සූරා යාසීන් — ආයාත් 42

වදන්හි අර්ථ:

• "මින් මිථ්ලිහී" (මෙයට සමාන දෙයකින්): නූහ් නබිගේ නැවට සමාන දෙයකින්.
• "මා යර්කබූන්" (ඔවුන් ගමන් කරන දෑ): ඔවුන් නැගී ගමන් කරන නැව් සහ ගොඩබිම් යානා වැනි වාහන.

අර්ථ විවරණය:

මෙම උතුම් වාක්යයෙන් අල්ලාහ් තආලා තම බලය හා කරුණාව පිළිබඳ තවත් ලකුණක් ඉදිරිපත් කරයි. නූහ් නබිගේ යුගයේදී ගංවතුරෙන් ගැලවීම සඳහා නැවක් නිර්මාණය කරන ලදී. එලෙසම, අල්ලාහ් තආලා මෙම උම්මතයට ද ඔවුන් ගමන් කිරීම සඳහා නැව්, ඔරු වැනි ජලයේ ගමන් කරන වාහන ද, ඔටුවන් වැනි ගොඩබිමේ ගමන් කරන වාහන ද මැවූ බව මෙයින් පැහැදිලි වේ. ඔටුවා "ගොඩබිමේ නැව" ලෙස හැඳින්වීම ද සුදුසු ය. මෙම සියලු වාහන මිනිසුන්ගේ ප්රයෝජනය සඳහා අල්ලාහ් මැවූ ආශීර්වාදයන් වේ. එමගින් ඔවුන් දුර බැහැර ගමන් කර තම අවශ්යතා සපුරා ගනිති. මෙය අල්ලාහ්ගේ ඒකත්වයට හා ඔහුගේ අනුග්රහයට පැහැදිලි සාක්ෂියකි.

උපදේශාත්මක පාඩම්:

1. අල්ලාහ් තආලා තම ගැත්තන්ට කරන අනුග්රහයන් අතිමහත් ය. ජලයේ සහ ගොඩබිමේ ගමන් කිරීමට මාර්ග ඔහු පහසු කර දී ඇත.
2. මෙම වාහන මිනිසාගේ බුද්ධියෙන් නිර්මාණය වුව ද, ඒවාට අවශ්ය ද්රව්ය හා හැකියාව ලබා දුන්නේ අල්ලාහ් බැවින් සියලු ප්රශංසා ඔහුටම හිමි විය යුතුය.
3. අල්ලාහ්ගේ බලය හා ඥානය අතිමහත් ය. ඔහු කැමති දෙයක් "වන්නැ" යි පැවසූ විට එය සිදු වේ. නූහ්ගේ නැව මෙන්ම අද භාවිතා වන නවීන වාහන ද ඔහුගේම මැවීම් වේ.
4. මිනිසා මෙම ආශීර්වාද දැක අල්ලාහ්ට කෘතඥ විය යුතු අතර, ඔහුගේ ඒකත්වය හා නමස්කාරයේදී කිසිවෙකු ආදේශ නොකළ යුතුය.
5. මෙම ලෝකයේ සියලු පහසුකම් අල්ලාහ්ගේ කරුණාවෙන් ලැබෙන අතර, ඒවා අපගේ ජීවිතය පහසු කිරීමට මෙන්ම අප ඔහුව සිහි කිරීමට ද හේතු විය යුතුය.