စူရာ အလ်-အန်အာမ် — အာယာသ် 90

၁။ အာယသ်တော်တွင် ရှင်းလင်းရန် လိုအပ်သော ဝေါဟာရများ

• أُولَٰئِكَ — ထိုသူများ (ရှေးဦးစွာ ဖော်ပြခဲ့သော တမန်တော်များ)။
• هَدَى اللَّهُ — အလ္လာဟ်အရှင်မြတ်သည် လမ်းညွှန်ပေးတော်မူခဲ့သည်။
• بِهُدَاهُمُ اقْتَدِهْ — သူတို့၏ လမ်းညွှန်မှုအတိုင်း လိုက်နာပါ။
• أَجْرًا — အကျိုးအမြတ်၊ အဖိုးအခ။
• ذِكْرَىٰ — သတိပေးနှိုးဆော်ချက်၊ ဆုံးမဩဝါဒ။
• لِلْعَالَمِينَ — လောကီသားအားလုံးအတွက်။

၂။ အာယသ်တော်၏ အဓိပ္ပာယ်ဖွင့်ဆိုချက်

ဤအာယသ်တော်တွင် အလ္လာဟ်အရှင်မြတ်သည် ရှေးဦးစွာ ဖော်ပြခဲ့သော တမန်တော်များအကြောင်း မိန့်တော်မူခဲ့သည်။ ထိုတမန်တော်များသည် အလ္လာဟ်အရှင်မြတ် လမ်းညွှန်ပေးတော်မူခဲ့သော သူများဖြစ်ကြသည်။ သူတို့သည် တစ်ဆူတည်းသော အလ္လာဟ်အရှင်မြတ်ကို ယုံကြည်ကိုးကွယ်ခြင်း၊ ခက်ခဲသော အခြေအနေများတွင်လည်း ဇွဲလုံ့လဖြင့် ရပ်တည်ခြင်း၊ အလ္လာဟ်အရှင်မြတ်၏ ပဋိညာဉ်ကို ဖြည့်ဆည်းခြင်းတို့တွင် စံပြပုဂ္ဂိုလ်များဖြစ်ကြသည်။ ထို့ကြောင့် တမန်တော်မုဟမ္မဒ် (ဆွလ္လလ္လာဟုအလိုင်းဟိဝစလ္လမ်) အနေဖြင့် ထိုတမန်တော်များ၏ လမ်းစဉ်အတိုင်း လိုက်နာရန် အမိန့်တော်ရရှိခဲ့သည်။

ထို့နောက် အလ္လာဟ်အရှင်မြတ်သည် တမန်တော်မုဟမ္မဒ် (ဆွ) အား မိမိ၏လူမျိုးများကို ဤသို့ပြောဆိုရန် မိန့်တော်မူခဲ့သည် — “ကျွန်ုပ်သည် ဤကုရ်အာန်ကို ပို့ချခြင်းအတွက် သင်တို့ထံမှ မည်သည့်အဖိုးအခမျှ မတောင်းဆိုပါ။ ဤကုရ်အာန်သည် လောကီသားအားလုံးအတွက် သတိပေးနှိုးဆော်ချက်၊ ဆုံးမဩဝါဒတစ်ခုသာဖြစ်သည်။” ဆိုလိုသည်မှာ ကုရ်အာန်သည် လူသားများနှင့် ဂျင်န်များအားလုံးအတွက် လမ်းညွှန်မှုဖြစ်ပြီး မှန်ကန်သောလမ်းစဉ်သို့ ရောက်ရှိစေရန် သတိပေးချက်ဖြစ်သည်။

၃။ ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• အလ္လာဟ်အရှင်မြတ်သည် မိမိအလိုတော်ရှိသူများကို မှန်ကန်သောလမ်းစဉ်သို့ ညွှန်ပြပေးတော်မူသည်။ လမ်းညွှန်မှုသည် အလ္လာဟ်အရှင်မြတ်၏ ကရုဏာတော်ဖြစ်သည်။
• ရှေးတမန်တော်များ၏ လမ်းစဉ်ကို လိုက်နာခြင်းသည် ကယ်တင်ခြင်း၏ လမ်းစဉ်ဖြစ်သည်။ သူတို့သည် တစ်ဆူတည်းသော အလ္လာဟ်အရှင်မြတ်ကို ကိုးကွယ်ခြင်း၊ ဇွဲလုံ့လရှိခြင်း၊ ပဋိည