Vakio Surah Ash-Shu'ara Malagasy – Fandikana, Fanononana ary Feo

طسم ۝١

📖 Fandikana Andininy 1

Twa, Sin, Mim.

تِلْكَ آيَاتُ الْكِتَابِ الْمُبِينِ ۝٢

📖 Fandikana Andininy 2

Indro ireo andinin’ilay Boky mazava.

لَعَلَّكَ بَاخِعٌ نَّفْسَكَ أَلَّا يَكُونُوا مُؤْمِنِينَ ۝٣

📖 Fandikana Andininy 3

Mety ho reraky ny alahelo ianao,fa tsy mino izy ireo.

إِن نَّشَأْ نُنَزِّلْ عَلَيْهِم مِّنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ ۝٤

📖 Fandikana Andininy 4

Raha sitrakay dia ho nampidininay tamin’izy ireo avy eny an-danitra ny famantarana iray, ka ho tavela hiondrika amin’izany ny hatok’izy ireo.

وَمَا يَأْتِيهِم مِّن ذِكْرٍ مِّنَ الرَّحْمَٰنِ مُحْدَثٍ إِلَّا كَانُوا عَنْهُ مُعْرِضِينَ ۝٥

📖 Fandikana Andininy 5

Ary tsy misy fampahatsiahivana vaovao avy amin’Ilay be Fiantrana tonga amin’izy ireo, ka tsy mitodi-damosina amin’izany izy ireo.

فَقَدْ كَذَّبُوا فَسَيَأْتِيهِمْ أَنبَاءُ مَا كَانُوا بِهِ يَسْتَهْزِئُونَ ۝٦

📖 Fandikana Andininy 6

Efa nilaza izy ireo fa lainga (izay rehetra avy amin’ny Tompony), ka ho tonga amin’izy ireo tsy ho ela ireo vaovao mahakasika izay nataon’izy ireo vazivazy.

أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِن كُلِّ زَوْجٍ كَرِيمٍ ۝٧

📖 Fandikana Andininy 7

Moa ve tsy hitan’izy ireo ny tany, firifiry no nampitsirinay teo aminy, amin’ireo karazana zavatra tsiroaroa mahasoa rehetra.

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝٨

📖 Fandikana Andininy 8

Marina fa amin’izany dia misy fahagagana tokoa, nefa ny ankamaroan’izy ireo dia tsy mino.

وَإِنَّ رَبَّكَ لَهُوَ الْعَزِيزُ الرَّحِيمُ ۝٩

📖 Fandikana Andininy 9

Ary marina fa ny Tomponao, Izy no ilay Tsitoha, ilay be indrafo.

وَإِذْ نَادَىٰ رَبُّكَ مُوسَىٰ أَنِ ائْتِ الْقَوْمَ الظَّالِمِينَ ۝١٠

📖 Fandikana Andininy 10

Ary rehefa niantso an’i Mosesy ny Tomponao hoe : “Aoka ianao ho tonga any amin’ireo vahoaka mpanao ny tsy rariny.

قَوْمَ فِرْعَوْنَ ۚ أَلَا يَتَّقُونَ ۝١١

📖 Fandikana Andininy 11

(Any) amin’ny vahoakan’i Faraona ; moa tsy mba hanam-patahorana (Azy) ve izy ireo ?

قَالَ رَبِّ إِنِّي أَخَافُ أَن يُكَذِّبُونِ ۝١٢

📖 Fandikana Andininy 12

Niteny izy hoe : “Tompoko ô ! Tena matahotra aho sao ataon’izy ireo ho mpandainga".

وَيَضِيقُ صَدْرِي وَلَا يَنطَلِقُ لِسَانِي فَأَرْسِلْ إِلَىٰ هَارُونَ ۝١٣

📖 Fandikana Andininy 13

Sy mihatery ny tratrako, ary hiraikitra ny lelako, ka mba alefaso i Harona.

وَلَهُمْ عَلَيَّ ذَنبٌ فَأَخَافُ أَن يَقْتُلُونِ ۝١٤

📖 Fandikana Andininy 14

Ary misy heloka bevava hanenjehan’izy ireo ahy, ka matahotra aho sao dia ho vonoin’izy ireo.

قَالَ كَلَّا ۖ فَاذْهَبَا بِآيَاتِنَا ۖ إِنَّا مَعَكُم مُّسْتَمِعُونَ ۝١٥

📖 Fandikana Andininy 15

Niteny Izy (Allah) hoe : “Tsy izany ! Mandehana ianareo roa miaraka amin’ny fahagagana avy Aminay. Tena marina fa Izahay dia miaraka aminareo sy mihaino".

فَأْتِيَا فِرْعَوْنَ فَقُولَا إِنَّا رَسُولُ رَبِّ الْعَالَمِينَ ۝١٦

📖 Fandikana Andininy 16

Aoka ianareo roa ho tonga any amin’i Faraona, ka ilazao izy hoe : “Izahay dia irak'i Tompon’izao tontolo izao".

أَنْ أَرْسِلْ مَعَنَا بَنِي إِسْرَائِيلَ ۝١٧

📖 Fandikana Andininy 17

"Mba handefasanao ireo zanak’Israely hiaraka aminay”

قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ ۝١٨

📖 Fandikana Andininy 18

Niteny izy (Faraona) hoe : “Moa ve tsy nobeazinay teto aminay fony mbola kely ianao ? Ary tsy nipetraka teto aminay nandritra ny taona maromaro tamin’ny fiainanao ve ianao ?

وَفَعَلْتَ فَعْلَتَكَ الَّتِي فَعَلْتَ وَأَنتَ مِنَ الْكَافِرِينَ ۝١٩

📖 Fandikana Andininy 19

Avy eo dia nanao ny asa ratsy izay nataonao ianao, ary isan’ireo tsy mpankasitraka ianao.

قَالَ فَعَلْتُهَا إِذًا وَأَنَا مِنَ الضَّالِّينَ ۝٢٠

📖 Fandikana Andininy 20

Niteny izy hoe : “Nataoko tokoa izany, fony aho mbola anisan’ireo very lalana".

فَفَرَرْتُ مِنكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ ۝٢١

📖 Fandikana Andininy 21

- Ka nandositra aho satria natahotra anareo, avy eo dia nomen’ny Tompoko fahendrena aho, ary nataony ho anisan’ireo Iraka.

وَتِلْكَ نِعْمَةٌ تَمُنُّهَا عَلَيَّ أَنْ عَبَّدتَّ بَنِي إِسْرَائِيلَ ۝٢٢

📖 Fandikana Andininy 22

Ary izany ve no fahasoavana izay ahindrahindranao amiko, nefa ianao nanandevo ireo zanak’Israely ?

قَالَ فِرْعَوْنُ وَمَا رَبُّ الْعَالَمِينَ ۝٢٣

📖 Fandikana Andininy 23

Niteny i Faraona hoe : “Fa iza no Tompon’izao tontolo izao ?”

قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا ۖ إِن كُنتُم مُّوقِنِينَ ۝٢٤

📖 Fandikana Andininy 24

Niteny izy hoe : “Ilay Tompon’ireo lanitra sy ny tany ary izay eo anelanelan’izy ireo, raha toa ka manana fitokisana marina ianareo”.

قَالَ لِمَنْ حَوْلَهُ أَلَا تَسْتَمِعُونَ ۝٢٥

📖 Fandikana Andininy 25

Niteny izy tamin’ireo manodidina azy hoe : “Moa ve tsy henonareo (izany) ?”

