စူရာ ယာစီး — အာယာသ် 40

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ

• لَا الشَّمْسُ يَنبَغِي لَهَا — နေသည် မဖြစ်ထိုက်၊ မသင့်လျော်၊ မဖြစ်နိုင်။
• أَن تُدْرِكَ الْقَمَرَ — လကို မှီအောင် လိုက်လျှောက်နိုင်ခြင်း၊ လနှင့် ပေါင်းဆုံခြင်း၊ လ၏ အလင်းကို ဖျောက်ဖျက်ခြင်း။
• وَلَا اللَّيْلُ سَابِقُ النَّهَارِ — ညသည် နေ့ကို မကျော်လွန်၊ နေ့၏ အချိန်မကုန်မီ ညသည် ရှေ့မှ မဝင်ရောက်။
• وَكُلٌّ — ထိုအရာအားလုံး၊ တစ်ခုချင်းစီ။
• فِي فَلَكٍ — လမ်းကြောင်း၊ လှည့်ပတ်ရာ လမ်းကြောင်း၊ ပတ်လမ်း။
• يَسْبَحُونَ — ရေထဲတွင် ရေကူးသကဲ့သို့ လွတ်လပ်စွာ လှည့်ပတ်သွားလာနေကြသည်။

၂။ အာယသ်တော်၏ အဓိပ္ပာယ် ရှင်းလင်းချက်

အလ္လာဟ်အရှင်မြတ်သည် နေ၊ လ၊ ညနှင့် နေ့တို့အတွက် သတ်မှတ်ထားတော်မူသော အချိန်ကာလနှင့် လမ်းကြောင်းများကို ဖော်ပြတော်မူသည်။ နေသည် လကို မှီအောင် လိုက်လျှောက်၍ လ၏ အလင်းကို ဖျောက်ဖျက်နိုင်ခြင်း၊ လ၏ လမ်းကြောင်းကို ပြောင်းလဲစေနိုင်ခြင်း မရှိပေ။ အကြောင်းမှာ နေနှင့် လတို့သည် မတူညီသော ပတ်လမ်းများတွင် ရှိကြပြီး နေသည် ၎င်း၏ ပတ်လမ်းကို တစ်နှစ်လျှင် တစ်ကြိမ် လှည့်ပတ်ပြီး၊ လသည် ၎င်း၏ ပတ်လမ်းကို တစ်လလျှင် တစ်ကြိမ် လှည့်ပတ်သောကြောင့် ဖြစ်သည်။ ထို့အပြင် ညသည် နေ့ကို ကျော်လွန်၍ နေ့၏ အချိန်မကုန်မီ ရှေ့မှ ဝင်ရောက်နိုင်ခြင်း မရှိပေ။ လ၏ သွားလာမှုသည် နေထက် ပို၍ လျင်မြန်သော်လည်း ၎င်းတို့နှစ်ခုသည် တိကျသော အတွက်အချက်ဖြင့် အလှည့်ကျ ဆက်တိုက် ဖြစ်ပေါ်နေကြသည်။ တစ်ခုမှ တစ်ခု၏ အချိန်မတိုင်မီ မရောက်ရှိဘဲ၊ နှစ်ခုလည်း ပေါင်းဆုံမှု မရှိပေ။ နေနှင့် လအပါအဝင် ကြယ်နက္ခတ်တာရာအားလုံးသည် မိမိတို့၏ သီးခြားပတ်လမ်းများအတွင်း အလ္လာဟ်အရှင်မြတ်၏ စီမံခန့်ခွဲမှုနှင့် ထိန်းသိမ်းစောင့်ရှောက်မှုဖြင့် ရေထဲတွင် ရေကူးသကဲ့သို့ လွတ်လပ်စွာ လှည့်ပတ်သွားလာနေကြသည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် အစ္စလာမ်ဘာသာသို့ ဖိတ်ခေါ်မှု

ဤအာယသ်တော်သည် စကြာဝဠာ၏ စနစ်တကျ လည်ပတ်နေမှုကို ထင်ရှားစွာ ဖော်ပြသည်။ နေနှင့် လ၊ ညနှင့် နေ့တို့သည် အလွန်တိကျသော စည်းမျဉ်းများအတိုင်း လ