Na tukawarithisha watu walio kuwa wanadharauliwa mashariki na magharibi ya ardhi tuliyo ibariki. Na likatimia neno jema la Mola Mlezi wako juu ya Wana wa Israili, kwa vile walivyo subiri. Na tukayaangamiza aliyo kuwa akiyafanya Firauni na kaumu yake, na waliyo kuwa wakiyajenga.
Na tukawavusha bahari Wana wa Israili, wakafika kwa watu wanao abudu masanamu yao. Wakasema: Ewe Musa! Hebu tufanyie na sisi miungu kama hawa walivyo kuwa na miungu. Musa akasema: Hakika nyinyi ni watu msio jua kitu.
Na pale tulipo kuokoeni kwa watu wa Firauni walio kupeni adhabu za mwisho wa uovu. Wakiwauwa wavulana wenu, na wakawaacha hai wanawake wenu. Na katika hayo yalikuwa majaribio makubwa kutokana na Mola wenu Mlezi.
Tovuti ya SurahQuran ilianzishwa kama jitihada ndogo ya kutumikia Kitabu kitukufu na Sunna safi, kulingania kwa Mwenyezi Mungu na kurahisisha elimu za dini kwa mujibu wa mwenendo wa Qur'an na Sunna. Tunamsifu na kumshukuru Mwenyezi Mungu kwa neema yake, na tunamwomba akubali matendo yetu na kuyafanya kuwa ya ikhlasi kwa ajili ya uso wake mtukufu.
