စူရာ အာလ်-အိမရာန် — အာယာသ် 57

1. ကမ္မဝေါဟာရ ရှင်းလင်းချက်

• آمَنُوا (အာမနူ): သူတို့သည် အီမာန်သက်ဝင်ယုံကြည်ကြသည်။
• عَمِلُوا الصَّالِحَاتِ (အမိလူဆွာလိဟာသ်): ကောင်းမှုကုသိုလ်များကို ပြုလုပ်ကြသည်။
• فَيُوَفِّيهِمْ أُجُورَهُمْ (ဖယူဝဖ်ဖီဟင်မ် အုဂျူရဟုမ်): ထို့နောက် သူတို့၏ အကျိုးအမြတ်များကို အပြည့်အဝ ပေးသနားတော်မူမည်။
• الظَّالِمِينَ (အဇ်ဇွာလိမီန): မတရားသူများ၊ မယုံကြည်သူများ။

1. အာယသ်တော်၏ အဓိပ္ပာယ် ဖွင့်ဆိုချက်

အလ္လာဟ်အရှင်မြတ်နှင့် အရှင်မြတ်၏ ရစူလ်တော်များကို အီမာန်သက်ဝင်ယုံကြည်၍ ကောင်းမှုကုသိုလ်များကို ပြုလုပ်ကြသူများကို အလ္လာဟ်အရှင်မြတ်သည် သူတို့၏ လုပ်ရပ်များ၏ အကျိုးအမြတ်များကို အပြည့်အဝ၊ အနည်းငယ်မျှ လျော့နည်းစေခြင်းမရှိဘဲ ပေးသနားတော်မူမည် ဖြစ်သည်။ ဤသည်မှာ တမန်တော်မုဟမ္မဒ် (ဆွလ္လလ္လာဟု အလိုင်ဟိဝစလ္လမ်) ကို မစေလွှတ်မီကာလတွင် တမန်တော်အီစာ (အလိုင်ဟိစ်စလာမ်) ကို နောက်လိုက်ခဲ့ကြသူများနှင့် ပတ်သက်၍ ဖြစ်သည်။ အကြောင်းမှာ တမန်တော်အီစာကိုယ်တိုင် သူတို့အား သတင်းကောင်းပေးခဲ့သော တမန်တော်မုဟမ္မဒ် (ဆွလ္လလ္လာဟု အလိုင်ဟိဝစလ္လမ်) ကို သူတို့သည် အီမာန်သက်ဝင်ယုံကြည်ကြသောအခါ သူတို့၏ ကောင်းမှုကုသိုလ်များသည် အပြည့်အဝ အကျိုးအမြတ်ရရှိကြမည် ဖြစ်သည်။ ထို့ပြင် အလ္လာဟ်အရှင်မြတ်သည် မတရားသူများကို နှစ်သက်တော်မူသည် မဟုတ်ပေ။ မတရားမှုတွင် အကြီးမားဆုံးမှာ အလ္လာဟ်အရှင်မြတ်နှင့် အခြားအရာများကို တွဲဖက်ကိုးကွယ်ခြင်း (ရှိရ်က်) နှင့် အရှင်မြတ်၏ ရစူလ်တော်များကို မဟုတ်မမှန်ဟု ငြင်းပယ်ခြင်း ဖြစ်သည်။

1. ဤအာယသ်တော်မှ ရရှိသော အကျိုးကျေးဇူးများ

• အီမာန်သက်ဝင်ယုံကြည်ခြင်းနှင့် ကောင်းမှုကုသိုလ်ပြုလုပ်ခြင်းသည် အလ္လာဟ်အရှင်မြတ်ထံတော်မှ အပြည့်အဝ အကျိုးအမြတ်ရရှိစေမည့် လမ်းစဉ်ဖြစ်သည်။
• အလ္လာဟ်အရှင်မြတ်သည် တရားမှတ်တော်မူသော အရှင်ဖြစ်ပြီး ကောင်းမှုပြုသူများကို လျော့နည်းစေခြင်းမရှိဘဲ အပြည့်အဝ ဆုချီးမြှင့်တော်မူသည်။
• မတရားမှုနှင့် ရှိရ်က် (တွဲဖက်ကိုးကွယ်မှု) သည် အလ္လာဟ်အရှင်မြတ်၏ နှစ်သက်တော်မူခြင်းကို မရရှိစေသော လုပ်ရပ်များဖြစ်ကြောင်း သိရှိရသည်။
• အစ္စလာမ်သာသနာသည် လူသားအ