Surah Aali Imran — Ayat 57

Gowani na pitharo o Allah: "Hay Eysa, mataan! a Sakn na thangann Akn ska, go iphoro Akn ska sii ko hadapan Ko go zoting Ko ska phoon ko siran a da pamaratiyaya; go mbalowing Ko so siran a miyamangonot rka a makaombaw ko siran a da pamaratiyaya, taman ko alongan a qiyamah: Oriyan iyan na Sakn i khandodan iyo, na kokomng Ko skano ko nganin a da kano ron pagayonayon

Na so pman so siran a da pamaratiyaya, na ziksaan ko siran sa siksa a sangat sii sa doniya, go sa akhirat, go da a phamakatabang kiran

Giyaya na pphanotholn Ami rka a pd ko manga ayat go so pananadm a kokoman

Mataan! a aya lagid o Eysa sii ko Allah na lagid o Adam; a inadn Iyan a phoon sa botha, oriyan iyan na pitharo Iyan on so: "Kon", na miyaadn