Suurah Al-Qamar — Aayad 9

Macnada Erayada:

• Kaddhabeen: Waxay beeniyeen.
• Cabdkanaga: Nabi Nuux (CS).
• Majnuun: Waalan.
• Wazdujir: Waa la guulay, waa la xanaajiyey, waa la celiyey oo loo hanjabay.

Tafsiirka:

Nabi Maxamed (SCW), waxaa ka horreeyay qoomkii Nabi Nuux (CS) oo beeniyay Nabigoodii, iyagoo ah dadkii ugu horreeyay ee beeniya Rasuulkooda. Waxay beeniyeen addoonkayagii Nuux (CS), waxayna ku sheegeen inuu yahay waalan, waxayna si xun ugu xanaajiveen oo ugu hanjabeen hadduusan joojin wacdigiisa. Inkastoo Nuux (CS) ugu yeedhay cibaadada Eebe habeen iyo maalin, haddana waxay ku sii adkaysteen beeninta iyo xumaanta.

Faa'iidooyinka laga qaadan karo:

1. Dulqaadka Nabiyada ee ay la kulmeen beeninta iyo dhibka ee waxay inoo tahay dugsi iyo cibrad — waa inaan ku samirno marka la ina beeniyo ama la ina dhibo.
2. Beeninta Nabiyada waa caado ay isku raaceen dadkii hore, taasoo muujinaysa inay tahay imtixaan Eebe uu ku tijaabiyo addoomadiisa.
3. Eebe uu u gargaarayo addoomadiisa runta ah, sida uu u gargaaray Nabi Nuux (CS) — waa inaan isku halleyno Eebe oon ka cabsanayn hanjabaadka dadka.
4. Dulqaadka iyo adkaysiga ee Nabi Nuux (CS) oo ah 950 sano oo uu dadkiisa ugu yeedhay — waxay inoo muujinaysaa in wacdinta iyo hanuuninta ay tahay hawsha ugu weyn ee Muslimka.