قَالَ رَبُّكُمْ وَرَبُّ آبَائِكُمُ الْأَوَّلِينَ ۝٢٦

📖 Fandikana Andininy 26

Niteny izy hoe : “Ilay Tomponareo sy Tompon’ireo razambenareo teo aloha”.

قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ ۝٢٧

📖 Fandikana Andininy 27

Niteny izy (Faraona) hoe : “Marina fa ny iraka izay nalefa eo aminareo dia tena adala tokoa”.

قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا ۖ إِن كُنتُمْ تَعْقِلُونَ ۝٢٨

📖 Fandikana Andininy 28

Niteny izy (Mosesy) hoe : “Ilay Tompon’ny atsinanana sy ny andrefana sy izay manelanelana azy ireo, raha mba misaina ianareo !”.

قَالَ لَئِنِ اتَّخَذْتَ إِلَٰهًا غَيْرِي لَأَجْعَلَنَّكَ مِنَ الْمَسْجُونِينَ ۝٢٩

📖 Fandikana Andininy 29

Niteny izy (Faraona) hoe : “Raha mandray zanahary hafa ankoatra ahy ianao, dia tena ataoko ho anisan’ireo voafonja”.

قَالَ أَوَلَوْ جِئْتُكَ بِشَيْءٍ مُّبِينٍ ۝٣٠

📖 Fandikana Andininy 30

Dia niteny izy (Mosesy) hoe : “Ary na dia hitondrako zavatra ho porofo miharihary ve ianao ?”.

قَالَ فَأْتِ بِهِ إِن كُنتَ مِنَ الصَّادِقِينَ ۝٣١

📖 Fandikana Andininy 31

Niteny izy (Faraona) hoe : “Ento àry izany raha toa ka anisan’ireo olona marina ianao”.

فَأَلْقَىٰ عَصَاهُ فَإِذَا هِيَ ثُعْبَانٌ مُّبِينٌ ۝٣٢

📖 Fandikana Andininy 32

Ka natorany ny tehiny, dia lasa bibilava lehibe miharihary izany.

وَنَزَعَ يَدَهُ فَإِذَا هِيَ بَيْضَاءُ لِلنَّاظِرِينَ ۝٣٣

📖 Fandikana Andininy 33

Ary navoakany ny tanany, dia lasa fotsy mamirapiratra teo amin’ireo mpijery izany.

قَالَ لِلْمَلَإِ حَوْلَهُ إِنَّ هَٰذَا لَسَاحِرٌ عَلِيمٌ ۝٣٤

📖 Fandikana Andininy 34

Niteny izy (Faraona) tamin’ireo loholona nanodidina azy hoe : “Izany tokoa no mpanao majika mahay”.

يُرِيدُ أَن يُخْرِجَكُم مِّنْ أَرْضِكُم بِسِحْرِهِ فَمَاذَا تَأْمُرُونَ ۝٣٥

📖 Fandikana Andininy 35

Mila hamoaka anareo hiala amin’ny tanànanareo amin’ny alalan’ny majikany izy, ka inona no hevitra homenareo ahy ?”

قَالُوا أَرْجِهْ وَأَخَاهُ وَابْعَثْ فِي الْمَدَائِنِ حَاشِرِينَ ۝٣٦

📖 Fandikana Andininy 36

Niteny izy ireo hoe : “Ampiandraso izy sy ny rahalahiny, ary andefaso iraka mankany amin’ireo tanàna mba hamory olona"

يَأْتُوكَ بِكُلِّ سَحَّارٍ عَلِيمٍ ۝٣٧

📖 Fandikana Andininy 37

Ka ho tonga eo aminao izy ireo miaraka amin’ireo mpanao majika avo lenta tena mahay.

فَجُمِعَ السَّحَرَةُ لِمِيقَاتِ يَوْمٍ مَّعْلُومٍ ۝٣٨

📖 Fandikana Andininy 38

Ka dia navory ireo mpanao majika, ho amin’ny fotoana, amin’ilay andro voatondro.

وَقِيلَ لِلنَّاسِ هَلْ أَنتُم مُّجْتَمِعُونَ ۝٣٩

📖 Fandikana Andininy 39

Ary notenenina ireo olona hoe : “Moa ve hivory ianareo ?”

لَعَلَّنَا نَتَّبِعُ السَّحَرَةَ إِن كَانُوا هُمُ الْغَالِبِينَ ۝٤٠

📖 Fandikana Andininy 40

Angamba hanaraka ireo mpanao majika isika raha izy ireo no mivoaka mpandresy.

فَلَمَّا جَاءَ السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ الْغَالِبِينَ ۝٤١

📖 Fandikana Andininy 41

Ka rehefa tonga ireo mpanao majika dia niteny izy ireo tamin’i Faraona hoe : “Moa ve tena hisy valisoa marina ho anay, raha izahay no mivoaka ho mpandresy ?”

قَالَ نَعَمْ وَإِنَّكُمْ إِذًا لَّمِنَ الْمُقَرَّبِينَ ۝٤٢

📖 Fandikana Andininy 42

Niteny izy (Faraona) hoe : “Eny ! Ary tena ho isan’ireo akaiky ahy ianareo”.

قَالَ لَهُم مُّوسَىٰ أَلْقُوا مَا أَنتُم مُّلْقُونَ ۝٤٣

📖 Fandikana Andininy 43

Niteny tamin’izy ireo i Mosesy hoe : “Atsipazo izay hatsipinareo”.

فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ ۝٤٤

📖 Fandikana Andininy 44

Ka natsipin’izy ireo ny tadiny sy ny tehiny ; ary niteny izy ireo hoe : “Amin’ny alalan’ny fahefan’i Faraona ! Izahay no tena hivoaka mpandresy !”.

فَأَلْقَىٰ مُوسَىٰ عَصَاهُ فَإِذَا هِيَ تَلْقَفُ مَا يَأْفِكُونَ ۝٤٥

📖 Fandikana Andininy 45

Avy eo dia natsipin’i Mosesy ny tehiny, dia indro izy fa mitsaingoka izay rehetra noforonin’izy ireo.

فَأُلْقِيَ السَّحَرَةُ سَاجِدِينَ ۝٤٦

📖 Fandikana Andininy 46

Tamin’izay dia niantoraka niankohoka ireo mpanao majika.

قَالُوا آمَنَّا بِرَبِّ الْعَالَمِينَ ۝٤٧

📖 Fandikana Andininy 47

Niteny izy ireo hoe : “Mino an’ny Tompon’izao Tontolo izao izahay".

رَبِّ مُوسَىٰ وَهَارُونَ ۝٤٨

📖 Fandikana Andininy 48

Tompon’i Mosesy sy Harona.

قَالَ آمَنتُمْ لَهُ قَبْلَ أَنْ آذَنَ لَكُمْ ۖ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ أَجْمَعِينَ ۝٤٩

📖 Fandikana Andininy 49

Niteny izy (Faraona) hoe : “Nino azy ve ianareo, alohan’ny hanomezako alalana anareo ? Tena marina fa izy no lehibenareo izay nampianatra anareo ny majika ; ka ho fantatrareo tsy ho ela ! Tena ho tapahiko ny tananareo sy ny tongotrareo izay mifanohitra amin’ny andaniny avy, ary ho fantsihiko amin’ny hazo ianareo rehetra”.

