စူရာ စဗ — အာယာသ် 2

၁။ ကမ္ဘာမြေထဲသို့ ဝင်ရောက်သောအရာ — မြေထဲသို့ ဝင်ရောက်သည့် ရေ၊ အစေ့အဆန်၊ မြေအောက်တွင်းရှိ သတ္တဝါများ၊ သင်္ချိုင်းများ၊ မြေအောက်ဘဏ္ဍာများ စသည်တို့ကို ဆိုလိုသည်။

၂။ ထိုမြေမှ ထွက်ပေါ်လာသောအရာ — မြေမှ ထွက်ပေါ်သည့် အပင်များ၊ ရေစီးကြောင်းများ၊ သတ္တဝါများ၊ ရှင်ပြန်ထမြောက်ချိန်တွင် ထွက်ပေါ်လာမည့် လူသေများ စသည်တို့ကို ဆိုလိုသည်။

၃။ ကောင်းကင်မှ ဆင်းသက်သောအရာ — ကောင်းကင်မှ ဆင်းသက်သည့် မိုးရေ၊ ကောင်းကင်တမန်များ၊ ဗျာဒိတ်တော်များ၊ ရိက္ခာများ၊ ကြယ်ပျံများ၊ မိုးကြိုးများ စသည်တို့ကို ဆိုလိုသည်။

၄။ ကောင်းကင်သို့ တက်ရောက်သောအရာ — ကောင်းကင်သို့ တက်ရောက်သည့် ကောင်းကင်တမန်များ၊ လူသားတို့၏ ကောင်းမှုကုသိုလ်များ၊ သူတို့၏ ဝိညာဉ်များ စသည်တို့ကို ဆိုလိုသည်။

၅။ အရ်ရဟီမ် (အလွန်ကရုဏာရှင်) — မိမိဖန်ဆင်းထားသော သတ္တဝါများအပေါ် အလွန်သနားကရုဏာထားတော်မူသောအရှင်။

၆။ အလ်ဂဖူရ် (အလွန်ခွင့်လွှတ်တော်မူသောအရှင်) — မိမိထံ ဝန်ချတောင်းပန်သူများ၏ အပြစ်များကို အလွန်ခွင့်လွှတ်တော်မူသောအရှင်။

အလ္လာဟ်အရှင်မြတ်သည် မြေကြီးထဲသို့ ဝင်ရောက်သမျှသော အရာဝတ္ထုအားလုံးကို အသိဖြစ်တော်မူ၏။ ရေစက်များ၊ အစေ့အဆန်များ၊ မြေအောက်တွင် မြှုပ်နှံထားသော ဘဏ္ဍာများ၊ သင်္ချိုင်းများအားလုံးကို ကောင်းစွာသိရှိတော်မူ၏။ ထို့အတူ မြေကြီးမှ ထွက်ပေါ်လာသမျှသော အပင်များ၊ ရေတွင်းရေကန်များ၊ သတ္တဝါများ၊ ရှင်ပြန်ထမြောက်ရာနေ့တွင် ထွက်ပေါ်လာမည့် လူသေများကိုလည်း သိတော်မူ၏။ ကောင်းကင်မှ ဆင်းသက်လာသမျှသော မိုးရေ၊ ကောင်းကင်တမန်များ၊ ဗျာဒိတ်တော်များ၊ ရိက္ခာများ၊ ကြယ်ပျံများကိုလည်း သိတော်မူ၏။ ကောင်းကင်သို့ တက်ရောက်သွားသမျှသော ကောင်းကင်တမန်များ၊ လူသားတို့၏ ကောင်းမှုကုသိုလ်များ၊ သူတို့၏ ဝိညာဉ်များကိုလည်း သိတော်မူ၏။ ဤအရာအားလုံးကို အကြွင်းမဲ့ သိရှိတော်မူသောအရှင်သည် အလွန်သနားကရုဏာထားတော်မူသောအရှင်၊ အလွန်ခွင့်လွှတ်တော်မူသောအရှင် ဖြစ်တော်မူ၏။ မိမိဖန်ဆင်းထားသော သတ္တဝါများအား အပြစ်ပြုမိသောအခါ ချက်ချင်းအပြစ်ဒဏ်မပေးဘဲ ခွင့်လွှတ်ရန် အခွင့်အလမ်းပေးတော်မူ၏။ မိမိထံ ဝ