Sura Ash-Shu'ara — Aya 175

Maana ya Maneno:

• Al-'Aziz: Mwenye nguvu na uweza usio na kifani, Mshindi wa kila kitu, Anayewashinda maadui wake.
• Ar-Rahim: Mwenye huruma tele kwa waja wake wanaoamini.

Tafsiri ya Aya:

Hakika Mola wako Mlezi, ewe Mtume Muhammad (S.A.W), ndiye Mwenye nguvu zote na ushindi mkubwa dhidi ya wanao kanusha ukweli na wanaoipinga haki. Yeye ndiye Mwenye kuwaadhibu wale wanaoikabili dini yake kwa uadui, na hawezi kushindwa na yeyote katika viumbe vyake. Wakati huo huo, Yeye ni Mwenye huruma kubwa kwa waja wake wanaoamini, anawarehemu na kuwafadhili, anawakubalia toba ya wanao tubia kwake, na anawasamehe dhambi zao. Kwa hivyo, aya hii inathibitisha sifa mbili kuu za Mwenyezi Mungu: uweza wake mkubwa katika kuwaadhibu maadui, na huruma yake kwa waja wake wema.

Faida Zinazotokana na Aya:

1. Kuthibitisha sifa ya Uweza (Al-'Aziz) kwa Mwenyezi Mungu, ambayo inamfanya muumini ajue kwamba Mola wake ana uweza wa kumlinda na kumnusuru dhidi ya maadui wa dini.
2. Kuthibitisha sifa ya Huruma (Ar-Rahim) kwa Mwenyezi Mungu, ambayo inampa muumini matumaini na faraja kwamba Mola wake ni Mwenye huruma naye, anapotubia na kurejea kwake.
3. Kuunganisha kati ya hofu na matumaini: muumini anapaswa kumuogopa Mwenyezi Mungu kwa uweza wake, na kumtumaini kwa huruma yake, na hivyo ndivyo ilivyo hali ya waumini wakamilifu.
4. Aya hii inatoa faraja kwa Mtume (S.A.W) na waumini wakati wa mateso na dhiki, kwani Mwenyezi Mungu ni Mwenye nguvu atakayewasaidia na kuwaadhibu wanao wadhulumu.
5. Kujua kwamba huruma ya Mwenyezi Mungu inawafikia wanao tubia na kuamini, na hii inatia moyo mwenye dhambi kurejea kwa Mwenyezi Mungu bila kukata tamaa.