စူရာ မာရ်ယမ် — အာယာသ် 54

1. ကမ္မဋ္ဌာန်းဖြစ်သော စကားလုံးများ၏ အဓိပ္ပာယ်များ

• وَاذْكُرْ (ဝါဇ်ကုရ်) — အောက်မေ့ဖော်ပြပါ၊ ဖော်ပြပါ။
• الْكِتَابِ (အလ်ကီတာဗ်) — ဤနေရာတွင် ကုရ်အာန်ကျမ်းတော်မြတ်ကို ဆိုလိုသည်။
• إِسْمَاعِيلَ (အိစ်မာအီလ်) — တမန်တော် အိဗ်ရာဟီမ်၏ သားတော် တမန်တော် အိစ်မာအီလ် (အလိုင်ဟိစ်စလာမ်)။
• صَادِقَ الْوَعْدِ (ဆွာဒိကလ် ဝါအ်ဒ်) — ကတိစကားကို ဖြည့်ဆည်းသူ၊ ကတိမှန်သူ။
• رَسُولًا (ရစူလန်) — အလ္လာဟ်အရှင်မြတ်၏ သတင်းစကားကို ပို့ဆောင်သူ တမန်တော်။
• نَبِيًّا (နဗီယန်) — အလ္လာဟ်အရှင်မြတ်ထံမှ သတင်းရရှိသူ နဗီတမန်တော်။

1. အာယသ်တော်၏ အဓိပ္ပာယ်ဖွင့်ဆိုချက်

အို တမန်တော်မုဟမ္မဒ်၊ သင့်ထံ ချပေးအပ်ခြင်းခံရသော ဤကုရ်အာန်ကျမ်းတော်မြတ်တွင် တမန်တော် အိစ်မာအီလ် (အလိုင်ဟိစ်စလာမ်)၏ သတင်းအကြောင်းကို ဖော်ပြလျက် အောက်မေ့သတိရပါ။ အမှန်စင်စစ် သူသည် ကတိစကားကို အလွန်တည်ကြည်ဖြူစင်သူ ဖြစ်ခဲ့၏။ မည်သူ့ကိုမျှ ကတိပေးခဲ့လျှင် ထိုကတိကို အပြည့်အဝ ဖြည့်ဆည်းခဲ့သူ ဖြစ်ခဲ့၏။ ထို့ပြင် သူသည် အလ္လာဟ်အရှင်မြတ်၏ သတင်းစကားကို လူသားတို့ထံ ပို့ဆောင်သော ရစူလ်တမန်တော်လည်း ဖြစ်ခဲ့၏၊ အလ္လာဟ်အရှင်မြတ်ထံတော်မှ သတင်းအချက်အလက်များကို ခံယူရရှိသော နဗီတမန်တော်လည်း ဖြစ်ခဲ့၏။ သူသည် ဂျုရ်ဟမ် လူမျိုးတို့ထံသို့ အလ္လာဟ်အရှင်မြတ်၏ သတင်းစကားကို ပို့ဆောင်ရန် စေလွှတ်ခြင်းခံခဲ့ရသူ ဖြစ်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ

• ကတိစကားကို တည်ကြည်ဖြူစင်စွာ ဖြည့်ဆည်းခြင်းသည် အလ္လာဟ်အရှင်မြတ် ချီးမွမ်းတော်မူသော ဂုဏ်ရည်တစ်ခု ဖြစ်သည်။ တမန်တော် အိစ်မာအီလ် (အလိုင်ဟိစ်စလာမ်) သည် ထိုဂုဏ်ရည်ဖြင့် ကုရ်အာန်တွင် အထူးဖော်ပြခြင်း ခံခဲ့ရသည်။
• ကတိမှန်ခြင်းသည် မွတ်စ်လင်မ်တစ်ဦး၏ စရိုက်လက္ခဏာတွင် ထင်ရှားစွာ ပါဝင်သင့်သော အရည်အချင်း ဖြစ်သည်။ မိမိကတိပေးလျှင် ဖြည့်ဆည်းရမည်။
• တမန်တော်များသည် အလ္လာဟ်အရှင်မြတ်၏ ရွေးချယ်တော်မူခြင်းကို ခံရသူများ ဖြစ်ကြပြီး ရစူလ်နှင့် နဗီ ဂုဏ်ရည်နှစ်မျိုးလုံးဖြင့် ချီးမြှင့်ခြင်း