الْحَاقَّةُ(1) Dina Qiyamat |
مَا الْحَاقَّةُ(2) Apa kang aran dina qiyamat |
وَمَا أَدْرَاكَ مَا الْحَاقَّةُ(3) Lan sapa kang aweh weruh marang sira bab kahanane dina qiyamat mau |
كَذَّبَتْ ثَمُودُ وَعَادٌ بِالْقَارِعَةِ(4) Wong tsamud lan wong ’Aad biyen padha maido dina qiyamat kang gegirisi |
فَأَمَّا ثَمُودُ فَأُهْلِكُوا بِالطَّاغِيَةِ(5) Wong Tsamud padha disirnakake dening Allah kalawan siksa kang banget anggegeteri |
وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ(6) Dene wong ’Aad padha disirnakake sarana prakara gedhe kang suwarane gegirisi |
سَخَّرَهَا عَلَيْهِمْ سَبْعَ لَيَالٍ وَثَمَانِيَةَ أَيَّامٍ حُسُومًا فَتَرَى الْقَوْمَ فِيهَا صَرْعَىٰ كَأَنَّهُمْ أَعْجَازُ نَخْلٍ خَاوِيَةٍ(7) Angin mau nempuh marang wong ’Aad lawase nganti wolung dina pitung wengi kang tumaruntun, ing kono wong ’Aad padha mati, hanggalasah kaya wit kurma padha rungkat |
فَهَلْ تَرَىٰ لَهُم مِّن بَاقِيَةٍ(8) Apa sira weruh wong ’Aad mau ana kang keri isih urip |
وَجَاءَ فِرْعَوْنُ وَمَن قَبْلَهُ وَالْمُؤْتَفِكَاتُ بِالْخَاطِئَةِ(9) Fir’aun lan para umat sadurunge tuwin kutha - kutha sing padha ambruk iku (sebabe) padha nglakoni kaluputan |
فَعَصَوْا رَسُولَ رَبِّهِمْ فَأَخَذَهُمْ أَخْذَةً رَّابِيَةً(10) Padha duraka ora manut utusane Pangeran (Musa lan Luth) mulane dipatrapi siksa dening Allah kelawan patrapan abot |
إِنَّا لَمَّا طَغَى الْمَاءُ حَمَلْنَاكُمْ فِي الْجَارِيَةِ(11) Nalika, kena topan bareng banyu wis munggah, sira Ingsun tunggahake perahu |
لِنَجْعَلَهَا لَكُمْ تَذْكِرَةً وَتَعِيَهَا أُذُنٌ وَاعِيَةٌ(12) Kang mangkono supayapa dianggo wewulang supaya dieling - elinga dening wong kang duwe kuping/pangrungu ben krungu iki |
فَإِذَا نُفِخَ فِي الصُّورِ نَفْخَةٌ وَاحِدَةٌ(13) Besuk nalika slomprete (Israfil) dinamu sapisan |
وَحُمِلَتِ الْأَرْضُ وَالْجِبَالُ فَدُكَّتَا دَكَّةً وَاحِدَةً(14) Bumi lan gunung - gunung padha digulung lan dijunjung tuwin remuk kelawan pangremuk sapisan |
فَيَوْمَئِذٍ وَقَعَتِ الْوَاقِعَةُ(15) Ing dina iku dina qiyamat kelakon |
وَانشَقَّتِ السَّمَاءُ فَهِيَ يَوْمَئِذٍ وَاهِيَةٌ(16) Langit banjur bengkah bakal dadi ringkih |
وَالْمَلَكُ عَلَىٰ أَرْجَائِهَا ۚ وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ(17) Para Malaikat padha nisih lan ing sadhuwure dheweke ing dina iku wowolu bakal nyangga damparing Pangeranira |
يَوْمَئِذٍ تُعْرَضُونَ لَا تَخْفَىٰ مِنكُمْ خَافِيَةٌ(18) Ing dina iku padha diajokake marang panjenenganing Allah ditimbang hala-becike, Allah ora kasamaran marang samu barang kang padha sira singidake |
فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَءُوا كِتَابِيَهْ(19) Sing sapa dielungi layang cathetane lelakune ssaka ing tengen (saking dening bungahe) banjur bakal kondho, "wacanen kitab cathetan lelakonku |
إِنِّي ظَنَنتُ أَنِّي مُلَاقٍ حِسَابِيَهْ(20) Sayekti aku wis weruh, yen aku bakal ketemu petunganku |
فَهُوَ فِي عِيشَةٍ رَّاضِيَةٍ(21) Dadi wong iku mau uripe netepi keparenging Allah |
فِي جَنَّةٍ عَالِيَةٍ(22) Manggon ana suwarga kang luhur |
قُطُوفُهَا دَانِيَةٌ(23) Wowohane cendhek - cendhek (tumiyung cepak) |
كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ(24) (He wong ing suwarga) Sira padha mangan lan ngombea kelawan enak iku ganjarane kebecikan kang padha sira lakone ing dina - dina kang wis kliwat |
وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيَهْ(25) Dene wong kang dielungi layang cathetan saka ing kiwa padha ngucap, "Adhuh, bok aja dielungi layang cathetane lelakonku wae |
وَلَمْ أَدْرِ مَا حِسَابِيَهْ(26) Aku ora weruh kapriye panimbange hala - becikku |
يَا لَيْتَهَا كَانَتِ الْقَاضِيَةَ(27) O, mbok ya iki didadekake wekasanku |
مَا أَغْنَىٰ عَنِّي مَالِيَهْ ۜ(28) Bandhaku ora pisan bisa mardikake aku |
هَلَكَ عَنِّي سُلْطَانِيَهْ(29) Kasantosanku wis sirna kabeh |
خُذُوهُ فَغُلُّوهُ(30) (Dhawuhing Allah): Dheweke cekelen, nuli sira belenggu |
ثُمَّ الْجَحِيمَ صَلُّوهُ(31) Tumuli cemplungna ing geni murub |
ثُمَّ فِي سِلْسِلَةٍ ذَرْعُهَا سَبْعُونَ ذِرَاعًا فَاسْلُكُوهُ(32) Banjur tikungen ing rante kang dawane pitung puluh hasta |
إِنَّهُ كَانَ لَا يُؤْمِنُ بِاللَّهِ الْعَظِيمِ(33) Sayekti dheweke iku biyen ora angestu ing Allah ingkang Agung |
وَلَا يَحُضُّ عَلَىٰ طَعَامِ الْمِسْكِينِ(34) Lan ora gelem tetulung ngluari pangan wong miskin |
فَلَيْسَ لَهُ الْيَوْمَ هَاهُنَا حَمِيمٌ(35) Mulane ing dina iku dheweke ora duwe mitra tuhu |
وَلَا طَعَامٌ إِلَّا مِنْ غِسْلِينٍ(36) Sarta ora entuk pangan kajaba rereged |
لَّا يَأْكُلُهُ إِلَّا الْخَاطِئُونَ(37) Ora ana wong mangan (rereged) kejaba wong kang anglakoni panggawe luput |
فَلَا أُقْسِمُ بِمَا تُبْصِرُونَ(38) Ingsun supata kelawan barang kang sira weruhi |
وَمَا لَا تُبْصِرُونَ(39) Sarta barang kang ora sira weruhi |
إِنَّهُ لَقَوْلُ رَسُولٍ كَرِيمٍ(40) Sayekti iku temen pangandikaning utusan kang mulya |
وَمَا هُوَ بِقَوْلِ شَاعِرٍ ۚ قَلِيلًا مَّا تُؤْمِنُونَ(41) Lan iku dudu tembunge juru kidung, sathitik anggonira padha angestu |
وَلَا بِقَوْلِ كَاهِنٍ ۚ قَلِيلًا مَّا تَذَكَّرُونَ(42) Sarta dudu tembunge juru pethek, sathithik anggonira padha ngangen - angen |
تَنزِيلٌ مِّن رَّبِّ الْعَالَمِينَ(43) Iku wewedhar (kang dhumawuh) saka pangeraning ngalam kabeh |
وَلَوْ تَقَوَّلَ عَلَيْنَا بَعْضَ الْأَقَاوِيلِ(44) Lan saupama dheweke agawe - gawe sawenehing tetembungan (diwadekake) atas (saka) Ingsun |
لَأَخَذْنَا مِنْهُ بِالْيَمِينِ(45) Amasti dheweke bakal Ingsun candhak tangan tengene |
ثُمَّ لَقَطَعْنَا مِنْهُ الْوَتِينَ(46) Banjur bakal Ingsun pedhot tatalining jantunge |
فَمَا مِنكُم مِّنْ أَحَدٍ عَنْهُ حَاجِزِينَ(47) Lan ora ana siji - sijia saka antaranira kang bisa anduwa Ingsun saka dheweke |
وَإِنَّهُ لَتَذْكِرَةٌ لِّلْمُتَّقِينَ(48) Lan sayekti temen, iku pepeling tumrap wong kang padha anjaga dirine (saka ala) |
وَإِنَّا لَنَعْلَمُ أَنَّ مِنكُم مُّكَذِّبِينَ(49) Satemene Ingsun nguningani yen sira ana kang maido (al-Quran) |
وَإِنَّهُ لَحَسْرَةٌ عَلَى الْكَافِرِينَ(50) Satemene (al-Quran) bakal andadekake getune dheweke anggone padha maido |
وَإِنَّهُ لَحَقُّ الْيَقِينِ(51) Lan sayekti (al-Quran) iku temen sajati - jatining kasunyatan |
فَسَبِّحْ بِاسْمِ رَبِّكَ الْعَظِيمِ(52) Mulane sira nyebuta Maha suci ing Allah kelawan ngucapake asmane Pangeranira kang Maha Agung |
Ahmed Al Ajmy
Bandar Balila
Khalid Al Jalil
Saad Al Ghamdi
Saud Al Shuraim
Abdul Basit
Abdul Rashid Sufi
Abdullah Basfar
Abdullah Al Juhani
Fares Abbad
Maher Al Muaiqly
Al Minshawi
Al Hosary
Mishari Al-afasi
Yasser Al Dosari
