စူရာ အလ်-မာအိဒ — အာယာသ် 113

1. အာယသ်တော်တွင် ရှင်းလင်းရန် လိုအပ်သော စကားလုံးများ၏ အဓိပ္ပာယ်များ:

• نُرِيدُ (နုရီးဒု): ကျွန်ုပ်တို့ လိုလားသည်၊ ဆန္ဒရှိသည်။
• نَأْكُلُ (နအ်ကူလု): ကျွန်ုပ်တို့ စားသုံးသည်။
• مِنْهَا (မင်ဟာ): ထိုစားပွဲမှ။
• وَتَطْمَئِنَّ (ဝသွမ်အိန်းန): ပြီးလျှင် ငြိမ်းချမ်းအေးချမ်းသည်၊ တည်ငြိမ်သည်။
• قُلُوبُنَا (ကူလူးဗုနာ): ကျွန်ုပ်တို့၏ စိတ်နှလုံးများ။
• وَنَعْلَمَ (ဝနအ်လမ): ပြီးလျှင် ကျွန်ုပ်တို့ သိရှိသည်။
• صَدَقْتَنَا (ဆွဒက်သနာ): အသင်သည် ကျွန်ုပ်တို့အား အမှန်ပြောခဲ့သည်။
• الشَّاهِدِينَ (ရှာဟိဒီးန): သက်သေခံများ။

1. အာယသ်တော်၏ အဓိပ္ပာယ်ဖွင့်ဆိုချက်:

ဟဝါရီယူးန် (တမန်တော် အီစာ၏ အပေါင်းအဖော်များ) တို့က ဤသို့ ပြောဆိုကြသည် — ကျွန်ုပ်တို့သည် ထိုကောင်းကင်မှ ဆင်းသက်လာသော စားပွဲတော်မှ စားသုံးလိုကြသည်။ ထိုသို့ စားသုံးရခြင်းမှာ ဆာလောင်မှုကို ဖြည့်ဆည်းရန်အတွက်မဟုတ်ဘဲ ဘာရကသ် (ကောင်းချီးမင်္ဂလာ) ရရှိရန်အတွက် ဖြစ်သည်။ ထို့အပြင် ကျွန်ုပ်တို့၏ စိတ်နှလုံးများ ငြိမ်းချမ်းအေးချမ်းလာစေရန်၊ အလ္လာဟ်အရှင်မြတ်သည် အရာခပ်သိမ်းကို စွမ်းဆောင်နိုင်တော်မူကြောင်း စိတ်ချယုံကြည်မှု တိုးပွားလာစေရန် ဖြစ်သည်။ ထို့အပြင် အသင်သည် အလ္လာဟ်အရှင်မြတ်ထံမှ ယူဆောင်လာခဲ့သော သတင်းစကားများတွင် ကျွန်ုပ်တို့အား အမှန်တကယ် ပြောဆိုခဲ့ကြောင်း ယုံကြည်မှု အပြည့်အဝဖြင့် သိရှိလာစေရန် ဖြစ်သည်။ ထို့အပြင် ကျွန်ုပ်တို့သည် ထိုစားပွဲတော် ဆင်းသက်လာခြင်းကို မျက်မြင်တွေ့ခဲ့ရသူများအဖြစ် သက်သေခံများ ဖြစ်လာစေရန် ဖြစ်သည်။ ဆိုလိုသည်မှာ ထိုအံ့ဖွယ်နိမိတ်ကို မမြင်တွေ့ခဲ့ရသော အခြားသူများအား အလ္လာဟ်အရှင်မြတ်၏ တစ်ဆူတည်းဖြစ်တော်မူခြင်းနှင့် အရာခပ်သိမ်းအပေါ် စွမ်းဆောင်နိုင်တော်မူခြင်းကို သက်သေခံရန်နှင့် တမန်တော် အီစာ (အလိုင်ဟိစ်စလာမ်) သည် အလ္လာဟ်အရှင်မြတ်၏ ရစူလ်တမန်တော် အမှန်ဖြစ်ကြောင်း သက်သေခံရန် ဖြစ်သည်။

1. ဤအာယသ်တော်မှ ရရှိနိုင်သော အကျိုးကျေးဇူးများနှင့် သင်ခန်းစာများ:

• မွတ်စ်လင်မ်များအနေဖြင့် အလ္လာဟ်အရှင်မြတ်၏ စွမ်းအားတော်ကို ယုံကြည်စိတ်ချမှု အပြည့်အဝထားရှိရမည်။ အရာခပ်သိမ်းကို အလ္လာဟ်အရှင်မြတ် စွမ်းဆောင်နိုင်တော်မူကြောင်း စိတ်နှလုံ