سورت صافات — آیت 163

د کلمو معناګانې:

• صَالِ الْجَحِيمِ: د دوزخ اور ته داخلېدونکی، د جهنم اور خوړونکی.

د آیت تفسیر:

اى مشركانو! تاسو او هغه معبودان چې تاسو يې له الله پرته عبادت كوئ، تاسو د الله له بنده ګانو څخه هېچا ته د ګمراهۍ لار نه شئ موندلى، او نه د هېچا په ګمراهۍ باندې قادر ياست. مګر هغه څوك چې الله تعالى پرې له پخوا حكم كړى دى چې هغه به د جهنم اور ته داخلېږي، د كفر او ظلم له امله. نو تاسو او ستاسو معبودان د دې توان نه لرئ چې هغه څوك ګمراه كړئ چې الله يې د هدايت پر لار روان كړى دى، او نه دا چې هغه څوك په خپله لار بوځئ چې الله پرې د ګمراهۍ حكم كړى دى. الله تعالى خپل حكم په هر چا باندې عملي كوي، او د هغه پرېكړه نه بدلېږي.

فايدې:

• دا چې هدايت او ګمراهي يواځې د الله تعالى په لاس كې ده، نه د بندګانو په لاس. نو مسلمان بايد له الله څخه د ثابت قدمۍ غوښتنه وكړي او د هغه پر حكم راضي وي.
• دا چې د الله تعالى حكم حتمي دى او هيڅوك يې نه شي بدلولى، نو بايد انسان د الله له حكم څخه ووېرېږي او د هغه د رضا لپاره هڅه وكړي.
• دا چې شيطان او د هغه پلويان د هېچا په ګمراهۍ باندې قادر نه دي، مګر پر هغه چا چې الله پرې د ګمراهۍ حكم كړى وي. نو مسلمان بايد له شيطان له وسوسو څخه الله ته پناه يوسي او پر الله توكل وكړي.