စူရာ အန်-နီဆာ — အာယာသ် 166

1. ကမ္ဘာ့ကျမ်းတော်မြတ်ကုရ်အာန်၏ အာယသ်တော်တွင် ရှင်းလင်းဖွင့်ဆိုရန် လိုအပ်သော ဝေါဟာရများ၏ အဓိပ္ပာယ်များ —

• လက္ကနိ (لَّٰكِنِ) — သို့သော်၊ သို့ရာတွင်။
• ယရှ်ဟဒု (يَشْهَدُ) — သက်သေခံသည်၊ သက်သေပြသည်။
• ဗိမာ အန်ဇလာ (بِمَا أَنزَلَ) — အသင်တမန်တော်ထံ ချပေးတော်မူခဲ့သည့်အရာ (ကုရ်အာန်) ကို။
• ဗိအိလ်မိဟိ (بِعِلْمِهِ) — သူ၏ အသိပညာဖြင့်၊ သူ၏ ဉာဏ်အမြင်တော်ဖြင့်။
• ဝလ်မလာအိကဟ် (وَالْمَلَائِكَةُ) — ကောင်းကင်တမန်များ။
• ရှဟီဒါ (شَهِيدًا) — သက်သေအဖြစ်။

1. အာယသ်တော်၏ အဓိပ္ပာယ်ဖွင့်ဆိုချက် —

အို တမန်တော်မုဟမ္မဒ်၊ ယဟူဒီများနှင့် အခြားသူများက အသင်တမန်တော်ကို မယုံကြည်ငြင်းပယ်ကြသော်လည်း အလ္လာဟ်အရှင်မြတ်သည် အသင်တမန်တော်ထံ ချပေးတော်မူခဲ့သည့် ကုရ်အာန်ကျမ်းတော်မြတ်သည် အမှန်တကယ် အလ္လာဟ်အရှင်မြတ်ထံတော်မှ ဖြစ်ကြောင်း သက်သေခံတော်မူသည်။ အလ္လာဟ်အရှင်မြတ်သည် ထိုကျမ်းတော်ကို မိမိ၏ အသိပညာတော်ဖြင့် ချပေးတော်မူခဲ့ခြင်းဖြစ်သည်။ ထိုကျမ်းတော်တွင် အရှင်မြတ်က လူသားများ သိရှိစေလိုသော အမိန့်တော်များ၊ တားမြစ်ချက်များ၊ ခွင့်ပြုချက်များနှင့် ဟာလာလ်ဟရာမ်ဆိုင်ရာ ဗျာဒိတ်တော်များ ပါဝင်သည်။ ထို့အပြင် ကောင်းကင်တမန်များသည်လည်း အသင်တမန်တော် ယူဆောင်လာခဲ့သည့် ဗျာဒိတ်တော်သည် အမှန်တကယ် မှန်ကန်ကြောင်း သက်သေခံကြသည်။ အလ္လာဟ်အရှင်မြတ်၏ သက်သေခံချက်တော်သည် လုံလောက်လှပေသည်။ အရှင်မြတ်သည် သက်သေအဖြစ် လုံလောက်တော်မူသောအရှင် ဖြစ်တော်မူသည်။ အခြားသူများ၏ သက်သေခံချက် မလိုအပ်တော့ပေ။

1. ဤအာယသ်တော်မှ ရရှိသော အကျိုးကျေးဇူးများနှင့် အစ္စလာမ်ဘာသာနှင့် ကုရ်အာန်ကျမ်းတော်မြတ်အပေါ် ချစ်မြတ်နိုးမှု တိုးပွားစေသော သင်ခန်းစာများ —

• အလ္လာဟ်အရှင်မြတ်ကိုယ်တော်တိုင် ကုရ်အာန်ကျမ်းတော်မြတ်ကို သက်သေခံတော်မူခြင်းသည် ထိုကျမ်းတော်၏ မြင့်မြတ်မှုနှင့် မှန်ကန်မှုကို အခိုင်အမာ အာမခံပေးသည်။ ထို့ကြောင့် မွတ်စ်လင်မ်တို့သည် ကုရ်အာန်ကို အသက်ရှင်ရာ လမ်းညွှန်အဖြစ် ယုံကြည်စိတ်ချစွာ လိုက်နာနိုင်ကြသည်။
• ကောင်းကင်တမန်များ၏ သက်သေခံချက်သည် တမန်တော်မုဟမ္မဒ် (ဆွ) ၏ စစ်မှန်သော တမန်တော်ဖ