සූරා යූසුෆ් — ආයාත් 110

වචනාර්ථ පැහැදිලි කිරීම්:

• اسْتَيْأَسَ – බලාපොරොත්තු සුන් වීම, අපේක්ෂා බිඳ වැටීම.
• وَظَنُّوا – මෙහි අර්ථය “ස්ථිරවම විශ්වාස කළා” හෝ “තහවුරු කර ගත්තා” යන්නයි.
• كُذِبُوا – බොරු කියනු ලැබූ බව (එනම්, රසූල්වරුන්ට ඔවුන්ගේ ප්රජාවන් විසින් බොරු කියනු ලැබූ බව).
• بَأْسُنَا – අපගේ දඬුවම හෝ ග්රහණය.

අර්ථ නිරූපණය:

නබිවරයනි! ඔබව බොරු කළ අයට එරෙහිව උපකාරය ලැබීමට ඉක්මන් නොවන්න. මන්ද, ඔබට පෙර යවන ලද රසූල්වරුන්ට ද ජයග්රහණය හා උපකාරය ක්ෂණිකව නොලැබුණේ අල්ලාහ්ගේ ප්රඥාව අනුවය. ඔවුන්ගේ සතුරන්ට දඬුවම් කිරීම ප්රමාද කරනු ලැබුවේ ඔවුන්ට අවස්ථාවක් ලබා දීම සඳහාය. මෙලෙස ප්රමාදය දිගු වූ විට, රසූල්වරුන්ට ඔවුන්ගේ ප්රජාවන්ගෙන් බලාපොරොත්තු සුන් විය. එම ප්රජාවන් (ප්රතික්ෂේප කරන්නන්) රසූල්වරුන් තමන්ට පොරොන්දු වූ දඬුවම හා උපකාරය පිළිබඳව බොරු කීවායැයි ස්ථිරවම විශ්වාස කළහ. එනම්, “මොවුන් අපට කියන දඬුවම කිසිදා නොඑනු ඇතැ”යි ඔවුහු සිතූහ. එවිට, දැඩි පීඩාව සහ අසීරුතම අවස්ථාවේදී අපගේ උපකාරය රසූල්වරුන් වෙත පැමිණියේය. අප කැමති අයව (රසූල්වරුන් සහ ඔවුන්ගේ අනුගාමිකයින්) ගලවා ගත්තෙමු. අපගේ දඬුවම අපරාධකාරීන් වන (අල්ලාහ්ට අකීකරු වී සීමාව ඉක්මවූ) ප්රජාවන්ගෙන් වළක්වනු නොලැබේ. එය ඔවුන් වෙත පැමිණි විට, එය කිසිවෙකුටත් වළක්වා ගත නොහැක.

උපදේශාත්මක පාඩම්:

1. ඉවසීම සහ අල්ලාහ් කෙරෙහි විශ්වාසය: උපකාරය ප්රමාද වුවද, එය අල්ලාහ්ගේ නියමිත කාලයේදීම පැමිණෙන බවට ස්ථිර විශ්වාසයක් තබා ගත යුතුය. දුෂ්කරතා උත්සන්න වන විට උපකාරය සමීප වේ.
2. අල්ලාහ්ගේ ප්රමාදය තුළ ප්රඥාවක් ඇත: සමහර විට දඬුවම ප්රමාද කිරීම අපරාධකරුවන්ට පසුතැවීමට හා යහමඟට ඒමට ඇති අවස්ථාවකි. එබැවින් කිසිවෙකු අල්ලාහ්ගේ කරුණාවෙන් බලාපොරොත්තු සුන් නොවිය යුතුය.
3. අල්ලාහ්ගේ දඬුවම වළක්වා ගත නොහැක: අපරාධකාරීන්ට එරෙහි අල්ලාහ්ගේ දඬුවම පැමිණි විට, එය කිසිදු බලවේගයකට වළක්වා ගත නොහැක. එබැවින් පාපයන්ගෙන් වැළකී අල්ලාහ්ගේ අනුග්රහය ලබා ගැනීමට උත්සාහ කළ යුතුය.
4. සත්යයේ ජයග්රහණය නිසැකය: රසූල්වරුන්ට එරෙහිව කුමන්ත්රණ කළද, අවසාන ජයග්රහණය සැමවිටම සත්යයේ අනුගාමිකයින්ටම හිමි වේ. මෙය සෑම මුස්ලිම්වරයෙකුගේම හදවතට ශක්තියක් හා සැනසීමක් ගෙන දෙයි.