قَالُوا لَا ضَيْرَ ۖ إِنَّا إِلَىٰ رَبِّنَا مُنقَلِبُونَ ۝٥٠

📖 Fandikana Andininy 50

Niteny izy ireo hoe : “Tsy misy maharatsy izany ! Marina fa any amin’ny Tomponay no hiverenanay"

إِنَّا نَطْمَعُ أَن يَغْفِرَ لَنَا رَبُّنَا خَطَايَانَا أَن كُنَّا أَوَّلَ الْمُؤْمِنِينَ ۝٥١

📖 Fandikana Andininy 51

Tena marina fa maniry mafy izahay mba ho avelan’ny Tomponay ny fahadisoanay, noho izahay voalohany tamin’ireo mpino.

۞ وَأَوْحَيْنَا إِلَىٰ مُوسَىٰ أَنْ أَسْرِ بِعِبَادِي إِنَّكُم مُّتَّبَعُونَ ۝٥٢

📖 Fandikana Andininy 52

Ary nandefasanay fanambarana i Mosesy hoe : “Mandehana amin’ny alina miaraka amin’ireo mpanompoko ianao, fa hisy mpanenjika ianareo”.

فَأَرْسَلَ فِرْعَوْنُ فِي الْمَدَائِنِ حَاشِرِينَ ۝٥٣

📖 Fandikana Andininy 53

Ka nandefa mpamory any amin’ireo tanàna i Faraona (hilaza hoe) :

إِنَّ هَٰؤُلَاءِ لَشِرْذِمَةٌ قَلِيلُونَ ۝٥٤

📖 Fandikana Andininy 54

“Tena marina fa andian’olona vitsivitsy ihany izy ireny”.

وَإِنَّهُمْ لَنَا لَغَائِظُونَ ۝٥٥

📖 Fandikana Andininy 55

Nefa izy ireo dia mahatezitra anay.

وَإِنَّا لَجَمِيعٌ حَاذِرُونَ ۝٥٦

📖 Fandikana Andininy 56

Ary isika rehetra kosa dia fatra mpitandrina.

فَأَخْرَجْنَاهُم مِّن جَنَّاتٍ وَعُيُونٍ ۝٥٧

📖 Fandikana Andininy 57

Ka navoakanay izy ireo avy tamin’ireo zaridaina sy ireo loharano.

وَكُنُوزٍ وَمَقَامٍ كَرِيمٍ ۝٥٨

📖 Fandikana Andininy 58

Ary ireo harena sarobidy sy ny toerana mendrika.

كَذَٰلِكَ وَأَوْرَثْنَاهَا بَنِي إِسْرَائِيلَ ۝٥٩

📖 Fandikana Andininy 59

Tahaka izany ! Ary dia nampandovanay ireo zanak’Israely izany (rehetra izany).

فَأَتْبَعُوهُم مُّشْرِقِينَ ۝٦٠

📖 Fandikana Andininy 60

Nanenjika azy ireo izy ireo rehefa niposaka ny masoandro.

فَلَمَّا تَرَاءَى الْجَمْعَانِ قَالَ أَصْحَابُ مُوسَىٰ إِنَّا لَمُدْرَكُونَ ۝٦١

📖 Fandikana Andininy 61

Avy eo, rehefa nifampitazana ny andiany roa, dia niteny ireo olon’i Mosesy hoe : “Marina fa efa ho tratra tokoa isika”.

قَالَ كَلَّا ۖ إِنَّ مَعِيَ رَبِّي سَيَهْدِينِ ۝٦٢

📖 Fandikana Andininy 62

Niteny izy (Mosa) hoe : “Tsia! Tena miaraka amiko ny Tompoko, ka hitari-dalana ahy Izy”.

فَأَوْحَيْنَا إِلَىٰ مُوسَىٰ أَنِ اضْرِب بِّعَصَاكَ الْبَحْرَ ۖ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ ۝٦٣

📖 Fandikana Andininy 63

Ka nandefa fanambarana tamin’i Mosesy Izahay hoe : “Kapohy amin’ny tehinao ny ranomasina”. Dia nizara roa izany, ka toy ny tendrombohitra lehibe avo ny andaniny sy ny ankilany.

وَأَزْلَفْنَا ثَمَّ الْآخَرِينَ ۝٦٤

📖 Fandikana Andininy 64

Ary nampanatoninay ny sasany (Faraona sy ny vahoakany)

وَأَنجَيْنَا مُوسَىٰ وَمَن مَّعَهُ أَجْمَعِينَ ۝٦٥

📖 Fandikana Andininy 65

Fa navotanay i Mosesy sy ireo izay niaraka taminy rehetra.

ثُمَّ أَغْرَقْنَا الْآخَرِينَ ۝٦٦

📖 Fandikana Andininy 66

Avy eo dia narendrikay ireo sasany.

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝٦٧

📖 Fandikana Andininy 67

Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

وَإِنَّ رَبَّكَ لَهُوَ الْعَزِيزُ الرَّحِيمُ ۝٦٨

📖 Fandikana Andininy 68

Ary marina fa ny Tomponao, Izy no ilay Tsitoha, ilay be indrafo.

وَاتْلُ عَلَيْهِمْ نَبَأَ إِبْرَاهِيمَ ۝٦٩

📖 Fandikana Andininy 69

Ary vakio amin’izy ireo ny vaovaon’i (tantaran’i) Abrahama.

إِذْ قَالَ لِأَبِيهِ وَقَوْمِهِ مَا تَعْبُدُونَ ۝٧٠

📖 Fandikana Andininy 70

Rehefa niteny izy tamin’ny rainy sy ny vahoakany hoe : “Inona no tompoinareo ?”

قَالُوا نَعْبُدُ أَصْنَامًا فَنَظَلُّ لَهَا عَاكِفِينَ ۝٧١

📖 Fandikana Andininy 71

Niteny izy ireo hoe : “Manompo sampy izahay, ary tsy hitsahatra hiraiki-po amin’izy ireo”.

قَالَ هَلْ يَسْمَعُونَكُمْ إِذْ تَدْعُونَ ۝٧٢

📖 Fandikana Andininy 72

Niteny izy hoe : “Moa ve mandre anareo izy ireo rehefa miantso ianareo ?

أَوْ يَنفَعُونَكُمْ أَوْ يَضُرُّونَ ۝٧٣

📖 Fandikana Andininy 73

Na koa manome tombontsoa anareo ? Na hanisy ratsy anareo ?

قَالُوا بَلْ وَجَدْنَا آبَاءَنَا كَذَٰلِكَ يَفْعَلُونَ ۝٧٤

📖 Fandikana Andininy 74

Niteny izy ireo hoe : “Tsia ! Fa izahay nahita ireo razambenay dia tahaka izany no nataony”.

قَالَ أَفَرَأَيْتُم مَّا كُنتُمْ تَعْبُدُونَ ۝٧٥

📖 Fandikana Andininy 75

Niteny izy:moa ve hitanareo izay notompoinareo.

أَنتُمْ وَآبَاؤُكُمُ الْأَقْدَمُونَ ۝٧٦

📖 Fandikana Andininy 76

Ianareo sy ireo razambenareo taloha ?

فَإِنَّهُمْ عَدُوٌّ لِّي إِلَّا رَبَّ الْعَالَمِينَ ۝٧٧

📖 Fandikana Andininy 77

Tena marina fa izy ireo dia fahavaloko daholo, afa-tsy ny Tompon’izao tontolo izao.

الَّذِي خَلَقَنِي فَهُوَ يَهْدِينِ ۝٧٨

📖 Fandikana Andininy 78

Izay nahary ahy ary Izy no mitari-dalana ahy.

