සූරා අල්-බකරා — ආයාත් 49

වචනවල අර්ථ:

• නජ්ජයිනාකුම් – අපි ඔබව ගළවා ගත්තෙමු
• ආලි ෆිර්අව්න් – ෆිර්අව්න්ගේ පිරිස, ඔහුගේ අනුගාමිකයින් සහ ඔහුගේ ධර්මයේ අය
• යසූමූනකුම් – ඔවුහු ඔබට රස විඳවති (විඳීමට සලස්වති)
• සූඅල්-අළාබ් – ඉතා දරුණු හා නරකම දඬුවම
• යුෂබ්බිහූන – ඔවුහු ඝාතනය කරති (මරා දමති)
• වයස්තහ්යූන – ඔවුහු ජීවත් කරවති (ඉතිරි කරති)
• බලාඅ් – පරීක්ෂණය, මහා නියාමය (සමහර විට දඬුවම ලෙසද, සමහර විට ආශීර්වාදය ලෙසද යෙදේ)

අර්ථ නිරූපණය:

අහෝ ඉස්රායීල් දරුවනි! අපි ඔබගේ මුතුන්මිත්තන්ව ෆිර්අව්න්ගේ පිරිසෙන් ගළවාගත් අවස්ථාව ඔබට මතක් කර දෙන්නෙමු. ඔවුහු ඔබට ඉතාම දරුණු හා වේදනාකාරී දඬුවම් රස විඳීමට සලස්වමින් සිටියහ. ඔවුහු ඔබේ පිරිමි දරුවන් ඝාතනය කරමින් ඔබේ ගැහැණු දරුවන් ජීවත් කරවා තබමින්, ඔවුන්ව සේවයට හා අවමානයට ලක් කරමින් සිටියහ. එය ඔවුන් ඔබව සම්පූර්ණයෙන්ම විනාශ කර දැමීමට ගත් උපායකි. මෙම දරුණු පීඩාවෙන් ඔබව ගළවා ගැනීම ඔබගේ ස්වාමින්වහන්සේගේ මහා පරීක්ෂණයක් විය. මෙය ඔබට කෘතඥ විය යුතු මහා ආශීර්වාදයකි. එසේම, මෙම දඬුවම් විඳීම තුළම ඔබට ඉවසීම පිළිබඳ පරීක්ෂණයක් ද විය. එබැවින් ඔබ මෙම ආශීර්වාදය සිහි කරමින් අල්ලාහ්ට කෘතඥ විය යුතුය.

උපදේශනා සහ පාඩම්:

1. අල්ලාහ් තආලා තම ගැතියන්ට කරන ආශීර්වාද සිහි කරන ලෙස ඉල්ලා සිටීම, උන්වහන්සේ කෙරෙහි ඇති ප්රේමය හා කෘතඥතාව වැඩි කරයි.
2. පීඩාවෙන් මිදීම අල්ලාහ්ගේ මහා ආශීර්වාදයකි. එබැවින් දුෂ්කර අවස්ථාවලදී අල්ලාහ්ගෙන් උපකාර ඉල්ලීමට හා උන්වහන්සේ කෙරෙහි විශ්වාසය තැබීමට අප ඉගෙන ගත යුතුය.
3. අල්ලාහ් තම නබිවරුන් හා ධර්මිෂ්ඨ ගැතියන් ආරක්ෂා කරන බව මෙමගින් පැහැදිලි වේ. එබැවින් අප කවදාවත් බලාපොරොත්තු සුන් නොකළ යුතුය.
4. පීඩා සහ දුෂ්කරතා යනු අල්ලාහ්ගේ පරීක්ෂණයකි. ඉවසීමෙන් හා ස්ථිරව සිටීමෙන් අපට උන්වහන්සේගේ උපකාරය ලැබෙනු ඇත.
5. අල්ලාහ්ගේ ආශීර්වාද අමතක නොකර, ඒවා සිහි කරමින් උන්වහන්සේට කෘතඥ වීම, තවත් ආශීර්වාද ලැබීමට හේතුවක් වේ.