Surah Qaf — Ẹsẹ 45

Àwọn ìtumọ̀ àwọn ọ̀rọ̀ tí ó nílò àlàyé:

• جَبَّارٍ (Jabbār): Ẹni tí ó ní agbára láti fipá mú ẹlòmíràn.
• وَعِيدِ (Waʿīd): Ìkìlọ̀ nípa ìjìyà tí Ọlọ́run ṣe fún àwọn tí wọ́n ṣẹ̀.
• فَذَكِّرْ (Fadhakkir): Rántí wọn, kí o sì gbà wọ́n ní ìyànjú.

Ìtumọ̀ ìṣẹ̀dá-ọ̀rọ̀:

Àwa ni Ẹni tí Ó mọ̀ jùlọ nípa ohun tí wọ́n ń sọ, àti pé ìwọ kì í ṣe ẹni tí a fún ní agbára láti fipá mú wọn gba ìsìn Mùsùlùmí. Kì í ṣe iṣẹ́ rẹ láti fi agbára mú wọn, bí kò ṣe pé kí o jẹ́ olùkìlọ̀. Nítorí náà, fi Àlƙur’ān rántí àwọn tí wọ́n ń bẹ̀rù ìkìlọ̀ Mi, nítorí pé ẹni tí ó bẹ̀rù ni yóò gba ìkìlọ̀, kì í ṣe ẹni tí kò bẹ̀rù.

Àwọn ẹ̀kọ́ tí ó wà nínú ẹsẹ yìí:

1. Ọlọ́run mọ gbogbo ohun tí àwọn aláìgbàgbọ́ ń sọ nípa ọ̀rọ̀ rẹ̀ àti nípa rẹ̀, ó sì ń gbọ́ gbogbo ọ̀rọ̀ wọn.
2. Iṣẹ́ Ànábì (sallallāhu ʿalayhi wa sallam) kì í ṣe láti fi agbára mú àwọn ènìyàn gba ìsìn, bí kò ṣe láti kéde àti láti gbà wọ́n ní ìyànjú.
3. Àlƙur’ān ni ohun èlò ìrántí tí ó dára jùlọ fún àwọn tí wọ́n ń bẹ̀rù Ọlọ́run.
4. Ẹni tí ó bẹ̀rù ìjìyà Ọlọ́run ni yóò gba ìkìlọ̀, kì í ṣe ẹni tí kò bẹ̀rù.
5. Ìsìn Mùsùlùmí kì í ṣe ìsìn ìfipá mú, bí kò ṣe ìsìn ìmọ̀lára àti ìgbàgbọ́ tí ó wá láti inú ọkàn.
6. Àlƙur’ān jẹ́ ìmọ́lẹ̀ àti ìtọ́sọ́nà fún ẹnikẹ́ni tí ó bá ń fẹ́ ìtọ́sọ́nà àti ẹni tí ó ń bẹ̀rù Ọlọ́run.
7. Ó yẹ kí àwọn oníwàásù máa lo ọ̀nà ìfọ̀rọ̀wérọ̀ àti ìdánilẹ́kọ̀ọ́, kì í ṣe ìfipá mú.