وَالَّذِي هُوَ يُطْعِمُنِي وَيَسْقِينِ ۝٧٩

📖 Fandikana Andininy 79

Ary Izy no nampihinana ahy sy nampisotro ahy.

وَإِذَا مَرِضْتُ فَهُوَ يَشْفِينِ ۝٨٠

📖 Fandikana Andininy 80

Ary raha marary aho, dia Izy no manasitrana ahy.

وَالَّذِي يُمِيتُنِي ثُمَّ يُحْيِينِ ۝٨١

📖 Fandikana Andininy 81

Ary Izy no hamono ahy, avy eo hanome aina ahy indray.

وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ ۝٨٢

📖 Fandikana Andininy 82

Ary Izy ilay irìko hamela ireo fahadisoako, amin’ny andro fanomezana ny valin’asa.

رَبِّ هَبْ لِي حُكْمًا وَأَلْحِقْنِي بِالصَّالِحِينَ ۝٨٣

📖 Fandikana Andininy 83

Tompo ô ! Omeo fahendrena aho, ary ataovy miaraka amin’ireo olo-mendrika.

وَاجْعَل لِّي لِسَانَ صِدْقٍ فِي الْآخِرِينَ ۝٨٤

📖 Fandikana Andininy 84

Omeo laza tsara aho amin’ireo taranaka amam-para any aoriana.

وَاجْعَلْنِي مِن وَرَثَةِ جَنَّةِ النَّعِيمِ ۝٨٥

📖 Fandikana Andininy 85

Ary ataovy an’isan’ireo mpandova ny Paradisan’ny «Na’ìm» (fahafinaretana) aho.

وَاغْفِرْ لِأَبِي إِنَّهُ كَانَ مِنَ الضَّالِّينَ ۝٨٦

📖 Fandikana Andininy 86

Ary mamelà ny heloky ny raiko, satria izy dia tena anisan’ireo very lalana.

وَلَا تُخْزِنِي يَوْمَ يُبْعَثُونَ ۝٨٧

📖 Fandikana Andininy 87

Ary aza alaina baraka aho amin’ny andro hampitsanganana ireo maty.

يَوْمَ لَا يَنفَعُ مَالٌ وَلَا بَنُونَ ۝٨٨

📖 Fandikana Andininy 88

Amin’ny andro izay tsy hitera-boka-tsoa, na ny harena na ny zanaka.

إِلَّا مَنْ أَتَى اللَّهَ بِقَلْبٍ سَلِيمٍ ۝٨٩

📖 Fandikana Andininy 89

Afa-tsy izay tonga eo anatrehan’I Allah miaraka amin’ny fo madio.

وَأُزْلِفَتِ الْجَنَّةُ لِلْمُتَّقِينَ ۝٩٠

📖 Fandikana Andininy 90

Ary hampanatonina ny Paradisa, ho an’ireo nanam-patahorana.

وَبُرِّزَتِ الْجَحِيمُ لِلْغَاوِينَ ۝٩١

📖 Fandikana Andininy 91

Ary haseho ny afobe, ho an’ireo very lalana.

وَقِيلَ لَهُمْ أَيْنَ مَا كُنتُمْ تَعْبُدُونَ ۝٩٢

📖 Fandikana Andininy 92

Ary ho tenenina amin’izy ireo hoe : “Aiza ireo izay notompoinareo?"

مِن دُونِ اللَّهِ هَلْ يَنصُرُونَكُمْ أَوْ يَنتَصِرُونَ ۝٩٣

📖 Fandikana Andininy 93

Ankoatr’I Allah ? Moa ve manavotra anareo izy ireo ? Sa afaka manavotra ny tenany ve izy ireo ?

فَكُبْكِبُوا فِيهَا هُمْ وَالْغَاوُونَ ۝٩٤

📖 Fandikana Andininy 94

Ary hatsipy hifangaro ao izy ireo, sy ireo very lalana.

وَجُنُودُ إِبْلِيسَ أَجْمَعُونَ ۝٩٥

📖 Fandikana Andininy 95

Toy izany koa ireo miaramilan’i Iblisa rehetra.

قَالُوا وَهُمْ فِيهَا يَخْتَصِمُونَ ۝٩٦

📖 Fandikana Andininy 96

Hiteny izy ireo ao, sady mifanditra :

تَاللَّهِ إِن كُنَّا لَفِي ضَلَالٍ مُّبِينٍ ۝٩٧

📖 Fandikana Andininy 97

Mianiana amin’I Allah izahay fa tena ao anatin’ny fahaverezana miharihary tokoa.

إِذْ نُسَوِّيكُم بِرَبِّ الْعَالَمِينَ ۝٩٨

📖 Fandikana Andininy 98

Raha nampitovy anareo tamin’ny Tompon’izao Tontolo izao izahay !

وَمَا أَضَلَّنَا إِلَّا الْمُجْرِمُونَ ۝٩٩

📖 Fandikana Andininy 99

Ary tsy nisy namery lalana anay afa-tsy ireo mpanao heloka bevava !

فَمَا لَنَا مِن شَافِعِينَ ۝١٠٠

📖 Fandikana Andininy 100

Ary tsy manana mpanelanelana izahay.

وَلَا صَدِيقٍ حَمِيمٍ ۝١٠١

📖 Fandikana Andininy 101

Na sakaiza mafana fo !

فَلَوْ أَنَّ لَنَا كَرَّةً فَنَكُونَ مِنَ الْمُؤْمِنِينَ ۝١٠٢

📖 Fandikana Andininy 102

Raha nanana fahafahana miverina izahay dia ho anisan’ireo mpino !

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٠٣

📖 Fandikana Andininy 103

Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٠٤

📖 Fandikana Andininy 104

Ary marina fa ny Tomponao, Izy no ilay Tsitoha, ilay be indrafo.

كَذَّبَتْ قَوْمُ نُوحٍ الْمُرْسَلِينَ ۝١٠٥

📖 Fandikana Andininy 105

Nilaza ireo Iraka ho mpandainga ny vahoakan’i Noa.

إِذْ قَالَ لَهُمْ أَخُوهُمْ نُوحٌ أَلَا تَتَّقُونَ ۝١٠٦

📖 Fandikana Andininy 106

Rehefa niteny tamin’izy ireo i Noa, rahalahin’izy ireo, hoe : “Tsy matahotra (an’I Allah) ve ianareo ?

إِنِّي لَكُمْ رَسُولٌ أَمِينٌ ۝١٠٧

📖 Fandikana Andininy 107

Izaho dia Iraka mendri-pitokisana ho anareo !

فَاتَّقُوا اللَّهَ وَأَطِيعُونِ ۝١٠٨

📖 Fandikana Andininy 108

Ary matahora an’I Allah àry ianareo, ary ankatoavy aho.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ ۝١٠٩

📖 Fandikana Andininy 109

Ary tsy mangataka tambiny aminareo aho momba izany, tsy mila tambiny aho afa-tsy avy amin’ny Tompon’izao tontolo izao.

فَاتَّقُوا اللَّهَ وَأَطِيعُونِ ۝١١٠

📖 Fandikana Andininy 110

Ary matahora an’I Allah àry ianareo, ary mankatoava ahy.

۞ قَالُوا أَنُؤْمِنُ لَكَ وَاتَّبَعَكَ الْأَرْذَلُونَ ۝١١١

📖 Fandikana Andininy 111

Niteny izy ireo hoe : “Moa ve hino anao izahay, nefa ireny olona ambany saranga indrindra ireny no manaraka anao ?”

