စူရာ အလ်-ကစာစ် — အာယာသ် 80

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်

• وَيْلَكُمْ (ဝိုင်လကုမ်) — ဤစကားလုံးသည် မူလအားဖြင့် “ပျက်စီးပါစေ” ဟု ဆိုလိုသော သတိပေးစကားဖြစ်သည်။ နောက်ပိုင်းတွင် “သတိထားကြလော့၊ မှားယွင်းသောလမ်းကို မလိုက်ကြလေနှင့်” ဟု ဆုံးမသော အနက်ဖြင့် အသုံးပြုလာကြသည်။
• ثَوَابُ اللَّهِ (ဆဝါဗုလ္လာဟ်) — အလ္လာဟ်အရှင်မြတ်ထံတော်မှ ပေးအပ်မည့် အကျိုးဆုလာဘ်ကို ဆိုလိုသည်။
• وَلَا يُلَقَّاهَا (ဝလာ ယုလက္ကာဟာ) — “ဤစကားကို မည်သူမျှ လက်ခံနိုင်မည် မဟုတ်” သို့မဟုတ် “ဤကောင်းမှုကို မည်သူမျှ ရရှိမည် မဟုတ်” ဟု ဆိုလိုသည်။
• الصَّابِرُونَ (ဆွာဗိရူန) — စိတ်ရှည်သည်းခံသူများ၊ ခက်ခဲမှုများကို သည်းခံနိုင်သူများကို ဆိုလိုသည်။

၂။ အာယသ်တော်၏ အဓိပ္ပာယ်ဖွင့်ဆိုချက်

ထိုအခါ အသိပညာပေးခံခဲ့ရသူများ — ဆိုလိုသည်မှာ အလ္လာဟ်အရှင်မြတ်နှင့် အရှင့်သာသနာတော်ကို ကောင်းစွာသိရှိပြီး အမှန်တရားကို နားလည်သော ပညာရှင်များ — က ကာရူန်၏ စည်းစိမ်ဥစ္စာများကို မြင်ပြီး “ကာရူန်ရရှိသကဲ့သို့ ငါတို့လည်း ရရှိပါစေသော” ဟု တောင့်တပြောဆိုနေကြသော သူများအား ဤသို့ဆုံးမကြသည်။

“သတိထားကြလော့။ အလ္လာဟ်အရှင်မြတ်ထံတော်မှ ပေးအပ်မည့် အကျိုးဆုလာဘ်သည် အလ္လာဟ်အရှင်မြတ်ကို ယုံကြည်ပြီး ကောင်းမှုကုသိုလ်များကို ပြုလုပ်သူများအတွက် ကာရူန်ရရှိခဲ့သော လောကီစည်းစိမ်ထက် များစွာသာလွန်ကောင်းမွန်သည်။”

ဤဆုံးမစကားကို လက်ခံနာယူပြီး လက်တွေ့ကျင့်သုံးနိုင်သူများမှာ စိတ်ရှည်သည်းခံသူများသာ ဖြစ်ကြသည်။ သူတို့သည် လောကီပစ္စည်းဥစ္စာများ၏ ယာယီသာယာမှုကို စွန့်လွှတ်ပြီး အလ္လာဟ်အရှင်မြတ်ထံတော်တွင် ရှိသော ထာဝရအကျိုးဆုလာဘ်ကို ရွေးချယ်ကာ၊ အရှင်မြတ်၏ အမိန့်တော်များကို လိုက်နာခြင်း၊ တားမြစ်ချက်များကို ရှောင်ကြဉ်ခြင်းတွင် စိတ်ရှည်စွာ ခံနိုင်ရည်ရှိကြသူများ ဖြစ်သည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• လောကီစည်းစိမ်ထက် နောင်တမလွန်ဘဝ၏ အကျိုးဆုလာဘ်က ပို၍တန်ဖိုးရှိသည်။ ကာရူန်ကဲ့သို့ လောကီဥစ္စာများ ပိုင်ဆိုင်ခြင်းသည် ယာယီသာဖြစ်ပြီး၊ အလ္လာဟ်အရှင်မြတ်ထံတော်တွင် ယုံကြည်သူနှ