စူရာ အရ်-ရူမ် — အာယာသ် 12

1. စကားလုံးများ၏ အဓိပ္ပာယ် ရှင်းလင်းချက်။

• တကူမု (تَقُومُ) — တည်ရှိလာသည်၊ ဖြစ်ပေါ်လာသည် ဟု အဓိပ္ပာယ်ရသည်။ ဤနေရာတွင် ကိယာမသ် (ရှင်ပြန်ထမြောက်ရမည့်နေ့) ဖြစ်ပေါ်လာခြင်းကို ဆိုလိုသည်။
• ဆာအာ (السَّاعَةُ) — အချိန်ကာလ၊ ဤနေရာတွင် ကိယာမသ်နေ့ကို ဆိုလိုသည်။
• ယုဗ်လိစု (يُبْلِسُ) — မျှော်လင့်ချက် လုံးဝပြတ်သွားခြင်း၊ စိတ်ပျက်အားငယ်ခြင်း၊ အကူအညီမရတော့ဘဲ ငြိမ်သက်သွားခြင်း ဟု အဓိပ္ပာယ်ရသည်။
• အလ်မုဂျ်ရိမုန် (الْمُجْرِمُونَ) — ပြစ်မှုကျူးလွန်သူများ၊ အပြစ်ရှိသူများ၊ အထူးသဖြင့် အလ္လာဟ်အရှင်မြတ်ကို ငြင်းပယ်သူများကို ဆိုလိုသည်။

1. အာယသ်တော်၏ အဓိပ္ပာယ် ဖွင့်ဆိုချက်။

ကိယာမသ်နေ့ ဖြစ်ပေါ်လာသောအခါ ပြစ်မှုကျူးလွန်သူများသည် မည်သည့်ကောင်းကျိုးကိုမျှ မမျှော်လင့်နိုင်တော့ဘဲ၊ အလ္လာဟ်အရှင်မြတ်၏ ကရုဏာတော်မှလည်း လုံးဝမျှော်လင့်ချက် ပြတ်သွားကြမည်။ သူတို့၏ ကုဖ်ရ် (ငြင်းပယ်မှု) အတွက် တင်ပြနိုင်သည့် အကြောင်းပြချက် အားလုံး ပျက်ပြယ်သွားမည်။ ထိုအခါ သူတို့သည် စိတ်ပျက်အားငယ်မှု၊ ထိတ်လန့်တုန်လှုပ်မှု၊ အကူအညီမဲ့မှုတို့ဖြင့် ငြိမ်သက်ကျဆင်းသွားကြမည်။ မည်သည့် လွတ်မြောက်မှုကိုမျှ မမျှော်လင့်နိုင်တော့ဘဲ၊ မည်သည့် အကြောင်းပြချက်ကိုမျှ မတင်ပြနိုင်တော့ဘဲ၊ သူတို့၏ အခြေအနေသည် လုံးဝ မျှော်လင့်ချက်ကင်းမဲ့သော အခြေအနေသို့ ရောက်ရှိသွားမည်။

1. ဤအာယသ်တော်မှ ရရှိနိုင်သော အကျိုးကျေးဇူးများနှင့် သင်ခန်းစာများ။

• ကိယာမသ်နေ့သည် အမှန်တကယ် ဖြစ်ပေါ်လာမည့်နေ့ ဖြစ်ကြောင်း ယုံကြည်စိတ်ချစေသည်။
• ဤလောကတွင် ပြစ်မှုကျူးလွန်နေသူများအတွက် ထိုနေ့သည် မျှော်လင့်ချက်ကင်းမဲ့သော နေ့ဖြစ်မည်ကို သတိပေးထားသည်။
• အလ္လာဟ်အရှင်မြတ်ထံ ပြန်လှည့်ဝန်ချတောင်းပန်ရန် ဤလောကတွင် အခွင့်အရေး ရှိသေးကြောင်း သွန်သင်ပေးသည်။
• အစ္စလာမ်သာသနာသည် လူသားတို့အား အမှန်တရားကို ရှင်းလင်းစွာ သိစေပြီး၊ ကောင်းမှုပြုရန် အားပေးတိုက်တွန်းသည်။
• ကုရ်အာန်သည် လူသားတို့၏ နောက်ဆုံးအခြေအနေကို ရှင်းလင်းစွာ ဖော်ပြပေးထားသော လမ်းညွှန်စာအုပ် ဖြစ်ကြောင်း သိမြင်စေသည်။
• ဤအာယသ်တော်ကို ဖတ်ရှုသူများသည် မိမိတို့၏ ဘဝကို ပြ