Sura Az-Zukhruf — Aya 5

Maana ya maneno:

• "Anadribu 'ankumu dh-dhikra safhan": Je, tuache kukuleteeni Qur'ani na kuacha kuwaonya kwa kuwaambia?
• "Musrifina": Wale wanao zidi katika kukanusha na kufanya maasi.

Tafsiri ya Aya:

Je, tunawaachia nyinyi na kuacha kukuleteeni Qur'ani na mawaidha, kwa sababu ya kuendelea kwenu katika ushirikina na maasi? Hapana! Hatufanyi hivyo. Bali rehema yetu kwenu inatuhimiza kuendelea kukuleteeni Qur'ani na kuwalingania kwenye haki, hata kama nyinyi mnaendelea katika upotofu wenu. Hili ni swali la kukanusha, likimaanisha kwamba hatuwaachii, bali tunawaonya na kuwapa mawaidha ili wapate kuongoka.

Faida Zinazotokana na Aya:

1. Rehema ya Mwenyezi Mungu kwa waja wake ni kubwa; hawaachi kuwalingania kwenye haki hata wakiwa wamezidi katika makosa.
2. Qur'ani ni rehema na mwongozo kwa wanadamu wote, haikataliwi kwa sababu ya ukaidi wa wengine.
3. Mwenyezi Mungu ni Mwingi wa subira; haharakishi adhabu kwa waja wake, bali anawapa mwanya wa kurejea.
4. Wito wa kwenye haki haukomi hata kama watu wanakataa; ni wajibu wa kuendelea kutoa mawaidha kwa subira na uvumilivu.