စူရာ အန်-နဟ်လ် — အာယာသ် 38

၁။ ခက်ခဲသောဝေါဟာရများ အဓိပ္ပာယ်ဖွင့်ဆိုချက်

• وَأَقْسَمُوا — သူတို့သည် ကျမ်းကျိန်ဆိုကြ၏။
• جَهْدَ أَيْمَانِهِمْ — မိမိတို့၏ ကျမ်းကျိန်ဆိုမှုတွင် အစွမ်းကုန် ကြိုးစား၍ အလေးအနက် ကျိန်ဆိုခြင်း။
• لَا يَبْعَثُ اللَّهُ مَن يَمُوتُ — သေဆုံးသွားသူများကို အလ္လာဟ်အရှင်မြတ်သည် ရှင်ပြန်ထမြောက်စေတော်မူမည် မဟုတ်ပါ။
• بَلَىٰ — မဟုတ်ပါ၊ ထိုသို့အလျှင်းမဟုတ်၊ အမှန်ပင် ရှင်ပြန်ထမြောက်စေတော်မူမည်။
• وَعْدًا عَلَيْهِ حَقًّا — အရှင်မြတ်အပေါ် တာဝန်ဝတ္တရားအဖြစ် ဧကန်မုချ ပြည့်စုံစေမည့် ကတိတော်ဖြစ်သည်။
• وَلَٰكِنَّ أَكْثَرَ النَّاسِ لَا يَعْلَمُونَ — သို့သော် လူသားအများစုသည် မသိကြပေ။

၂။ အာယသ်တော်၏ အဓိပ္ပာယ်ဖွင့်ဆိုချက်

ရှင်ပြန်ထမြောက်ခြင်းကို ငြင်းပယ်သော ဤမုရှ်ရိက်များသည် အလ္လာဟ်အရှင်မြတ်အား တိုင်တည်၍ အလွန်အမင်း အလေးအနက် ကျမ်းကျိန်ဆိုကြပြီး “သေဆုံးသွားသူများကို အလ္လာဟ်အရှင်မြတ်သည် ရှင်ပြန်ထမြောက်စေတော်မူမည် မဟုတ်ပါ” ဟု ပြောဆိုကြ၏။ သို့သော် သူတို့၌ ဤအဆိုအတွက် မည်သည့် အထောက်အထားမျှ မရှိပေ။ အလ္လာဟ်အရှင်မြတ်သည် ဤသို့ပြောဆိုသူများအား ပြန်လည်ဖြေကြားတော်မူသည်မှာ “အမှန်ပင် ရှင်ပြန်ထမြောက်စေတော်မူမည်” ဟူ၍ဖြစ်သည်။ သေဆုံးပြီး ဆွေးမြေ့ပျက်စီးသွားသော်လည်း အလ္လာဟ်အရှင်မြတ်သည် အားလုံးကို ရှင်ပြန်ထမြောက်စေတော်မူမည်ဖြစ်သည်။ ဤသည် အရှင်မြတ်အပေါ် ဧကန်မုချ ပြည့်စုံစေတော်မူမည့် ကတိတော်ဖြစ်၏။ သို့သော် လူသားအများစုသည် အလ္လာဟ်အရှင်မြတ်သည် သေသူများကို ရှင်ပြန်ထမြောက်စေနိုင်သည့် တန်ခိုးတော်ကို မသိကြသဖြင့် ရှင်ပြန်ထမြောက်ခြင်းကို ငြင်းပယ်ကြလေသည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

၁။ ရှင်ပြန်ထမြောက်ခြင်းသည် ဧကန်မုချဖြစ်သည် — မည်သူမျှ မလွတ်မြောက်နိုင်သော အမှန်တရားဖြစ်သည်။ အလ္လာဟ်အရှင်မြတ်သည် မိမိ၏ ကတိတော်ကို ဧကန်မုချ ပြည့်စုံစေတော်မူမည်။

၂။ ကျမ်းကျိန်ဆိုခြင်းသည် အမှန်တရားကို မပြောင်းလဲစေနိုင် — မှားယွင်းသော အယူအဆအတွက် မည်မျှပင် အလေးအနက် ကျိန်ဆိုစေကာမူ ၎င်းသည် အမှန်တရားကို မှားယွင်းစေနိုင်မည် မဟုတ်ပေ။

၃။ အလ္လာဟ်အရှင်မြတ်၏ တန်ခိုးတော်သည် အကန့်အသတ်မရှိ — ဆ