සූරා ෆුස්සිලාත් — ආයාත් 41

වදන්වල අර්ථ:

• الذِّكْرِ (අල්-ධික්ර්): මෙහි අදහස අල්-කුර්ආනයයි.
• عَزِيزٌ (අසීස්): ගෞරවනීය, බලවත්, කිසිදු වෙනස් කිරීමකින් හෝ විකෘති කිරීමකින් ආරක්ෂා වූ උත්කෘෂ්ට ග්රන්ථයකි.

අර්ථ විවරණය:

නියත වශයෙන්ම අල්-කුර්ආනය ඔවුන් වෙත පැමිණි විට එය ප්රතික්ෂේප කළ අය, එනම් එය බොරු කළ අය, සැබවින්ම පාඩු ලැබූවන් වේ. ඔවුන් විනිශ්චය දිනයේදී දැඩි දඬුවමට ලක් වන්නෝය. මන්ද ඔවුන් තමන් වෙත පැමිණි ධර්ම මාර්ගෝපදේශය ප්රතික්ෂේප කළ බැවිනි.

තවද, මෙම කුර්ආනය සැබවින්ම අති උත්කෘෂ්ට හා ගෞරවනීය ග්රන්ථයකි. අල්ලාහ් එය ආරක්ෂා කර ඇත. කිසිදු විකෘති කරන්නෙකුට එය විකෘති කළ නොහැක. කිසිදු වෙනස් කරන්නෙකුට එය වෙනස් කළ නොහැක. එය කිසිදු පැත්තකින් අසත්යය එය වෙත ළඟා විය නොහැකි ලෙස ආරක්ෂිතය. එයින් කිසිවක් අඩු කිරීමට හෝ වැඩි කිරීමට නොහැක. එය ප්රඥාවන්ත, සියලු ගුණාංගවලින් පරිපූර්ණ වූ අල්ලාහ්ගේ පැත්තෙන් පහළ කරන ලද්දකි.

උගත හැකි පාඩම්:

1. කුර්ආනය ප්රතික්ෂේප කිරීම මහත් පාඩුවක් හා විනාශයකට හේතුවකි. එබැවින් එය භාරගෙන එයට අනුගත වීම ජයග්රහණයේ මාවතයි.
2. අල්-කුර්ආනය අල්ලාහ්ගේ ආරක්ෂාව ඇති ග්රන්ථයක් වන අතර, එය කියවීමෙන් හා කටපාඩම් කිරීමෙන් මුස්ලිම්වරුන්ට එය සුරක්ෂිතව තබා ගැනීමේ වගකීමක් ද ඇත.
3. කුර්ආනයේ උත්කෘෂ්ටත්වය හා ගෞරවය අල්ලාහ් විසින් ලබා දුන් විශේෂ ගෞරවයකි. එය හදවතින් පිළිගෙන එයට ගරු කරන තැනැත්තා අල්ලාහ්ගේ ආදරයට හා ආශීර්වාදයට පාත්ර වේ.
4. කුර්ආනය මිනිසුන්ට මඟ පෙන්වීම සඳහා පහළ කරන ලද්දක් බැවින්, එය ප්රතික්ෂේප කිරීම අන්ධභාවයේ හා නොමඟ යාමේ ලකුණකි. එය පිළිගැනීම ඥානවන්තකමේ හා සාර්ථකත්වයේ සලකුණකි.