Surat Az-Zariyat Arab lan Basa Jawa

Wacanen Surat Az-Zariyat kanthi terjemahan Basa Jawa sing jangkep lan audio murottal. Terjemah ayat siji-sijine. (60 Ayat — مكية). Az-Zariyat Rungokna, Az-Zariyat Terjemah, Az-Zariyat mp3, Az-Zariyat pdf.

Wacanen lan Rungokna Surat Az-Zariyat

🎧 Ayat
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
وَالذَّارِيَاتِ ذَرْوًا ۝١
📖 Terjemah Ayat 1
Demi angin kang ngumbulake bledhuk kang mabul - mabul
فَالْحَامِلَاتِ وِقْرًا ۝٢
📖 Terjemah Ayat 2
Demi mega kang gawa banyu udan
فَالْجَارِيَاتِ يُسْرًا ۝٣
📖 Terjemah Ayat 3
Demi perahu kang mlaku ana banyu kelawan gampang
فَالْمُقَسِّمَاتِ أَمْرًا ۝٤
📖 Terjemah Ayat 4
Demi Malaikat kang andum rizki lan udan
إِنَّمَا تُوعَدُونَ لَصَادِقٌ ۝٥
📖 Terjemah Ayat 5
Anggonira padha diprasetyani lan diancam dening Allah mesthi bakal kelakon
وَإِنَّ الدِّينَ لَوَاقِعٌ ۝٦
📖 Terjemah Ayat 6
Pituwase laku hala lan becik mesthi bakal kelakon
وَالسَّمَاءِ ذَاتِ الْحُبُكِ ۝٧
📖 Terjemah Ayat 7
Demi langit kang ana dalane kanggo mlaku lintang - lintang
إِنَّكُمْ لَفِي قَوْلٍ مُّخْتَلِفٍ ۝٨
📖 Terjemah Ayat 8
Anggonira padha bedha - bedha panemu (bab Muhammad lan al-Quran)
يُؤْفَكُ عَنْهُ مَنْ أُفِكَ ۝٩
📖 Terjemah Ayat 9
Wongkang kena digorohi, hiya sida didohake (saka al-Quran lan Nabi Muhammad)
قُتِلَ الْخَرَّاصُونَ ۝١٠
📖 Terjemah Ayat 10
Wongkang padha goroh mau didohake saka rahmate Allah
الَّذِينَ هُمْ فِي غَمْرَةٍ سَاهُونَ ۝١١
📖 Terjemah Ayat 11
Wongkang padha kesilep bodho padha lali
يَسْأَلُونَ أَيَّانَ يَوْمُ الدِّينِ ۝١٢
📖 Terjemah Ayat 12
Padha takon, "benjing punapa kalampahanipun Kiamat
يَوْمَ هُمْ عَلَى النَّارِ يُفْتَنُونَ ۝١٣
📖 Terjemah Ayat 13
Hiya iku dina nalikane (wong kafir) padha disiksa ing neraka
ذُوقُوا فِتْنَتَكُمْ هَٰذَا الَّذِي كُنتُم بِهِ تَسْتَعْجِلُونَ ۝١٤
📖 Terjemah Ayat 14
(Lan padha dawuh) iki siksa kang padha sira kesusokake biyen, padha rasakna
إِنَّ الْمُتَّقِينَ فِي جَنَّاتٍ وَعُيُونٍ ۝١٥
📖 Terjemah Ayat 15
Sarupane wongkang bekti ing Allah ana suwarga kang ana bengawane mili
آخِذِينَ مَا آتَاهُمْ رَبُّهُمْ ۚ إِنَّهُمْ كَانُوا قَبْلَ ذَٰلِكَ مُحْسِنِينَ ۝١٦
📖 Terjemah Ayat 16
Padha nampani ganjaran paringe Pangeran, dheweke mau sadurunge mlebu suwarga padha nglakoni penggawe becik
كَانُوا قَلِيلًا مِّنَ اللَّيْلِ مَا يَهْجَعُونَ ۝١٧
📖 Terjemah Ayat 17
Wong Mukmin mau yen bengi anggone turu mung sethithik
وَبِالْأَسْحَارِ هُمْ يَسْتَغْفِرُونَ ۝١٨
📖 Terjemah Ayat 18