قَالَ وَمَا عِلْمِي بِمَا كَانُوا يَعْمَلُونَ ۝١١٢

📖 Fandikana Andininy 112

Niteny izy hoe : “Tsy manana fahalalana amin’izay zavatra ataon’izy ireo aho".

إِنْ حِسَابُهُمْ إِلَّا عَلَىٰ رَبِّي ۖ لَوْ تَشْعُرُونَ ۝١١٣

📖 Fandikana Andininy 113

Tsy misy fitsarana azy ireo afa-tsy any amin’ny Tompoko, raha mba tsapanareo izany.

وَمَا أَنَا بِطَارِدِ الْمُؤْمِنِينَ ۝١١٤

📖 Fandikana Andininy 114

Ary tsy izaho mihitsy no handroaka ireo mpino.

إِنْ أَنَا إِلَّا نَذِيرٌ مُّبِينٌ ۝١١٥

📖 Fandikana Andininy 115

Tsy iza akory aho afa-tsy mpananatra miharihary ihany.

قَالُوا لَئِن لَّمْ تَنتَهِ يَا نُوحُ لَتَكُونَنَّ مِنَ الْمَرْجُومِينَ ۝١١٦

📖 Fandikana Andininy 116

Niteny izy ireo hoe : “Raha tsy mitsahatra ianao ry Noa dia tena ho anisan’ireo voatora-bato tokoa”.

قَالَ رَبِّ إِنَّ قَوْمِي كَذَّبُونِ ۝١١٧

📖 Fandikana Andininy 117

Niteny izy (Noa) hoe : “Tompo ô ! Tena nilaza ahy ho mpandainga ny vahoakako !

فَافْتَحْ بَيْنِي وَبَيْنَهُمْ فَتْحًا وَنَجِّنِي وَمَن مَّعِيَ مِنَ الْمُؤْمِنِينَ ۝١١٨

📖 Fandikana Andininy 118

Ka tsarao amin’ny fitsarana mazava àry ny amiko sy ny amin’izy ireo ; ary avoty aho sy ireo mpino miaraka amiko”.

فَأَنجَيْنَاهُ وَمَن مَّعَهُ فِي الْفُلْكِ الْمَشْحُونِ ۝١١٩

📖 Fandikana Andininy 119

Dia navotanay izy sy ireo izay niaraka taminy, tao anatin’ny sambo fiara feno tanteraka.

ثُمَّ أَغْرَقْنَا بَعْدُ الْبَاقِينَ ۝١٢٠

📖 Fandikana Andininy 120

Avy eo dia narendrikay taorian’izany ireo sisa tavela.

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٢١

📖 Fandikana Andininy 121

Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٢٢

📖 Fandikana Andininy 122

Ary marina fa ny Tomponao, Izy no ilay Tsitoha, ilay be indrafo.

كَذَّبَتْ عَادٌ الْمُرْسَلِينَ ۝١٢٣

📖 Fandikana Andininy 123

Nilaza ireo Iraka ho mpandainga ireo ‘Aad.

إِذْ قَالَ لَهُمْ أَخُوهُمْ هُودٌ أَلَا تَتَّقُونَ ۝١٢٤

📖 Fandikana Andininy 124

Raha niteny tamin’izy ireo ny rahalahin’izy ireo Hod hoe : “Tsy manam-patahorana ve ianareo ?”

إِنِّي لَكُمْ رَسُولٌ أَمِينٌ ۝١٢٥

📖 Fandikana Andininy 125

Izaho dia Iraka mendri-pitokisana ho anareo !

فَاتَّقُوا اللَّهَ وَأَطِيعُونِ ۝١٢٦

📖 Fandikana Andininy 126

Ary matahora an’i Allah àry ianareo, ary mankatoava ahy.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ ۝١٢٧

📖 Fandikana Andininy 127

Ary tsy mangataka tambiny aminareo aho ny amin'izany, tsy misy karama afa-tsy avy amin’ny Tompon’izao Tontolo izao aho.

أَتَبْنُونَ بِكُلِّ رِيعٍ آيَةً تَعْبَثُونَ ۝١٢٨

📖 Fandikana Andininy 128

Moa ve manorina tsangam-bato isaky ny havoana ianareo mba hanaovanareo rendrarendra ?

وَتَتَّخِذُونَ مَصَانِعَ لَعَلَّكُمْ تَخْلُدُونَ ۝١٢٩

📖 Fandikana Andininy 129

Ary moa ve manangana lapa ianareo tahaka ny hitoeranareo mandrakizay ?

وَإِذَا بَطَشْتُم بَطَشْتُمْ جَبَّارِينَ ۝١٣٠

📖 Fandikana Andininy 130

Ary rehefa manasazy ianareo, dia manasazy tsy misy fiantràna .

فَاتَّقُوا اللَّهَ وَأَطِيعُونِ ۝١٣١

📖 Fandikana Andininy 131

Ary matahora an’I Allah àry ianareo, ary mankatoava ahy.

وَاتَّقُوا الَّذِي أَمَدَّكُم بِمَا تَعْلَمُونَ ۝١٣٢

📖 Fandikana Andininy 132

Ary matahora izay nanome anareo zavatra (tsara rehetra) izay efa fantatrareo ianareo.

أَمَدَّكُم بِأَنْعَامٍ وَبَنِينَ ۝١٣٣

📖 Fandikana Andininy 133

Izay nanome anareo ireo biby fiompy sy ireo zanaka.

وَجَنَّاتٍ وَعُيُونٍ ۝١٣٤

📖 Fandikana Andininy 134

Ary ireo zaridaina sy ireo loharano.

إِنِّي أَخَافُ عَلَيْكُمْ عَذَابَ يَوْمٍ عَظِيمٍ ۝١٣٥

📖 Fandikana Andininy 135

Marina fa izaho dia matahotra ny famaizana ho anareo amin’ny Andro lehibe.

قَالُوا سَوَاءٌ عَلَيْنَا أَوَعَظْتَ أَمْ لَمْ تَكُن مِّنَ الْوَاعِظِينَ ۝١٣٦

📖 Fandikana Andininy 136

Niteny izy ireo hoe : “Mitovy ihany izany aminay, na mananatra ianao na tsy anisan’ireo mpananatra !

إِنْ هَٰذَا إِلَّا خُلُقُ الْأَوَّلِينَ ۝١٣٧

📖 Fandikana Andininy 137

Tsy inona izany fa fomba fiainan’ireo teo aloha ihany.

وَمَا نَحْنُ بِمُعَذَّبِينَ ۝١٣٨

📖 Fandikana Andininy 138

Ary tsy ho faizina velively izahay.

فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٣٩

📖 Fandikana Andininy 139

Ka nilaza azy ho mpandainga izy ireo. Ary naringanay izy ireo.Tena marina fa amin’izany dia misy famantarana tokoa ! Nefa ny ankamaroan’izy ireo dia tsy mino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٤٠

📖 Fandikana Andininy 140

Ary marina fa ny Tomponao, Izy no ilay Tsitoha, ilay be indrafo.

كَذَّبَتْ ثَمُودُ الْمُرْسَلِينَ ۝١٤١

📖 Fandikana Andininy 141

Nilaza ireo iraka ho mpandainga, ireo Thamody.

إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ ۝١٤٢

📖 Fandikana Andininy 142

Raha niteny tamin’izy ireo ny rahalahin’izy ireo Soalihy hoe : “Tsy manam-patahorana ve ianareo ?”

