සූරා අස්-සුඛ්රුෆ් — ආයාත් 71

වචනවල අර්ථ:

• صِحَافٍ – පුළුල් තහඩු/පාත්ර (ආහාර බෙදන විශාල භාජන)
• أَكْوَابٍ – කෝප්ප (හසුරුවක් හෝ කටක් නොමැති පාන භාජන)
• تَلَذُّ – සතුටක් ගෙන දෙයි, රස විඳියි

අර්ථ විවරණය:

අල්ලාහ්ගේ බිය ඇතිව, ඔහුගේ ගැතිබව පිළිගෙන, ඔහුගේ දූතයින්ව විශ්වාස කළ ජනයා ස්වර්ගයට ඇතුළු වූ පසු, ඔවුන් වටා සේවකයින් රන් තහඩු වලින් ආහාර ද, හසුරුවක් හෝ කටක් නොමැති රන් කෝප්ප වලින් පාන ද රැගෙන ගමන් කරති. එම භාජන වලින් ඔවුන්ට අවශ්ය ඕනෑම තැනක සිට පානය කළ හැකිය. එම ස්වර්ගයේ ඔවුන්ගේ සිත් පතන සියලු දේ ඇත - ආහාර, පාන, ඇඳුම්, වාසස්ථාන යනාදී වශයෙන්. එපමණක් නොව, ඇස්වලට ප්රිය මනාප සියලු දර්ශන ද එහි ඇත. ඔවුන්ගේ ඇස් සතුටු කරන, සිත් සතුටු කරන සෑම දෙයක්ම එහි සම්පූර්ණයෙන් ඔවුන්ට ලැබේ. ඔවුන් එහි සදාකාලිකව රැඳී සිටින අතර, කිසිදා එයින් පිටතට යාමට සිදු නොවේ. මරණයක් හෝ වෙහෙසක් හෝ දුකක් ඔවුන්ට නොමැත.

උගත හැකි පාඩම්:

• අල්ලාහ්ගේ පොරොන්දු සැබෑය. ඔහු තම විශ්වාසවන්ත ගැතියන්ට ස්වර්ගයේදී මෙබඳු අපූර්ව ත්යාග පිරිනමනු ඇත. එබැවින් අප මෙලොව ජීවිතයේදී අල්ලාහ්ගේ මාර්ගයෙහි ස්ථීරව සිටිය යුතුය.
• ස්වර්ගයේ සැප සම්පත් භෞතික පමණක් නොව, සිත් සතුටු කරන සහ ඇස් පිනවන සියලු දේ ඇතුළත් වේ. එය අපගේ සියලු ආශාවන්ගේ පරිපූර්ණ ඉටුවීමයි.
• ස්වර්ගයේ සදාකාලික ජීවිතය ගැන සිතීම, මෙලොව දුෂ්කරතා සහ පරීක්ෂාවන් විඳදරාගැනීමට අපට ශක්තියක් වේ. මෙලොව තාවකාලික සැප සම්පත් පසුපස නොදුව, සදාකාලික සැපත උදෙසා වෙහෙස වීම ඥානවන්ත ක්රියාවකි.
• අල්ලාහ් තම ගැතියන්ට කෙතරම් කරුණාවන්තද යත්, ඔවුන්ගේ සිත් තුළ ඇති සියලු ආශාවන් ඔහු දන්නා අතර, ඒවා සියල්ල ස්වර්ගයේදී පිරිනමන බවට පොරොන්දු වී ඇත. මෙය අල්ලාහ්ගේ අසීමිත දයාවේ සාක්ෂියකි.