ်း၏ မူလအရင်းအမြစ်ဖြစ်၍ အရာအားလုံးသည် ထိုစာအုပ်သို့သာ ပြန်လည်ရောက်ရှိကြရမည်ဖြစ်သည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အလ္လာဟ်အရှင်မြတ်သည် သေဆုံးသူများကို ရှင်ပြန်ထမြောက်စေနိုင်သော တန်ခိုးတော်ရှင်ဖြစ်ကြောင်း ယုံကြည်စိတ်ချစေသည်။ ထို့ကြောင့် ကိယာမသ်နေ့ကို ယုံကြည်ခြင်းသည် အစ္စလာမ်၏ အခြေခံယုံကြည်ချက်တစ်ရပ်ဖြစ်သည်။
• လူတစ်ဦး ပြုလုပ်သော ကောင်းမှုမကောင်းမှုတိုင်းကို မှတ်တမ်းတင်ထားမည်ဖြစ်ရာ မည်သည့်အမှုကိုမျှ လျစ်လျူရှုခံရမည်မဟုတ်ကြောင်း သိရှိစေသည်။
• မိမိ ကွယ်လွန်ပြီးနောက်တွင်လည်း အကျိုးဆက်များ ဆက်လက်ရရှိနေမည့် ကောင်းမှ