Surah Al-A'raf — Ẹsẹ 185

1. Àwọn ọ̀rọ̀ tí ó nílò àlàyé nínú ẹsẹ yìí:

• ملكوت: Ìjọba ńlá àti agbára Ọlọ́run tí ó kún fún ọgbọ́n àti iṣẹ́-ọnà.
• أجلهم: Àkókò ikú wọn tí a ti yàn.
• حديث: Ọ̀rọ̀, ìwé, tàbí ìkìlọ̀; níbí ó ń tọ́ka sí Al-Qur’ān.
• عسى: Ó lè jẹ́ pé, ó ṣeé ṣe kí ó jẹ́ pé.

1. Àlàyé ẹsẹ náà:

Ṣé àwọn tí ń pa àwọn ẹ̀sẹ̀ Al-Qur’ān ní irọ́ kò wo ìjọba ńlá Ọlọ́run nínú àwọn ọ̀run àti ilẹ̀, àti gbogbo ohun tí Ọlọ́run dá nínú wọn? Kí wọ́n fi ojú àfiyèsí wo bí ó ti dá àwọn ẹ̀dá oríṣiríṣi—ẹranko, ohun ọ̀gbìn, àti ohun mìíràn—kí wọ́n sì ronú jinlẹ̀ nípa àwọn àmì tí ó fi agbára àti ọgbọ́n Ọlọ́run hàn. Kí wọ́n tún wo àkókò ikú wọn tí ó lè ti sún mọ́lé, kí wọ́n lè ronú pìwà dà kí ó tó pẹ́ jù. Bí wọ́n kò bá gba Al-Qur’ān àti àwọn ìlérí àti ìkìlọ̀ tí ó wà nínú rẹ̀ gbọ́, ìwé wo ni wọ́n máa gbà gbọ́? Nítorí kò sí ìwé mìíràn lẹ́yìn rẹ̀, kò sì sí wòlíì mìíràn lẹ́yìn Muhammadu (ṣallá Allāhu ʿalayhi wa sallam).

1. Àwọn ẹ̀kọ́ tí ó ń fà mọ́ra nínú Ìsìlámù àti Al-Qur’ān:

• Ṣíṣe àfiyèsí sí àwọn ohun tí Ọlọ́run dá nínú ọ̀run àti ilẹ̀ ń darí ènìyàn sí ìmọ̀ nípa Ọlọ́run àti agbára Rẹ̀.
• Ronú nípa ẹ̀mí rẹ àti àkókò ikú rẹ ń ràn ènìyàn lọ́wọ́ láti yára ronú pìwà dà kí ó tó pẹ́ jù.
• Al-Qur’ān ni ìwé tí ó tóbi jùlọ, tí ó sì tọ́nà fún gbogbo ènìyàn; ẹnikẹ́ni tí kò bá gbà á gbọ́ kò ní ìwé mìíràn tí ó dára jù ú láti gbà gbọ́.
• Ìsìlámù ń kọ́ ènìyàn láti máa ṣe àgbéyẹ̀wò, láti máa ronú, kí wọ́n sì máa dúpẹ́ fún àwọn àmì Ọlọ́run tí ó yí wọn ká.
• Ó ń fi hàn pé àǹfààní ìmọ̀ àti ìrònú jinlẹ̀ wà nínú Ìsìlámù, ó sì ń gbà ènìyàn ní ìyànjú láti yẹ̀wò ìṣẹ̀dá kí wọ́n lè rí òtítọ́.