إِنِّي لَكُمْ رَسُولٌ أَمِينٌ ۝١٤٣

📖 Fandikana Andininy 143

Izaho dia Iraka mendri-pitokisana ho anareo !

فَاتَّقُوا اللَّهَ وَأَطِيعُونِ ۝١٤٤

📖 Fandikana Andininy 144

Ary matahora an’I Allah àry ianareo, ary mankatoava ahy.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ ۝١٤٥

📖 Fandikana Andininy 145

Ary tsy mangataka tambiny aminareo aho momba izany, tsy misy karama aho afa-tsy avy amin’ny Tompon’izao Tontolo izao.

أَتُتْرَكُونَ فِي مَا هَاهُنَا آمِنِينَ ۝١٤٦

📖 Fandikana Andininy 146

Moa ve avela am-pilaminana amin’izao toe-javatra misy anareo izao ianareo ?

فِي جَنَّاتٍ وَعُيُونٍ ۝١٤٧

📖 Fandikana Andininy 147

Ao amin’ireo zaridaina sy loharano.

وَزُرُوعٍ وَنَخْلٍ طَلْعُهَا هَضِيمٌ ۝١٤٨

📖 Fandikana Andininy 148

Ary ireo voly sy ireo hazo palma izay mora levonina ny voankazony”.

وَتَنْحِتُونَ مِنَ الْجِبَالِ بُيُوتًا فَارِهِينَ ۝١٤٩

📖 Fandikana Andininy 149

Ary lavahanareo amin-pahakingana ireo tendrombohitra ho trano.

فَاتَّقُوا اللَّهَ وَأَطِيعُونِ ۝١٥٠

📖 Fandikana Andininy 150

Ary matahora an’I Allah àry ianareo, ary mankatoava ahy.

وَلَا تُطِيعُوا أَمْرَ الْمُسْرِفِينَ ۝١٥١

📖 Fandikana Andininy 151

Ary aza mankato ny baikon’ireo mpanao ny tafahoatra ianareo.

الَّذِينَ يُفْسِدُونَ فِي الْأَرْضِ وَلَا يُصْلِحُونَ ۝١٥٢

📖 Fandikana Andininy 152

Ireo izay manao ny asa fanimbana eto an-tany, dia tsy manao mihitsy ny asa fanamboarana.

قَالُوا إِنَّمَا أَنتَ مِنَ الْمُسَحَّرِينَ ۝١٥٣

📖 Fandikana Andininy 153

Niteny izy ireo hoe : “Ianao dia tena anisan’ireo olona voan’ny mosavy".

مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ ۝١٥٤

📖 Fandikana Andininy 154

Tsy iza akory ianao afa-tsy olombelona tahaka anay ihany. ka ento aty aminay àry ny fahagagana, raha anisan’ireo mpilaza ny marina ianao.

قَالَ هَٰذِهِ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ ۝١٥٥

📖 Fandikana Andininy 155

Niteny izy hoe : “Indro ny rameva vavy, ho azy ny anjara fisotroana amin’ny andro voatondro, ary ho anareo koa ny anjara fisotroana amin’ny andro hafa voatondro".

وَلَا تَمَسُّوهَا بِسُوءٍ فَيَأْخُذَكُمْ عَذَابُ يَوْمٍ عَظِيمٍ ۝١٥٦

📖 Fandikana Andininy 156

Ary aza manao ratsy aminy na dia kely aza ianareo, raha tsy izany dia hiharan’ny famaizana ianareo amin’ny andro lehibe.

فَعَقَرُوهَا فَأَصْبَحُوا نَادِمِينَ ۝١٥٧

📖 Fandikana Andininy 157

Nefa mbola novonoin’izy ireo ihany izy (ny rameva vavy), noho izany dia nanenina izy ireo !

فَأَخَذَهُمُ الْعَذَابُ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٥٨

📖 Fandikana Andininy 158

Koa niharan’ny famaizana izy ireo. Marina fa misy famantarana ny ao anatin’izany. Nefa ny ankamaroan’izy ireo dia tsy mino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٥٩

📖 Fandikana Andininy 159

Ary marina fa ny Tomponao, Izy no ilay Tsitoha, ilay be indrafo.

كَذَّبَتْ قَوْمُ لُوطٍ الْمُرْسَلِينَ ۝١٦٠

📖 Fandikana Andininy 160

Nilaza ireo Iraka ho mpandainga ny vahoakan' i Lota.

إِذْ قَالَ لَهُمْ أَخُوهُمْ لُوطٌ أَلَا تَتَّقُونَ ۝١٦١

📖 Fandikana Andininy 161

Raha niteny tamin’izy ireo ny rahalahin’izy ireo Lota hoe : “Tsy manam-patahorana ve ianareo ?"

إِنِّي لَكُمْ رَسُولٌ أَمِينٌ ۝١٦٢

📖 Fandikana Andininy 162

Izaho dia Iraka mendri-pitokisana ho anareo !

فَاتَّقُوا اللَّهَ وَأَطِيعُونِ ۝١٦٣

📖 Fandikana Andininy 163

Ary matahora an’I Allah àry ianareo, ary mankatoava ahy.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ ۝١٦٤

📖 Fandikana Andininy 164

Ary tsy mangataka tambiny aminareo aho momba izany, tsy misy karama aho afa-tsy avy amin’i Tompon’izao Tontolo izao.

أَتَأْتُونَ الذُّكْرَانَ مِنَ الْعَالَمِينَ ۝١٦٥

📖 Fandikana Andininy 165

Moa ve manao firaisana ara-nofo amin’ny lehilahin’izao tontolo izao ianareo ?

وَتَذَرُونَ مَا خَلَقَ لَكُمْ رَبُّكُم مِّنْ أَزْوَاجِكُم ۚ بَلْ أَنتُمْ قَوْمٌ عَادُونَ ۝١٦٦

📖 Fandikana Andininy 166

Ary avelanareo ireo vehivavy vadinareo izay noharian’i Tomponareo ho anareo ? Ary ianareo dia tena vahoaka mpandika lalàna.

قَالُوا لَئِن لَّمْ تَنتَهِ يَا لُوطُ لَتَكُونَنَّ مِنَ الْمُخْرَجِينَ ۝١٦٧

📖 Fandikana Andininy 167

Niteny izy ireo hoe : “Raha tsy mitsahatra ianao ry Lota, dia tena ho anisan’ireo atao sesi-tany".

قَالَ إِنِّي لِعَمَلِكُم مِّنَ الْقَالِينَ ۝١٦٨

📖 Fandikana Andininy 168

Niteny izy (Lota) hoe : “Marina fa izaho dia anisan’ireo mankahala ny asa izay ataonareo".

رَبِّ نَجِّنِي وَأَهْلِي مِمَّا يَعْمَلُونَ ۝١٦٩

📖 Fandikana Andininy 169

Tompo o ! Avoty aho sy ny fianakaviako amin’izay ataon’izy ireo.

فَنَجَّيْنَاهُ وَأَهْلَهُ أَجْمَعِينَ ۝١٧٠

📖 Fandikana Andininy 170

Ka navotanay àry izy sy ny fianakaviany rehetra.

إِلَّا عَجُوزًا فِي الْغَابِرِينَ ۝١٧١

📖 Fandikana Andininy 171

Afa-tsy vehivavy antitra iray anisan’ireo naringana.

