စူရာ အလ်-ဗကရ — အာယာသ် 279

၁။ ခက်ခဲသောဝေါဟာရများ၏ အဓိပ္ပာယ်ဖွင့်ဆိုချက်

• فَإِن لَّمْ تَفْعَلُوا — အကယ်၍ သင်တို့သည် (အတိုးယူခြင်းကို စွန့်လွှတ်ခြင်း) မပြုလုပ်ကြလျှင်။
• فَأْذَنُوا — သိနားလည်ကြပါ၊ ယုံကြည်စိတ်ချကြပါ။
• بِحَرْبٍ مِّنَ اللَّهِ وَرَسُولِهِ — အလ္လာဟ်အရှင်မြတ်နှင့် အရှင့်ရစူလ်တမန်တော်ထံမှ စစ်ပွဲတစ်ခုဖြင့် (ရင်ဆိုင်ရမည်ကို)။
• وَإِن تُبْتُمْ — အကယ်၍ သင်တို့သည် (အတိုးမှ) အသနားခံ ဝန်ခံပြီး လက်လျှော့ကြလျှင်။
• رُءُوسُ أَمْوَالِكُمْ — သင်တို့၏ မူလငွေရင်း (အရင်း) များ။
• لَا تَظْلِمُونَ وَلَا تُظْلَمُونَ — သင်တို့သည် (အတိုးတောင်းခြင်းဖြင့်) မတရားပြုခြင်းမပြုကြရ၊ ထို့အတူ သင်တို့သည်လည်း (အရင်းငွေလျော့နည်းခြင်းဖြင့်) မတရားခံရမည်မဟုတ်ပေ။

၂။ အာယသ်တော်၏ အဓိပ္ပာယ်ဖွင့်ဆိုချက်

အကယ်၍ သင်တို့သည် အလ္လာဟ်အရှင်မြတ် တားမြစ်ထားတော်မူသော အတိုးယူခြင်းမှ မရှောင်ကြဉ်ကြလျှင်၊ အလ္လာဟ်အရှင်မြတ်နှင့် အရှင့်ရစူလ်တမန်တော်ထံမှ စစ်ပွဲတစ်ခုနှင့် ရင်ဆိုင်ရမည်ကို သေချာစွာ သိနားလည်ကြပါ။ သို့သော် အကယ်၍ သင်တို့သည် အလ္လာဟ်အရှင်မြတ်ထံ အသနားခံဝန်ခံပြီး အတိုးယူခြင်းကို စွန့်လွှတ်ကြလျှင်၊ သင်တို့ချေးထားသော မူလငွေရင်းများကို ပြန်လည်ရယူပိုင်ခွင့်ရှိသည်။ မူလငွေရင်းထက် ပိုမိုတောင်းခံခြင်းဖြင့် မည်သူ့ကိုမျှ မတရားပြုခြင်းမပြုကြရ၊ ထို့အတူ မိမိတို့၏ မူလငွေရင်းများ လျော့နည်းခံရခြင်းဖြင့်လည်း မတရားခံရမည်မဟုတ်ပေ။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

၁။ အလ္လာဟ်အရှင်မြတ်သည် အတိုးယူခြင်းကို အလွန်ပြင်းထန်စွာ တားမြစ်တော်မူခဲ့သည်။ အတိုးယူသူများသည် အလ္လာဟ်အရှင်မြတ်နှင့် အရှင့်ရစူလ်တမန်တော်နှင့် စစ်ပွဲဆင်နွှဲနေသူများနှင့် တူသည်ဟု သတိပေးတော်မူခဲ့သည်။

၂။ အစ္စလာမ်သည် တရားမျှတမှုကို အလေးထားသော ဘာသာဖြစ်သည်။ ချေးယူသူကို မတရားပြုခြင်းလည်း မဖြစ်ရ၊ ချေးပေးသူကိုလည်း မတရားပြုခြင်း မဖြစ်ရ။ မူလငွေရင်းကို ပြန်ရခြင်းသည် တရားမျှတမှုဖြစ်သည်။

၃။ အလ္လာဟ်အရှင်မြတ်သည် အမှားပြုသူများအတွက် အသနားခံဝန်ခံခွင့်ကို ဖွင့်ထားတော်မူ