Sura An-Najm — Aya 52

Maana ya maneno:

• أَظْلَمَ: wenye dhulmu kubwa zaidi, yaani wenye kufanya uovu mkubwa zaidi.
• أَطْغَى: wenye jeuri na uasi mkubwa zaidi dhidi ya Mwenyezi Mungu.

Ufafanuzi wa Aya:

Mwenyezi Mungu anataja kwamba aliwaangamiza pia kaumu ya Nuhu (A.S.) kabla ya kuwangamiza kina Aad na Thamud. Watu hawa wa Nuhu walikuwa wabaya zaidi na wenye dhulmu kubwa kuliko wale waliokuja baada yao, kwa sababu Nuhu (A.S.) alikaa miongoni mwao miaka elfu moja isipokuwa miaka hamsini akiwaita kumuabudu Mwenyezi Mungu wa pekee, lakini wao walizidi katika ukanushaji na jeuri, wakamkanusha na kumdhihaki, na wakaendelea katika uasi wao mpaka Mwenyezi Mungu akawaangamiza kwa gharika kuu.

Faida za Aya:

1. Kuonyesha ukubwa wa rehema ya Mwenyezi Mungu kwa kuwaacha watu wake kwa muda mrefu kabla ya kuwaadhibu, ili wapate fursa ya kutubu.
2. Kuonya dhidi ya kuchelewesha kutubu na kuendelea katika uasi, kwani adhabu ya Mwenyezi Mungu huja ghafla.
3. Kuthibitisha kwamba Mwenyezi Mungu ni Mwenye nguvu na mwenye uweza wa kuwaangamiza wale wanaomkanusha, hata kama wamejikusanya kwa wingi na nguvu.
4. Kujifunza kwamba uvumilivu wa manabii katika kuitumikia dini ya Mwenyezi Mungu ni mfano wa kuigwa, na kwamba hakuna kikwazo kinachowafanya waache kuitangaza haki.