ثُمَّ دَمَّرْنَا الْآخَرِينَ ۝١٧٢

📖 Fandikana Andininy 172

Avy eo dia nopotehinay koa ny sasany.

وَأَمْطَرْنَا عَلَيْهِم مَّطَرًا ۖ فَسَاءَ مَطَرُ الْمُنذَرِينَ ۝١٧٣

📖 Fandikana Andininy 173

Ary narotsakay tamin’izy ireo ny orana (oram-bato). Tena ratsy tokoa izany orana izany ho an’ireo izay nampitandremana.

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٧٤

📖 Fandikana Andininy 174

Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٧٥

📖 Fandikana Andininy 175

Ary marina fa ny Tomponao, Izy no ilay Tsitoha, ilay be indrafo.

كَذَّبَ أَصْحَابُ الْأَيْكَةِ الْمُرْسَلِينَ ۝١٧٦

📖 Fandikana Andininy 176

Nilaza ireo iraka ho mpandainga ireo olon’ny Al-Aikaty.

إِذْ قَالَ لَهُمْ شُعَيْبٌ أَلَا تَتَّقُونَ ۝١٧٧

📖 Fandikana Andininy 177

Rehefa niteny tamin’izy ireo i Choaymbo hoe : “Tsy manam-patahorana ve ianareo ?”

إِنِّي لَكُمْ رَسُولٌ أَمِينٌ ۝١٧٨

📖 Fandikana Andininy 178

Izaho dia Iraka mendri-pitokisana ho anareo !

فَاتَّقُوا اللَّهَ وَأَطِيعُونِ ۝١٧٩

📖 Fandikana Andininy 179

Ary matahora an’I Allah àry ianareo, ary mankatoava ahy.

وَمَا أَسْأَلُكُمْ عَلَيْهِ مِنْ أَجْرٍ ۖ إِنْ أَجْرِيَ إِلَّا عَلَىٰ رَبِّ الْعَالَمِينَ ۝١٨٠

📖 Fandikana Andininy 180

Ary tsy mangataka tambiny aminareo aho momba izany, tsy misy karama aho afa-tsy avy amin’ny Tompon’izao Tontolo izao.

۞ أَوْفُوا الْكَيْلَ وَلَا تَكُونُوا مِنَ الْمُخْسِرِينَ ۝١٨١

📖 Fandikana Andininy 181

Manomeza fatra feno ianareo,fa azamanao ho isan'ieo mpanena fatra.

وَزِنُوا بِالْقِسْطَاسِ الْمُسْتَقِيمِ ۝١٨٢

📖 Fandikana Andininy 182

Ary mandanjà amin’ny fandanjana marina ianareo.

وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ ۝١٨٣

📖 Fandikana Andininy 183

Ary aza manome ny olona izay latsaky ny tokony ho azy ianareo; ary aza manao fanakorontanana sy asa fanimbana eto an-tany ianareo.

وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ ۝١٨٤

📖 Fandikana Andininy 184

Ary matahora Ilay Nahary anareo sy ireo taranaka teo aloha ianareo.

قَالُوا إِنَّمَا أَنتَ مِنَ الْمُسَحَّرِينَ ۝١٨٥

📖 Fandikana Andininy 185

Niteny izy ireo hoe : “Ianao dia tena anisan’ireo olona voan’ny mosavy".

وَمَا أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ الْكَاذِبِينَ ۝١٨٦

📖 Fandikana Andininy 186

Tsy iza ianao afa-tsy olombelona tahaka anay ihany ; ary izahay dia mihevitra tokoa fa tena anisan’ireo mpandainga ianao.

فَأَسْقِطْ عَلَيْنَا كِسَفًا مِّنَ السَّمَاءِ إِن كُنتَ مِنَ الصَّادِقِينَ ۝١٨٧

📖 Fandikana Andininy 187

Noho izany dia andatsaho ny tapaky ny lanitra izahay raha toa ka milaza ny marina ianao !”

قَالَ رَبِّي أَعْلَمُ بِمَا تَعْمَلُونَ ۝١٨٨

📖 Fandikana Andininy 188

Niteny izy hoe : “Ny Tompoko no tena mahalala izay ataonareo”.

فَكَذَّبُوهُ فَأَخَذَهُمْ عَذَابُ يَوْمِ الظُّلَّةِ ۚ إِنَّهُ كَانَ عَذَابَ يَوْمٍ عَظِيمٍ ۝١٨٩

📖 Fandikana Andininy 189

Nefa nolazain’izy ireo fa mpandainga izy. Ka niharan’ny famaizan’ny andron’ny aloka izy ireo. Ary izany dia tena famaizan’ny andro lehibe.

إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ ۝١٩٠

📖 Fandikana Andininy 190

Marina fa amin’izany dia misy fahagagana tokoa, nefa ny ankamaroan’izy ireo dia tsy mpino.

وَإِنَّ رَبَّكَ لَهُوَ الْعَزِيزُ الرَّحِيمُ ۝١٩١

📖 Fandikana Andininy 191

Ary marina fa ny Tomponao, Izy no ilay Tsitoha, ilay be indrafo.

وَإِنَّهُ لَتَنزِيلُ رَبِّ الْعَالَمِينَ ۝١٩٢

📖 Fandikana Andininy 192

Izy io (ny Kor’any) dia ny Tompon’izao tontolo izao no nampidina azy.

نَزَلَ بِهِ الرُّوحُ الْأَمِينُ ۝١٩٣

📖 Fandikana Andininy 193

Ary nidina niaraka taminy ilay Fanahy mendri-pitokisana (Anjely Gabriely).

عَلَىٰ قَلْبِكَ لِتَكُونَ مِنَ الْمُنذِرِينَ ۝١٩٤

📖 Fandikana Andininy 194

(Hametraka azy) Ao amin’ny fonao, mba ho anisan’ireo mpampitandrina ianao.

بِلِسَانٍ عَرَبِيٍّ مُّبِينٍ ۝١٩٥

📖 Fandikana Andininy 195

Amin’ny fiteny arabo mazava tsara.

وَإِنَّهُ لَفِي زُبُرِ الْأَوَّلِينَ ۝١٩٦

📖 Fandikana Andininy 196

Ary izy io dia efa voarakitra mazava tsara ao anatin’ny soratra masin’ireo teo aloha.

أَوَلَمْ يَكُن لَّهُمْ آيَةً أَن يَعْلَمَهُ عُلَمَاءُ بَنِي إِسْرَائِيلَ ۝١٩٧

📖 Fandikana Andininy 197

Moa ve tsy famantarana ho azy ireo izany, fa ireo manam-pahaizan’ny zanak’Israely dia mahafantatra tsara izany ?

وَلَوْ نَزَّلْنَاهُ عَلَىٰ بَعْضِ الْأَعْجَمِينَ ۝١٩٨

📖 Fandikana Andininy 198

Ary raha nampidina an’izany tamin’ny olon-kafa tsy arabo Izahay.

فَقَرَأَهُ عَلَيْهِم مَّا كَانُوا بِهِ مُؤْمِنِينَ ۝١٩٩

📖 Fandikana Andininy 199

Ary novakiany tamin’izy ireo izany, dia tsy nino izany ihany izy ireo.

كَذَٰلِكَ سَلَكْنَاهُ فِي قُلُوبِ الْمُجْرِمِينَ ۝٢٠٠

📖 Fandikana Andininy 200

Tahaka izany no nampidiranay azy (ny ahiahy) tao amin’ny fon’ireo mpanao heloka bevava.

