Sura At-Tur — Aya 13

Maana ya maneno:

• يُدَعُّونَ: wanasukumwa kwa nguvu na ukali.
• دَعًّا: kusukumwa kwa nguvu na dhuluma, kwa fujo na unyonge.

Tafsiri ya Aya:

Aya hii inaelezea hali ya watu wanao kanusha ukweli Siku ya Kiyama, kwamba wao watasukumwa kwa nguvu na ukali mkubwa kuelekea Motoni (Jahannam), wakiwa wamevunjwa heshima yao na kudharauliwa. Hawataingia wenyewe kwa hiari, bali watafukuzwa na malaika kwa nguvu, kama vile wanyama wanavyo fukuzwa. Hii ni adhabu ya kuwa walikataa kuamini Mwenyezi Mungu na kukanusha ujumbe wa Mitume wao duniani.

Faida za Aya:

• Aya hii inatuonya juu ya ukali wa adhabu ya Mwenyezi Mungu kwa wale wanao kanusha ukweli, na kwamba hakuna mtu atakaye epuka adhabu hiyo kwa nguvu au uwezo wake.
• Inatukumbusha umuhimu wa kumcha Mwenyezi Mungu na kufuata mafundisho ya dini, ili tuepuke hali hiyo ya kusukumwa Motoni kwa unyonge.
• Inathibitisha kwamba Mwenyezi Mungu ni Mwenye haki na adili, na kwamba kila mtu atalipwa kwa matendo yake; wema atalipwa wema, na muovu atalipwa adhabu inayo endana na ubaya wake.
• Inatia moyo waumini kushikamana na Imani yao na kuwa na subira katika kufuata haki, hata kama wanakabiliwa na dhiki duniani, kwani mwisho wa wema ni furaha na mwisho wa uovu ni mateso.