စူရာ ယာစီး — အာယာသ် 68

1. ဝေါဟာရအနက်ဖွင့်ဆိုချက်

• နုအမ္မိရ်ဟု (نُعَمِّرْهُ) — သူ့အား အသက်ရှည်စေသည်၊ သက်တမ်းရှည်စေသည်။
• နုနက်ကစ်ဟု (نُنَكِّسْهُ) — သူ့အား ပြန်လည်နိမ့်ကျစေသည်၊ ယုတ်လျော့စေသည်၊ ရှေးအခြေအနေသို့ ပြန်ရောက်စေသည်။
• ဖီလ်ခလ်က် (فِي الْخَلْقِ) — ဖန်ဆင်းမှုတွင်၊ ခန္ဓာကိုယ်နှင့် စိတ်အခြေအနေတွင်။
• အဖလာ ယအ့ကီလူန် (أَفَلَا يَعْقِلُونَ) — သူတို့ မတွေးခေါ်ကြသလော၊ မဆင်ခြင်ကြသလော။

1. အာယသ်တော်၏ အဓိပ္ပာယ်ဖွင့်ဆိုချက်

အကြင်သူအား ငါအရှင်မြတ်သည် အသက်ရှည်စေတော်မူ၍ သက်တမ်းကုန်ဆုံးချိန်အထိ ရောက်စေတော်မူပါက ထိုသူအား ဖန်ဆင်းမှုအခြေအနေတွင် ပြန်လည်နိမ့်ကျစေတော်မူသည်။ ဆိုလိုသည်မှာ ငယ်ရွယ်စဉ်ကာလ၏ အားနည်းမှု၊ ဉာဏ်ပညာချို့တဲ့မှုနှင့် ခန္ဓာကိုယ်အင်အားနည်းပါးမှုကဲ့သို့သော အခြေအနေသို့ ပြန်လည်ရောက်ရှိစေတော်မူခြင်းဖြစ်သည်။ ဤသို့ ဖန်ဆင်းခြင်းကို ပြောင်းလဲစေနိုင်သော အရှင်မြတ်သည် သေပြီးနောက် ပြန်လည်ရှင်သန်စေခြင်းကိုလည်း စွမ်းဆောင်နိုင်တော်မူကြောင်း လူသားတို့ မတွေးခေါ်ဆင်ခြင်ကြသလော။

ဤလောကသည် ထာဝရတည်မြဲသောနေရာ မဟုတ်ပါ။ လူသားတိုင်းသည် အသက်အရွယ်ကြီးရင့်လာသည်နှင့်အမျှ အားနည်းလာရသည်။ ငယ်ရွယ်စဉ်က အားမာန်ပြည့်ဖြိုးခဲ့သူသည် အိုမင်းလာသောအခါ အားနည်းသွားရသည်။ ဤအခြေအနေကို မြင်တွေ့ရင်းနှင့်ပင် လူသားတို့သည် ဤလောကသည် ထာဝရတည်မြဲသည်ဟု ထင်မှတ်နေကြသည်။ သို့သော် စင်စစ်မှာ နောင်တမလွန်ဘဝသာ ထာဝရတည်မြဲသောနေရာဖြစ်သည်။ ထို့ကြောင့် လူသားတို့သည် ဤအမှန်တရားကို ဆင်ခြင်တွေးခေါ်သင့်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အရှင်မြတ်သည် လူသားတို့အား အသက်ရှည်စေခြင်း၊ အိုမင်းစေခြင်း၊ အားနည်းစေခြင်းဖြင့် လူသားတို့၏ အားနည်းချက်ကို သိစေတော်မူသည်။ ဤအရာများကို ဆင်ခြင်သုံးသပ်ခြင်းဖြင့် အရှင်မြတ်၏ တန်ခိုးတော်ကို ပိုမိုသိရှိနိုင်သည်။
• ဤလောကသည် ထာဝရတည်မြဲသောနေရာမဟုတ်ကြောင်း၊ နောင်တမလွန်ဘဝသာ ထာဝရတည်မြဲသောနေရာဖြစ်ကြောင်း သတိရစေသည်။
• သေပြီးနောက် ပြန်လည်ရှင်သန်ခြင်းကို လက်ခံရန် ခက်ခဲသောသူများအတွက် ဤအာယသ်တော်သည် ခိုင်မာသော သက်သေအထောက်အထားဖြစ်သည်။ အကြ