စူရာ ကာဖ် — အာယာသ် 25

1. စကားလုံးများ၏ အဓိပ္ပာယ်ရှင်းလင်းချက်။

• مَنَّاعٍ لِلْخَيْرِ (မန္နာရင်လိလ်ခါယ်ရ်) — ကောင်းမှုကို အလွန်တားမြစ်သူ။ ဤနေရာတွင် မိမိအပေါ် တာဝန်ရှိသော ဇကာသ်၊ ဆွဒကာ စသည့် ဥစ္စာဓနဆိုင်ရာ တာဝန်များကို မပေးဆောင်ဘဲ တားမြစ်သူဟု ဆိုလိုသည်။
• مُعْتَدٍ (မုအ်သဒင်) — ကျူးလွန်သူ၊ ဘောင်ကျော်သူ။ အလ္လာဟ်၏ သတ်မှတ်ထားသော နယ်နိမိတ်များကို ကျော်လွန်၍ အခြားသူများအပေါ် မတရားပြုသူ။
• مُرِيبٍ (မုရီဗ်) — သံသယရှိသူ၊ ဒွိဟဖြစ်သူ။ ဒီန် (သာသနာ) နှင့် ပတ်သက်၍ အလ္လာဟ်၏ ကတိတော်နှင့် သတိပေးချက်များကို ယုံမှားသံသယဖြစ်နေသူ။

1. အာယသ်တော်၏ အဓိပ္ပာယ်ဖွင့်ဆိုချက်။

ဤအာယသ်တော်သည် ကိယာမသ်နေ့တွင် အလ္လာဟ်အရှင်မြတ်က ကောင်းကင်တမန်နှစ်ပါးအား မိန့်တော်မူသော စကားတော်၏ တစ်စိတ်တစ်ပိုင်းဖြစ်သည်။ အလ္လာဟ်အရှင်မြတ်သည် ဖန်ဆင်းခံသတ္တဝါများအကြား စီရင်ဆုံးဖြတ်ပြီးနောက် ကောင်းကင်တမန်များအား “အလ္လာဟ်အရှင်မြတ်သည် စစ်မှန်သော ဘုရားသခင်ဖြစ်တော်မူကြောင်းကို ငြင်းပယ်သူ၊ မယုံကြည်မှုနှင့် ငြင်းဆန်မှုများစွာပြုသူ၊ အမှန်တရားကို ဆန့်ကျင်သူ၊ မိမိဥစ္စာဓနအတွင်းမှ ပေးဆောင်ရမည့် တာဝန်များကို တားမြစ်သူ၊ အလ္လာဟ်၏ ကျွန်များနှင့် သတ်မှတ်ထားသော နယ်နိမိတ်များကို ကျူးလွန်သူ၊ အလ္လာဟ်၏ ကတိတော်နှင့် သတိပေးချက်များကို သံသယရှိသူ၊ အလ္လာဟ်အရှင်မြတ်နှင့် တွဲဖက်၍ အခြားဖန်ဆင်းခံတစ်ဦးကို ကိုးကွယ်သူတို့ကို ဂျဟန်နမ်မီးငရဲ၏ ပြင်းထန်သော ပြစ်ဒဏ်ထဲသို့ ပစ်ချကြလော့” ဟု မိန့်တော်မူသည်။

ဤအာယသ်တော်တွင် ဖော်ပြထားသော သူသည် အလ္လာဟ်အရှင်မြတ် ချမှတ်တော်မူသော တာဝန်များကို မပေးဆောင်ဘဲ တားမြစ်သူ၊ အလ္လာဟ်၏ နယ်နိမိတ်များကို ကျော်လွန်သူ၊ အလ္လာဟ်အရှင်မြတ်၏ ကတိတော်နှင့် သတိပေးချက်များနှင့် ပတ်သက်၍ သံသယရှိသူဖြစ်သည်။ သူသည် အလ္လာဟ်အရှင်မြတ်၏ ဂုဏ်တော်များနှင့် ဖော်ပြချက်များကို သံသယဝင်နေသူ၊ ဒီန်သာသနာနှင့် ပတ်သက်၍ ဒွိဟဖြစ်နေသူဖြစ်သည်။

1. ဤအာယသ်တော်မှ ရရှိသော အကျိုးကျေးဇူးများနှင့် သင်ခန်းစာများ။

• အလ္လာဟ်အရှင်မြတ်သည် မိမိပေးအပ်ထားသော ဥစ္စာဓနများမှ တ