စူရာ အလ်-ဗကရ — အာယာသ် 41

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ၏ အဓိပ္ပာယ်များ

• ဝါအာမိနူ (وَآمِنُوا): ယုံကြည်ကြလော့။
• ဗိမာ အန်ဇလ်သု (بِمَا أَنزَلْتُ): ငါအရှင်မြတ် ထုတ်ချပေးအပ်တော်မူသော (ကုရ်အာန်) ကို။
• မုဆဒ္ဒိကန် (مُصَدِّقًا): ထောက်ခံအတည်ပြုလျက်။
• လိမာ မာအကုမ် (لِمَا مَعَكُمْ): သင်တို့ထံရှိသော (တောင်ရာသ်) ကျမ်းနှင့်။
• အဝ်ဝလ ကာဖိရ် (أَوَّلَ كَافِرٍ): ပထမဆုံး ငြင်းပယ်သူ။
• သာမနန် ကလီလန် (ثَمَنًا قَلِيلًا): အနည်းငယ်သော အဖိုးအခ။
• ဖတ္တကူနိ (فَاتَّقُونِ): ငါအရှင်မြတ်ကို ကြောက်ရွံ့ပါ။

၂။ အာယသ်တော်၏ အဓိပ္ပာယ်ဖွင့်ဆိုချက်

အို အစ္စရာအီလ်မျိုးနွယ်ဝင်တို့၊ ငါအရှင်မြတ်သည် တမန်တော် မုဟမ္မဒ် (ဆွလ္လလ္လာဟု အလိုင်ဟိ ဝစလ္လမ်) အပေါ် ထုတ်ချပေးအပ်တော်မူသော ကုရ်အာန်ကျမ်းတော်မြတ်ကို ယုံကြည်ကြလော့။ ထိုကျမ်းတော်သည် သင်တို့ထံရှိ တောင်ရာသ်ကျမ်းနှင့် ကိုက်ညီထောက်ခံလျက်ရှိ၏။ အထူးသဖြင့် အလ္လာဟ်အရှင်မြတ် တစ်ဆူတည်းဖြစ်တော်မူခြင်း၊ တမန်တော်များ၏ နုဗုဝသ် (တမန်တော်ဖြစ်ခြင်း) နှင့် တမန်တော် မုဟမ္မဒ် (ဆွလ္လလ္လာဟု အလိုင်ဟိ ဝစလ္လမ်) ၏ ဂုဏ်လက္ခဏာများနှင့် ပတ်သက်၍ ကိုက်ညီလျက်ရှိသည်။ ထို့ကြောင့် ကျမ်းရပုဂ္ဂိုလ်များထဲမှ ကုရ်အာန်ကို ပထမဆုံး ငြင်းပယ်သူများ မဖြစ်ကြလေနှင့်။ အကယ်၍ သင်တို့သည် ငြင်းပယ်ကြပါက သင်တို့နောက်လိုက်များလည်း ငြင်းပယ်ကြမည်ဖြစ်၍ သင်တို့သည် မိမိတို့၏ အပြစ်များနှင့်တကွ နောက်လိုက်များ၏ အပြစ်များကိုပါ ထမ်းရွက်ရမည်ဖြစ်သည်။ ထို့ပြင် ငါအရှင်မြတ်၏ အာယသ်တော်များ—ဆိုလိုသည်မှာ ကုရ်အာန်ကျမ်းတော်နှင့် တမန်တော် မုဟမ္မဒ် (ဆွလ္လလ္လာဟု အလိုင်ဟိ ဝစလ္လမ်) ကို ယုံကြည်ခြင်း—ကို လောကီအကျိုးအမြတ် အနည်းငယ်ဖြစ်သော ဂုဏ်သတင်း၊ ရာထူးအာဏာ စသည်တို့နှင့် လဲလှယ်ခြင်း မပြုကြလေနှင့်။ ငါအရှင်မြတ်ကိုသာလျှင် ကြောက်ရွံ့ပါ၊ ငါ၏ အမိန့်တော်များကို လိုက်နာပြီး ငါ၏ တားမြစ်ချက်များကို ရှောင်ကြဉ်ပါ။

၃။ ဤအာယသ်တော်မှ ရရှိသော အကျိုးကျေးဇူးများနှင့် အစ္စလာမ်နှင့် ကုရ်အာန်ကို ချစ်မြတ်နိုးစ