Surah Al-Ghashiyah — Aya 9

Ma’anonin Kalmomi:

• لِسَعْيِهَا: Domin aikinta da ta yi a duniya, na alheri da ibada.
• رَاضِيَةٌ: Mai yarda da gamsuwa.

Tafsiri:

A ranar Kiyama, wasu fuskoki za su kasance masu ni’ima da farin ciki. Waɗannan fuskokin su ne fuskokin muminai waɗanda suka yi aikin alheri a duniya, kamar salla, azumi, zakka, da sauran ibadõji. A lokacin da suka ga sakamakon aikinsu na alheri a Lahira, za su kasance masu gamsuwa da yarda, domin sun sami lada mai yawa wanda Allah Ya ajiye musu, wanda ya ninka fiye da abin da suka yi. Sun yi farin ciki da abin da suka samu na albarka da rahama, kuma sun gamsu da sakamakon da suka aikata a duniya.

Fa’idõjin da ake samu daga wannan aya:

1. Ƙarfafa wa mumini himma a kan yin ayyukan alheri, domin sanin cewa lada zai zo a Lahira, kuma zai sami gamsuwa da yarda da abin da ya aikata.
2. Nuna cewa aikin alheri ba ya ɓacewa a wurin Allah, kuma kowane mutum zai sami sakamakon aikinsa, ko alheri ko sharri.
3. Ƙarfafa bege da fatan alheri ga masu yin ayyukan ƙwarai, domin sun san cewa za su sami ni’ima da jin daɗi a ranar Kiyama.
4. Tunatar da cewa yarda da gamsuwa da abin da Allah Ya ba da, yana daga cikin halayen muminai, kuma yana da matuƙar daraja a wurin Allah.