და თუ ისინი, ვისთანაც დადებული გაქვს შეთანხმება, ისურვებენ მოტყუებას (ო, მოციქულო), ჭეშმარიტად, საკმარისია შენთვის ალლაჰი (ის დაგიცავს მათი ცბიერებისაგან). ისაა, რომელმაც მხარი დაგიჭირა თავისი დახმარებით და მორწმუნეებით.
და მან (ალლაჰმა) გააერთიანა მათი გულები. ვინაიდან, (თუკი შენ, ო მოციქულო), დახარჯავდი იმ ყველაფერს, რაც დედამიწაზეა, ვერ შეძლებდი მათი გულების გაერთიანებას, მაგრამ ალლაჰმა თვითონ გააერთიანა ისინი. უეჭველად, ის ძლევამოსილი, ბრძენია.
ჰეი, მოციქულო! წააქეზე მორწმუნენი ბრძოლისთვის. თუ თქვენს შორის იქნება ოცი მოთმინებით გამორჩეული (მორწმუნე), ისინი დაამარცხებენ ორას ურწმუნოს, ხოლო თუ თქვენს შორის იქნება ასი (მომთმენი), ისინი დაამარცხებენ ათას ურწმუნოს, რადგან ისინი (ურწმუნონი) ისეთი ხალხია, რომლებიც ვერ ხვდებიან .
ახლა ალლაჰმა შეგიმსუბუქათ თქვენ, [მორწმუნენო], და მან იცის, რომ თქვენში არის სისუსტე. ამიტომ, თუ თქვენ შორის იქნება ასი მომთმენი (მებრძოლი), ისინი დაამარცხებენ ორასს, ხოლო თუ თქვენ შორის იქნება ათასი, ისინი დაამარცხებენ ორი ათას ურწმუნოს ალლაჰის ნებით. და ალლაჰი მომთმენებთანაა.
SurahQuran.com was founded as a humble effort to serve the Noble Book and the pure Sunnah, to invite people to Allah, and to make the religious sciences accessible according to the methodology of the Quran and Sunnah. We praise and thank Allah for His grace, and we ask Him to accept our work and make it sincere for His noble Face.
