Sura Ad-Dukhan — Aya 55

Maana ya maneno:

• Yad'ūna fīhā: Wataomba na kuagiza ndani ya Pepo.
• Bikulli fākihatin: Kila aina ya matunda ya Peponi.
• Āminīn: Wenye amani na usalama, wasio na hofu yoyote.

Tafsiri ya Aya:

Waumini wacha Mungu wataokuwa Peponi wataagiza wahudumu wao wawalete kila aina ya matunda wanayotamani, na wao wako katika hali ya amani kamili. Hawana hofu ya matunda hayo kuisha au kupungua, wala hawana wasiwasi wa madhara yoyote yatokanayo nayo, kama vile maumivu ya tumbo au maradhi mengine. Pia wako salama kutokana na kila kitu cha kuogofya, kwani Pepo ni nyumba ya amani na usalama wa milele.

Faida Zinazotokana na Aya:

1. Aya hii inatuonesha ukarimu wa Mwenyezi Mungu kwa waja wake wacha Mungu, kwani atawapa kila wanachokitamani bila kikomo.
2. Inathibitisha kwamba neema za Pepo ni za kudumu na hazina mwisho, tofauti na neema za duniani zinazopita.
3. Inatupa matumaini na kutuhamasisha kujitahidi katika ibada na utiifu, ili tufikie furaha hiyo ya milele.
4. Inaonyesha kwamba wacha Mungu watakuwa na amani ya moyo na utulivu kamili, jambo linalotufundisha kuwa amani ya kweli inapatikana kwa kumtii Mwenyezi Mungu.