စူရာ အလ်-အာအ်ရာဖ် — အာယာသ် 147

1. အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်များ

• ကဇ္ဇဗူ (كَذَّبُوا): မဟုတ်မမှန်ဟု ငြင်းပယ်ကြသည်၊ မုသားဟု စွပ်စွဲကြသည်။
• အာယာသိနာ (بِآيَاتِنَا): ငါအရှင်မြတ်၏ အာယသ်တော်များ၊ သက်သေလက္ခဏာများ၊ ရစူလ်တမန်တော်များ၏ မှန်ကန်မှုကို ညွှန်ပြသော အထောက်အထားများ။
• လိကာအိလ်အာခိရဟ် (لِقَاءِ الْآخِرَةِ): အာခိရသ်နောက်ဆုံးနေ့တွင် အလ္လာဟ်အရှင်မြတ်နှင့် တွေ့ဆုံရမည်ကို ဆိုလိုသည်၊ ထိုနေ့သည် အကျိုးအပြစ်ပေးခြင်း၏ ချိန်းဆိုရာနေ့ဖြစ်သည်။
• ဟဗိသတ် (حَبِطَتْ): ပျက်စီးသွားသည်၊ အချည်းနှီးဖြစ်သွားသည်၊ မရှိသကဲ့သို့ ဖြစ်သွားသည်။
• ဟလ် ယုဂျ်ဇောင်န (هَلْ يُجْزَوْنَ): သူတို့သည် အကျိုးအပြစ် ခံစားရမည်လော။

1. အာယသ်တော်၏ အဓိပ္ပာယ်ဖွင့်ဆိုချက်

ငါအရှင်မြတ်၏ အာယသ်တော်များကို မဟုတ်မမှန်ဟု ငြင်းပယ်ကြသူများနှင့် အာခိရသ်နောက်ဆုံးနေ့တွင် အလ္လာဟ်အရှင်မြတ်နှင့် တွေ့ဆုံရမည်ကို ငြင်းပယ်ကြသူများ၏ လုပ်ရပ်များသည် အချည်းနှီးဖြစ်သွားပြီး ပျက်စီးသွားကြသည်။ အကြောင်းမှာ သူတို့၏ ကောင်းမှုလုပ်ရပ်များသည် အီမာန်ယုံကြည်မှု အခြေခံအုတ်မြစ် ကင်းမဲ့နေသောကြောင့် မည်သည့် အကျိုးအမြတ်ကိုမျှ မပေးနိုင်တော့ပေ။ သူတို့သည် ဤလောကတွင် ကုဖ်ရ်ငြင်းပယ်မှုနှင့် ရှိရ်က်တွဲဖက်မှုတို့ကို ပြုလုပ်ခဲ့ကြသည့်အတွက် ထိုလုပ်ရပ်၏ အကျိုးအပြစ်ကိုသာ ခံစားရမည်ဖြစ်ပြီး ထိုအကျိုးအပြစ်မှာ ဂျဟန်နမ်ငရဲတွင် ထာဝရနေထိုင်ရမည့် ပြစ်ဒဏ်ပင်ဖြစ်သည်။ သူတို့သည် ဤလောကတွင် ပြုလုပ်ခဲ့သည့် လုပ်ရပ်များ၏ အကျိုးအပြစ်မှတစ်ပါး အခြားမည်သည့် အကျိုးအပြစ်ကိုမျှ ခံစားရမည် မဟုတ်ပေ။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အီမာန်ယုံကြည်မှုသည် မည်သည့် ကောင်းမှုလုပ်ရပ်အတွက်မဆို အခြေခံအကျဆုံး အရေးကြီးသော အခြေအနေဖြစ်သည်။ အီမာန်မရှိဘဲ ပြုလုပ်သော ကောင်းမှုများသည် အာခိရသ်တွင် အကျိုးအမြတ် မပေးနိုင်ပေ။
• အလ္လာဟ်အရှင်မြတ်၏ အာယသ်တော်များကို ငြင်းပယ်ခြင်းနှင့် အာခိရသ်နေ့ကို မယုံကြည်ခြင်းသည် လုပ်ရပ်အားလုံးကို အချည်းနှီးဖြစ်စေသော အကြောင်းရင်းဖြစ်သည်။
• အလ္လာဟ်အရှင်မြတ်သည် တရားမျှတမှ