Suurah Al-Mutaffifiin — Aayad 13

Macnaha ereyada:

• أَسَاطِيرُ الْأَوَّلِينَ: waa jamac (wadar) ee kelmadda أُسْطُورَة، oo macneheedu yahay sheekooyinkii hore ee la qoray, kuwaas oo aan sal iyo raad ku lahayn xaqiiqda.

Tafsiirka:

Marka lagu akhriyo kan (gaalka) aayaadka Qur'aanka ee loo soo dejiyay Rasuulka, wuxuu dhahaa: "Kuwani waa sheekooyinkii dadkii hore ee la qoray, ma aha hadal Eebe." Isagoo beeninaya Quraanka oo u arkaaya inay tahay warkii hore ee la soo sheegay, isagoo diiday inay tahay waxyiga Eebe. Hase yeeshee, arrimuhu ma aha sida uu sheeganayo; Quraanku waa hadalka Eebe iyo waxyigiisa uu ku soo dejiyay Nebi Muxammad (SCW). Waxa kaloo ka xijaabiyay qalbigiisa runta oo u diiday inuu rumaysto, waa xumaanta iyo dambiyada badan ee uu galay, maxaa yeelay qalbiga markuu wasakhdo, wuxuu noqdaa mid aan aqbalayn xaqa.

Faa'iidooyin laga qaato aayadda:

1. Qur'aanku waa kitaab Eebe oo dhammaantiis xaq ah, mana aha sheekooyin la soo xigtay, sida ay sheeganayaan kuwa beeniya.
2. Caqabadda weyn ee dadka diidda xaqa waa dambiyada iyo xumaanta ay ku xirnaadeen, taasoo qalbiga ka xijaabisa aqbalidda runta.
3. Qur'aanku wuxuu ku tilmaamayaa sheekooyinkii ummadihii hore si xaq iyo waano ah, ma aha madaddaalo, si dadku ugu fiirsadaan oo ay ibrino ka qaataan.
4. Bishaarada ugu weyn ee mu'miniinta waa inay arki doonaan Eebe Maalinta Qiyaame, halka gaalada laga xijaabin doono, sidaa darteed waa inaan ku dadaalnaa camal suuban si aan u gaarno nolosha waliga ah.