စူရာ အလ်-ဗကရ — အာယာသ် 5

1. အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်များ:

• أُولَٰئِكَ (အုလာအိကသ) — ထိုသူများ၊ ဤဂုဏ်လက္ခဏာများနှင့် ပြည့်စုံသူများ။
• هُدًى (ဟုဒန်) — လမ်းညွှန်မှု၊ တရားလမ်းမှန်သို့ ညွှန်ပြခြင်း၊ အမှန်တရားကို ထင်ရှားစေသော အလင်း။
• رَبِّهِمْ (ရဗ္ဗိဟိမ်) — သူတို့ကို ဖန်ဆင်းမွေးမြူအုပ်ထိန်းတော်မူသော အရှင်မြတ်။
• الْمُفْلِحُونَ (အလ်မုဖ်လိဟူန) — အောင်မြင်သူများ၊ ကယ်တင်ခြင်းရရှိသူများ၊ ဆန္ဒပြည့်ဝသူများ။

1. အာယသ်တော်၏ အဓိပ္ပာယ်ဖွင့်ဆိုချက်:

ဤဂုဏ်လက္ခဏာများနှင့် ပြည့်စုံသောသူများသည် သူတို့၏ အရှင်မြတ်ထံတော်မှ လမ်းညွှန်မှုအလင်းပေါ်တွင် ရပ်တည်နေသူများ ဖြစ်ကြသည်။ သူတို့သည် အရှင်မြတ်၏ ကူညီစောင့်ရှောက်မှုဖြင့် တရားလမ်းမှန်ကို ရှင်းလင်းစွာ မြင်နိုင်ကြပြီး ခိုင်မာသော ယုံကြည်မှုနှင့် ဉာဏ်အလင်းဖြင့် လျှောက်လှမ်းကြသည်။ ဤသူများသည်ပင် လောကီဘဝနှင့် နောင်တမလွန်ဘဝ နှစ်ဌာနစလုံးတွင် အောင်မြင်မှုကို ရရှိသူများ ဖြစ်ကြသည်။ သူတို့သည် မျှော်လင့်ချက်ရှိသမျှကို ရရှိကြပြီး ကြောက်ရွံ့ဖွယ်ရာများမှ လွတ်မြောက်ကြသည်။ ဂျန္နသ်သုခဘုံကို ရရှိခြင်းဖြင့် အောင်မြင်မှုအစစ်အမှန်ကို ရရှိကြပြီး ငရဲမီးမှ ကယ်တင်ခြင်းကိုလည်း ရရှိကြသည်။

1. ဤအာယသ်တော်မှ ရရှိသော အကျိုးကျေးဇူးများနှင့် အစ္စလာမ်နှင့် ကုရ်အာန်ကို ချစ်မြတ်နိုးစေသော သင်ခန်းစာများ:

• အရှင်မြတ်ထံတော်မှ လမ်းညွှန်မှုသည် အကြီးမားဆုံး ဂုဏ်ကျေးဇူးဖြစ်သည်။ ထိုလမ်းညွှန်မှုကို ရရှိသူသည် အမှန်တကယ် ကံထူးသူဖြစ်သည်။
• ကုရ်အာန်ကို ယုံကြည်လိုက်နာခြင်း၊ ဆွလာသ်ဝတ်ပြုခြင်း၊ အလှူဒါနပြုခြင်း၊ နောင်တမလွန်ဘဝကို ယုံကြည်ခြင်းစသော ဂုဏ်လက္ခဏာများသည် လူကို အောင်မြင်မှုလမ်းသို့ ပို့ဆောင်ပေးသည်။
• ဤဘဝတွင်သာမက နောင်ဘဝတွင်ပါ အောင်မြင်မှုရရှိခြင်းသည် အစ္စလာမ်၏ လမ်းညွှန်မှု၏ အဓိကရည်ရွယ်ချက်ဖြစ်သည်။
• အရှင်မြတ်က ဤကဲ့သို့သော ဂုဏ်လက္ခဏာများနှင့် ပြည့်စုံသူများကို ချီးမွမ်းတော်မူခြင်းသည် ထိုလမ်းစဉ်ကို လျှောက်လှမ်းရန် ကျွန်ုပ်တို့အား အားပေးမှုဖြစ်သည်။
• ကုရ်အာန်သည် လူသားတို့အား လောကီနှင