لَا يُؤْمِنُونَ بِهِ حَتَّىٰ يَرَوُا الْعَذَابَ الْأَلِيمَ ۝٢٠١

📖 Fandikana Andininy 201

Ka tsy hino izany (Kor’any izany) izy ireo alohan’ny ahitan’izy ireo ny famaizana mamirifiry.

فَيَأْتِيَهُم بَغْتَةً وَهُمْ لَا يَشْعُرُونَ ۝٢٠٢

📖 Fandikana Andininy 202

Izay ho tonga tampoka amin’izy ireo, ary tsy ahatsapa izany mihitsy izy ireo.

فَيَقُولُوا هَلْ نَحْنُ مُنظَرُونَ ۝٢٠٣

📖 Fandikana Andininy 203

Dia hiteny izy ireo hoe : “Moa ve ahazo fe-potoana izahay ?”

أَفَبِعَذَابِنَا يَسْتَعْجِلُونَ ۝٢٠٤

📖 Fandikana Andininy 204

Ny famaizana avy Aminay ve no tadiavin’izy ireo hafainganina ?

أَفَرَأَيْتَ إِن مَّتَّعْنَاهُمْ سِنِينَ ۝٢٠٥

📖 Fandikana Andininy 205

Hitanao ve raha omenay fahafinaretana izy ireo mandritra ny taona maro.

ثُمَّ جَاءَهُم مَّا كَانُوا يُوعَدُونَ ۝٢٠٦

📖 Fandikana Andininy 206

Avy eo dia ho tonga amin’izy ireo izay nampitahorana azy ireo.

مَا أَغْنَىٰ عَنْهُم مَّا كَانُوا يُمَتَّعُونَ ۝٢٠٧

📖 Fandikana Andininy 207

Tsy nahavita na inona na inona amin’izy ireo, ireo fahafinaretana izay nomena azy ireo.

وَمَا أَهْلَكْنَا مِن قَرْيَةٍ إِلَّا لَهَا مُنذِرُونَ ۝٢٠٨

📖 Fandikana Andininy 208

Ary tsy mandringana tanàna Izahay raha tsy efa nisy ireo mpampitandrina ao aminy.

ذِكْرَىٰ وَمَا كُنَّا ظَالِمِينَ ۝٢٠٩

📖 Fandikana Andininy 209

Ho fampahatsiahivana ity, ary Izahay dia tsy mba mpanao ny tsy rariny.

وَمَا تَنَزَّلَتْ بِهِ الشَّيَاطِينُ ۝٢١٠

📖 Fandikana Andininy 210

Ary tsy mba ireo satana no nidina niaraka tamin’ity (Kor’any ity).

وَمَا يَنبَغِي لَهُمْ وَمَا يَسْتَطِيعُونَ ۝٢١١

📖 Fandikana Andininy 211

Ary tsy mendrika ho azy ireo izany, no sady tsy manam-pahefana (amin’izany) izy ireo.

إِنَّهُمْ عَنِ السَّمْعِ لَمَعْزُولُونَ ۝٢١٢

📖 Fandikana Andininy 212

Satria izy ireo dia tena nohalavirina amin’ny fihainoana (ny hafatra masina).

فَلَا تَدْعُ مَعَ اللَّهِ إِلَٰهًا آخَرَ فَتَكُونَ مِنَ الْمُعَذَّبِينَ ۝٢١٣

📖 Fandikana Andininy 213

Ka aoka ianao tsy hiantso Tompo hafa miaraka amin’I Allah, raha tsy izany dia ho anisan’ireo ho faizina ianao.

وَأَنذِرْ عَشِيرَتَكَ الْأَقْرَبِينَ ۝٢١٤

📖 Fandikana Andininy 214

Ary ampitandremo (ry Mohammady) ireo havanao akaiky.

وَاخْفِضْ جَنَاحَكَ لِمَنِ اتَّبَعَكَ مِنَ الْمُؤْمِنِينَ ۝٢١٥

📖 Fandikana Andininy 215

Ampidino ny elatrao (aoka ianao halemy fanahy) amin’ireo mpino izay manaraka anao.

فَإِنْ عَصَوْكَ فَقُلْ إِنِّي بَرِيءٌ مِّمَّا تَعْمَلُونَ ۝٢١٦

📖 Fandikana Andininy 216

Ary raha tsy mankatò anao izy ireo, dia teneno hoe : “Izaho dia mitsipaka izay ataonareo”.

وَتَوَكَّلْ عَلَى الْعَزِيزِ الرَّحِيمِ ۝٢١٧

📖 Fandikana Andininy 217

Ary ankino amin’Ilay Tsitoha, Ilay be Indrafo ny fitokisanao.

الَّذِي يَرَاكَ حِينَ تَقُومُ ۝٢١٨

📖 Fandikana Andininy 218

Izay mahita anao rehefa mitsangana ianao.

وَتَقَلُّبَكَ فِي السَّاجِدِينَ ۝٢١٩

📖 Fandikana Andininy 219

Sy ny fihetsikao eo anivon’ireo mpiankohoka.

إِنَّهُ هُوَ السَّمِيعُ الْعَلِيمُ ۝٢٢٠

📖 Fandikana Andininy 220

Izy no Ilay tena Maheno sy Mahalala .

هَلْ أُنَبِّئُكُمْ عَلَىٰ مَن تَنَزَّلُ الشَّيَاطِينُ ۝٢٢١

📖 Fandikana Andininy 221

Ho lazaiko anareo ve amin’iza no midina ireo satana ?

تَنَزَّلُ عَلَىٰ كُلِّ أَفَّاكٍ أَثِيمٍ ۝٢٢٢

📖 Fandikana Andininy 222

Midina amin’izay rehetra be famoronan-dainga sy be fahotana izy ireo.

يُلْقُونَ السَّمْعَ وَأَكْثَرُهُمْ كَاذِبُونَ ۝٢٢٣

📖 Fandikana Andininy 223

Mampandry sofina izy ireo nefa ny ankamaroan’izy ireo dia mpandainga avokoa.

وَالشُّعَرَاءُ يَتَّبِعُهُمُ الْغَاوُونَ ۝٢٢٤

📖 Fandikana Andininy 224

Fa ireo mpanao tononkalo kosa, dia manaraka azy ireo avy izay very lalana.

أَلَمْ تَرَ أَنَّهُمْ فِي كُلِّ وَادٍ يَهِيمُونَ ۝٢٢٥

📖 Fandikana Andininy 225

Moa ve tsy hitanao fa izy ireo dia mirenireny isaky ny lohasaha.

وَأَنَّهُمْ يَقُولُونَ مَا لَا يَفْعَلُونَ ۝٢٢٦

📖 Fandikana Andininy 226

Ary izy ireo dia miteny izay tsy ataony.

إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانتَصَرُوا مِن بَعْدِ مَا ظُلِمُوا ۗ وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ ۝٢٢٧

📖 Fandikana Andininy 227

Afa-tsy ireo izay mino sy manao ireo asa soa, ary mahatsiaro matetika an’I Allah sy miaro tena amin’ny tsy rariny izay natao azy ireo. Ary ho fantatr’ireo izay nanao ny tsy rariny fa fiverenana toy inona no hiverenan’izy ireo !

Surah Ash-Shu'ara – Fandikana Malagasy

Surah Ash-Shu'ara amin'ny teny Arabo sy Malagasy

Vakio sy Henoy ny Surah Ash-Shu'ara

Andininy isan-tsokajy – Surah Ash-Shu'ara — 227 Andininy