စူရာ အလ်-မုအ်မီနွန် — အာယာသ် 85

1. အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်

• سَيَقُولُونَ (စယကူလူန) — သူတို့သည် မကြာမီ ပြောဆိုကြလိမ့်မည်။
• لِلَّهِ (လိလ္လာဟ်) — အလ္လာဟ်အရှင်မြတ်နှင့် သက်ဆိုင်သည်၊ အလ္လာဟ်အရှင်မြတ်၏ ပိုင်ဆိုင်မှုဖြစ်သည်။
• قُلْ (ကုလ်) — ပြောလော့၊ ဖြေကြားလော့။
• أَفَلَا تَذَكَّرُونَ (အဖလာ တဇက္ကရူန) — သင်တို့သည် သတိရ တွေးတောဆင်ခြင်ခြင်း မပြုကြသလော။

1. အာယသ်တော်၏ အဓိပ္ပာယ်ဖွင့်ဆိုချက်

ဤအာယသ်တော်သည် ယခင်အာယသ်တော်များနှင့် ဆက်စပ်လျက် ရှိသည်။ ယခင်အာယသ်တော်များတွင် အလ္လာဟ်အရှင်မြတ်သည် မက္ကာမြို့သား မုရှ်ရိကူန်များအား “ဤကမ္ဘာမြေနှင့် ယင်းအပေါ်ရှိ အရာအားလုံးကို မည်သူ ပိုင်ဆိုင်သနည်း၊ ဤကမ္ဘာမြေကို မည်သူ ဖန်ဆင်းသနည်း” ဟု မေးမြန်းတော်မူခဲ့သည်။

ထိုအခါ သူတို့သည် အလ္လာဟ်အရှင်မြတ်ကို မယုံကြည်သူများဖြစ်ကြသော်လည်း ဤကမ္ဘာမြေနှင့် ယင်းအပေါ်ရှိ အရာအားလုံးသည် အလ္လာဟ်အရှင်မြတ်၏ ပိုင်ဆိုင်မှုဖြစ်ကြောင်း၊ အလ္လာဟ်အရှင်မြတ်သာ ဖန်ဆင်းရှင်ဖြစ်ကြောင်း ဝန်ခံပြောဆိုကြလိမ့်မည်။ သူတို့သည် အလ္လာဟ်အရှင်မြတ်ကို ဖန်ဆင်းရှင်အဖြစ် အသိအမှတ်ပြုကြသော်လည်း ကိုးကွယ်ရာတွင်မူ ရုပ်တုများကို တွဲဖက်ကိုးကွယ်ကြသည်။

ထိုအခါ အလ္လာဟ်အရှင်မြတ်သည် တမန်တော်မုဟမ္မဒ် (ဆွ) အား “သင်တို့သည် ဤကမ္ဘာမြေနှင့် ယင်းအပေါ်ရှိ အရာအားလုံးကို ပိုင်ဆိုင်တော်မူသော အလ္လာဟ်အရှင်မြတ်သည် သင်တို့အား သေပြီးနောက် ပြန်လည်ရှင်သန်စေရန် တတ်စွမ်းနိုင်တော်မူကြောင်း သတိရ တွေးတောဆင်ခြင်ခြင်း မပြုကြသလော” ဟု မေးမြန်းရန် မိန့်ကြားတော်မူသည်။

ဆိုလိုသည်မှာ ဤကမ္ဘာမြေကြီးကို ဖန်ဆင်းနိုင်သော အလ္လာဟ်အရှင်မြတ်သည် လူသားများကို သေပြီးနောက် ပြန်လည်ရှင်သန်စေရန် ဧကန်အမှန်တတ်စွမ်းနိုင်တော်မူသည်။ ထို့ကြောင့် ဤအချက်ကို သတိရ တွေးတောဆင်ခြင်ပြီး အလ္လာဟ်အရှင်မြတ်ကို ယုံကြည်ကိုးကွယ်သင့်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် အစ္စလာမ်ဘာသာသို့ ဖိတ်ခေါ်မှု

ပထမ — အလ္လာဟ်အရှင်မြတ်သည် ဤကမ္ဘာမြေနှင့် ယင်းအပေါ်ရှိ အရာအားလုံးကို ဖန်ဆင်းပိုင်ဆိုင်တော်မူသော အရှင်ဖြစ်ကြောင်း အသိအမှတ်ပြုခြင်းသည် လူသားတို့၏ သဘာဝအသိတရ