စူရာ အက်ရှ်-ရှူရာ — အာယာသ် 17

1. ကမ္ဘာ့ကျမ်းတော်မြတ်ကုရ်အာန်၏ အာယသ်တော်တွင် ရှင်းလင်းဖွင့်ဆိုရန် လိုအပ်သော ဝေါဟာရများ၏ အဓိပ္ပာယ်များ—

• الْكِتَابَ (အလ်ကီတာဗ်) — ကျမ်းတော်၊ ဤနေရာတွင် ကုရ်အာန်ကျမ်းတော်မြတ်ကို ဆိုလိုသည်။
• بِالْحَقِّ (ဗိလ်ဟက္က်) — အမှန်တရားနှင့်တကွ၊ သစ္စာတရား၊ တရားမှန်ကန်မှုနှင့်တကွ။
• الْمِيزَانَ (အလ်မီဇာန်) — ချိန်ခွင်၊ တရားမျှတမှု၊ ဓမ္မတရား။
• وَمَا يُدْرِيكَ (ဝမာ ယုဒ်ရီက) — မည်သည့်အရာက သင့်အား အသိပေးနိုင်သနည်း၊ သင့်အား မည်သည့်အရာက သိစေနိုင်မည်နည်း။
• السَّاعَةَ (အစ္စာအဟ်) — ကိယာမသ်နေ့၊ ရှင်ပြန်ထမြောက်မည့်နေ့။
• قَرِيبٌ (ကရီဗ်) — နီးသော၊ အနီးကပ်။

1. အာယသ်တော်၏ အဓိပ္ပာယ်ဖွင့်ဆိုချက်—

အလ္လာဟ်အရှင်မြတ်သည် ကုရ်အာန်ကျမ်းတော်မြတ်ကို သစ္စာတရား၊ အမှန်တရားနှင့်တကွ ချမှတ်ပေးအပ်တော်မူခဲ့သည်။ ထိုကျမ်းတော်တွင် လူသားတို့အတွက် လမ်းညွှန်ချက်များ၊ တရားဥပဒေများ၊ ဟလာလ်နှင့် ဟရာမ်ကို ခွဲခြားရှင်းလင်းစွာ ဖော်ပြထားတော်မူသည်။ ထို့အပြင် အရှင်မြတ်သည် ချိန်ခွင်လျှာ—ဆိုလိုသည်မှာ တရားမျှတမှုကို ချမှတ်ပေးအပ်တော်မူခဲ့သည်။ လူသားတို့သည် တစ်ဦးနှင့်တစ်ဦး အကြားတွင် တရားမျှတစွာ ဆောင်ရွက်ကြရန်၊ မတရားမှုများကို ရှောင်ကြဉ်ကြရန် ဖြစ်သည်။

ထို့နောက် အလ္လာဟ်အရှင်မြတ်သည် နဗီတမန်တော်မြတ်ထံ မိန့်ကြားတော်မူသည်မှာ— ကိယာမသ်နေ့သည် မည်သည့်အချိန်တွင် ဖြစ်ပေါ်မည်ကို မည်သူမျှ မသိနိုင်ပါ။ သို့သော် ထိုနေ့သည် အလွန်နီးကပ်နေနိုင်သည်။ လူသားတို့သည် ထိုနေ့ကို မေးခွန်းထုတ်လျက် ငြင်းပယ်နေကြသော်လည်း၊ အမှန်တကယ်တွင် ရောက်လာမည့်အရာတိုင်းသည် နီးကပ်လျက်ရှိသည်။ ထို့ကြောင့် လူသားတို့သည် ကိယာမသ်နေ့အတွက် အသင့်ပြင်ဆင်ထားကြရမည် ဖြစ်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ—

• အလ္လာဟ်အရှင်မြတ်သည် ကုရ်အာန်ကျမ်းတော်မြတ်ကို အမှန်တရားနှင့်တကွ ချမှတ်ပေးအပ်တော်မူခဲ့သည်။ ထိုကျမ်းတော်သည် လူသားတို့အတွက် လမ်းညွှန်မှုနှင့် အလင်းရောင် ဖြစ်သည်။ ထိုကျမ်းတော်ကို လိုက်နာကျင့်သုံးခြင်းဖြင့် လူသားတို့သည် ဤဘဝနှင့် နောင်ဘဝတွင် အောင်မြင်မှု ရရှိနိုင်သည်။
• အရှင်မြတ်သည် တရားမျှတမှုကို