စူရာ မာရ်ယမ် — အာယာသ် 26

1. အာယသ်တော်တွင် ရှင်းလင်းရန် လိုအပ်သော စကားလုံးများ၏ အဓိပ္ပာယ်များ

• ဖက္ကုလီ (فَكُلِي) — ထို့ကြောင့် သင်သည် စားပါ။
• ဝါရှ်ရဗီ (وَاشْرَبِي) — နှင့် သင်သည် သောက်ပါ။
• ဝါကိရ်ရီ အိုင်နန် (وَقَرِّي عَيْنًا) — သင့်မျက်စိသည် အေးမြပါစေ၊ ဆိုလိုသည်မှာ စိတ်နှလုံး အေးချမ်းပြီး ဝမ်းမြောက်ပါစေ။
• ဖအင်မာ တရိုင်န်န (فَإِمَّا تَرَيِنَّ) — အကယ်၍ သင်သည် မြင်ခဲ့လျှင်။
• မိနလ် ဗရှရိ အဟဒန် (مِنَ الْبَشَرِ أَحَدًا) — လူသားတို့ထဲမှ တစ်ဦးဦးကို။
• နဇရ်သု (نَذَرْتُ) — ငါသည် သစ္စာပြုခဲ့သည်၊ ငါ့အပေါ် တာဝန်အဖြစ် သတ်မှတ်ခဲ့သည်။
• ဆောင်မန် (صَوْمًا) — ဤနေရာတွင် စကားမပြောခြင်း (တိတ်ဆိတ်ခြင်း) ကို ဆိုလိုသည်။
• ဣန်စီယျန် (إِنسِيًّا) — လူသားတစ်ဦးကို။

1. အာယသ်တော်၏ အဓိပ္ပာယ်ဖွင့်ဆိုချက်

ဤအာယသ်တော်သည် မရ်ယမ် (အလိုင်ဟိစ်စလာမ်) အား အလ္လာဟ်အရှင်မြတ်က နှစ်သိမ့်စေတော်မူသော အခြေအနေကို ဖော်ပြထားပါသည်။ သူမသည် အိစာ (အလိုင်ဟိစ်စလာမ်) ကို မွေးဖွားပြီးနောက် စိုးရိမ်ပူပန်မှုများနှင့် ရင်ဆိုင်နေရချိန်တွင် အလ္လာဟ်အရှင်မြတ်က သူမအား ဤသို့ မိန့်ကြားတော်မူခဲ့ပါသည် —

ထိုအရပ်ရှိ စွန်ပလွံပင်မှ ရင့်မှည့်သော အသီးများကို စားပါ၊ အနီးရှိ စမ်းရေကို သောက်ပါ။ သင့်စိတ်နှလုံးကို အေးချမ်းစေပါ၊ ဝမ်းမြောက်ပါ။ သင့်အား စော်ကားပြောဆိုမည့်သူများ ရှိလာသောအခါ သူတို့နှင့် ငြင်းခုံခြင်း၊ စကားများခြင်း မပြုပါနှင့်။ အကယ်၍ လူတစ်ဦးဦးက သင့်ထံ ရောက်လာပြီး ဤကလေးအကြောင်း မေးမြန်းခဲ့လျှင် သူ့အား ဤသို့ ပြောပါ — “ငါသည် ရဟ်မာန် (ကရုဏာတော်ရှင် အလ္လာဟ်အရှင်မြတ်) အတွက် စကားမပြောဘဲ တိတ်ဆိတ်နေခြင်းကို သစ္စာပြုထားပါသည်။ ထို့ကြောင့် ယနေ့ ငါသည် မည်သည့်လူသားနှင့်မျှ စကားပြောမည် မဟုတ်ပါ။”

ဤတွင် မရ်ယမ်သည် စကားမပြောဘဲ တိတ်ဆိတ်နေခြင်းကို အလ္လာဟ်အရှင်မြတ်အတွက် သစ္စာပြုခဲ့ခြင်းဖြစ်သည်။ ထိုအချိန်ကာလ၏ ရှရီအသ်တွင် ဤသို့ တိတ်ဆိတ်ခြင်းသည် အိဗာဒသ် (ကိုးကွယ်မှု) တစ်မျိုးအဖြစ် ရှိခဲ့ပါသည်။ သူမသည် စကားမပြောခြင်းဖြင့် မိမိအား စော်ကားလိုသူများနှင့် ငြင်းခုံခြင်းမှ ကင်းဝေးစေပြီ