Sura Ash-Shu'ara — Aya 159

Maana ya Maneno:

• Al-'Aziz: Mwenye nguvu na uweza usio na kifani, Mshindi asiye shindwa, Mwenye kulipiza kisasi kwa maadui wake.
• Ar-Rahim: Mwenye rehema nyingi kwa waja wake wanaoamini na wanaotubu.

Tafsiri ya Aya:

Hakika Mola wako Mlezi, ewe Mtume Muhammad (ﷺ), ndiye Mwenye nguvu na uweza usio na mfano, ambaye humlipa kisasi maadui wake wanao kanusha ukweli na kukataa mawaidha, na ndiye Mwenye rehema kwa waja wake wanao amini na wanaotubu kwa ajili ya dhambi zao. Aya hii inakuja baada ya kusimuliwa kwa kisa cha kaumu ya Thamud na kukataa kwao kwa Mtume Swaleh (عليه السلام), ikiwa ni faraja kwa Mtume (ﷺ) na onyo kwa wakanushaji kwamba Mwenyezi Mungu ni Mwenye uweza wa kuwalipa kisasi, lakini pia ni Mwenye rehema kwa wanao tubia kwake.

Faida Zinazotokana na Aya:

1. Kuthibitisha sifa mbili kuu za Mwenyezi Mungu: Al-'Aziz (Mwenye nguvu) na Ar-Rahim (Mwenye rehema), ambazo zinamfanya Muumini kumcha Mola wake na kumtumainia rehema yake.
2. Faraja kwa waumini wanao dhulumiwa kwamba Mwenyezi Mungu ni Mwenye uweza wa kuwalinda na kuwalipia kisasi dhidi ya maadui zao.
3. Kuwahimiza waja kutubu na kurejea kwa Mwenyezi Mungu, kwani rehema yake huwafikia wanao tubia kwake, hata kama walikuwa wamekosea sana.
4. Kuonya wakanushaji kwamba uvumilivu wa Mwenyezi Mungu si udhaifu, bali ni muhula, na hatimaye atawalipa kisasi kwa uweza wake usio na mipaka.