Suurah Al-Furqaan — Aayad 22

Macnaha Erayada:

• Hijran Mahjuura: Eray ay dhahaan Malaa'igtu oo macneheedu yahay "Xaaraan baa lagu idinka xayay" ama "Bishaaro waa idinka mamnuuc".

Tafsiirka:

Waa in la xusuusto Maalinta ay arki Malaa'igta, taasoo ah marka ay qofka gaaliga ah ka baxayso naftiisa, iyo xaaladda qabriga, iyo Maalinta Qiyaamaha marka la soo bixinayo, iyo marka loo kaxeeynayo Xisaabta, iyo marka la gelinayo Naarta. Maalintaas waxaa jiri doona laba nooc oo dad ah: Mu'miniinta iyo Mujrimiinta (gaalada). Malaa'igtu markay arkaan Mu'miniinta waxay ku bishaareeyaan Jannada, laakiin markay arkaan gaalada ma jirto bishaaro iyo farxad, waxayse ku dhahaan: "Bishaarada Jannada waa idinka xaaraan, waa laydinka reebay". Sidaa darteed, Malaa'igtu waxay u sheegi gaalada in Jannadu tahay mid iyaga ka mamnuuc ah, sida ay yiraahdeen: "Hijran Mahjuura" oo ah eray lagu muujinayo mamnuucid iyo xayiraad buuxda.

Faa'iidooyin:

1. Tan waxay ku tusinaysaa naxariista iyo caddaaladda Eebe, maxaa yeelay wuxuu u kala saarayaa dadka si waafaqsan camalkooda; Mu'miniinta bishaaro iyo gaalada mamnuuc.
2. Waxay ku digaysaa in qofka gaaliga ahi uu lumiyo rajadii wanaagga, oo uu gaadho xaalad aad u murugo badan, taasoo ku kallifaysa in qofku u degdego toobadda iyo Iimaanka.
3. Waxay ku baraysaa in Malaa'igtu ay yihiin adeegayaasha Eebe oo ay fuliyaan amarkiisa, iyagoo ku bishaareeya kuwa wanaagsan oo ku cabsiin kuwa xun, taasoo muujinaysa weynimadda Eebe iyo awooddiisa.
4. Waxay ku dhiirigelinaysaa Mu'miniinta inay ku adkaystaan Iimaankooda, maxaa yeelay bishaarada Jannada waxay u gaadhi doontaa kuwa toosan, iyadoo ay ka mahrumaan kuwa xun.