සූරා මර්යම් — ආයාත් 41

වචනවල අර්ථ:

• සිද්දීක් (صدّيق): අතිශයින් සත්‍යවාදී, සියලු දේව පණිවිඩ සත්‍ය ලෙස තහවුරු කරන්නා.
• නබිය් (نبي): අල්ලාහ් විසින් තෝරාගෙන ඔහුගේ නීති හා මඟ පෙන්වීම් ජනතාවට දන්වා කියාපෑමට එවන ලද උත්තමයා.

අර්ථ විවරණය:

අහෝ නබිවරය! ඔබ ජනතාවට උගැන්වීම සඳහා මෙම ශුද්ධ වූ ධර්ම ග්‍රන්ථයේ (කුර්ආනයේ) ඉබ්‍රාහීම් නබිගේ (ඔහුට ශාන්තිය අත්වේවා!) චරිත කථාව සිහිපත් කරන්න. නියත වශයෙන්ම ඔහු අතිශයින් සත්‍යවාදී මෙන්ම අල්ලාහ්ගේ සියලු ආඥා සහ පණිවිඩ සත්‍ය ලෙස පිළිගෙන තහවුරු කළ උත්තමයෙක් විය. එමෙන්ම ඔහු අල්ලාහ් විසින් තෝරාගනු ලැබූ උසස් තරාතිරමක් ඇති නබිවරයෙක් ද විය. ඔහු සත්‍යවාදී බවේ සහ අල්ලාහ්ට සම්පූර්ණයෙන් යටත් වීමේ උත්තම ආදර්ශයක් විය.

මෙම ආයාවෙන් ලැබෙන පාඩම්:

1. ඉබ්‍රාහීම් නබි (ඔහුට ශාන්තිය අත්වේවා!) සත්‍යවාදී බවේ සහ අල්ලාහ් කෙරෙහි පූර්ණ විශ්වාසය තැබීමේ උත්තම ආදර්ශයක් ලෙස කුර්ආනයේ හඳුන්වා දී ඇත. එබැවින් අප ද ඔහුගේ ගුණාංග අනුගමනය කිරීමට උත්සාහ කළ යුතුය.
2. සත්‍යවාදී බව යනු ඉතා උසස් ගුණාංගයක් වන අතර, එය අල්ලාහ්ගේ සමීපත්වයට හේතුවක් වේ.
3. අල්ලාහ් තම නබිවරුන්ව උසස් ගුණාංගවලින් හෙබි අය ලෙස තෝරා ගන්නා බව මෙයින් පැහැදිලි වේ.
4. කුර්ආනයේ සඳහන් ශ්‍රේෂ්ඨ පුද්ගලයන්ගේ චරිත කථා අධ්‍යයනය කිරීමෙන් අපට ජීවිතයට මඟ පෙන්වීමක් ලැබේ.