Lan yen wayah sahur (seprapating wengi kang wekasan) padha nyuwun pangapuraning Allah
وَفِي أَمْوَالِهِمْ حَقٌّ لِّلسَّائِلِ وَالْمَحْرُومِ ۝١٩
📖 Terjemah Ayat 19
Bandhane disediakake dadi duweke wong miskin kang jejaluk lan wong melarat
وَفِي الْأَرْضِ آيَاتٌ لِّلْمُوقِنِينَ ۝٢٠
📖 Terjemah Ayat 20
Bumi iku panggonan gumelare tondha yekti tumrap wong kang terang susurupane kang mratandani kuasaning Allah
وَفِي أَنفُسِكُمْ ۚ أَفَلَا تُبْصِرُونَ ۝٢١
📖 Terjemah Ayat 21
Apa sira ora tau deleng kang ana ing awakira
وَفِي السَّمَاءِ رِزْقُكُمْ وَمَا تُوعَدُونَ ۝٢٢
📖 Terjemah Ayat 22
Rizkimu lan pituwasing laku kang disediakake marang sira padha ana ing langit
فَوَرَبِّ السَّمَاءِ وَالْأَرْضِ إِنَّهُ لَحَقٌّ مِّثْلَ مَا أَنَّكُمْ تَنطِقُونَ ۝٢٣
📖 Terjemah Ayat 23
Demi Pangerane bumi lan langit, sabarang kang diprasetiakake marang sira , mesthi, kelakon nyata kaya anggonmu bisa kandha wis tanpa mamang
هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ ۝٢٤
📖 Terjemah Ayat 24
(Muhammad) Apa wis weruh cerita dayohe Ibrahim yaiku (malaikat - malaikat) kang dimuliakake
إِذْ دَخَلُوا عَلَيْهِ فَقَالُوا سَلَامًا ۖ قَالَ سَلَامٌ قَوْمٌ مُّنكَرُونَ ۝٢٥
📖 Terjemah Ayat 25
Nalika padha mlebu ing omahe Ibrahim padha ngucap "Salamun", Ibrahim uga mangsuli "Salamun" sarta takon, "sampiyan sinten kula dereng sumerep
فَرَاغَ إِلَىٰ أَهْلِهِ فَجَاءَ بِعِجْلٍ سَمِينٍ ۝٢٦
📖 Terjemah Ayat 26
Ibrahim nuli noleh marang rabine, kang nuli ngeladekake pedhet lemu kang wis diolah mateng
فَقَرَّبَهُ إِلَيْهِمْ قَالَ أَلَا تَأْكُلُونَ ۝٢٧
📖 Terjemah Ayat 27
Nuli disuguhake marang dayohe, diaturi dhahar (nanging ora kersa)
فَأَوْجَسَ مِنْهُمْ خِيفَةً ۖ قَالُوا لَا تَخَفْ ۖ وَبَشَّرُوهُ بِغُلَامٍ عَلِيمٍ ۝٢٨
📖 Terjemah Ayat 28
Ibrahim banjur wedi marang dayohe. Dayohe banjur matur, "Panjenengan sampun ajrih". Dayohe banjur bebungah diwenehi kabar bakal duwe anak lanang akeh kaweruhe
فَأَقْبَلَتِ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ ۝٢٩
📖 Terjemah Ayat 29
Rabine (aran Sarah) kaget nuli maju lan gumun metek rahine. Pangucape, "Kula sampun pikun ( tahun) laki kula inggih gabuk (umu tahun) punapa yekto kula sambut manak
قَالُوا كَذَٰلِكِ قَالَ رَبُّكِ ۖ إِنَّهُ هُوَ الْحَكِيمُ الْعَلِيمُ ۝٣٠
📖 Terjemah Ayat 30
Para dhayohe padha mangsuli, "Sampun mekaten pangandikanipun Pangeran panjenengan (sampun mesthi kelampahan) Allah punika Maha Wicaksana tur Nguningani samu kawis
۞ قَالَ فَمَا خَطْبُكُمْ أَيُّهَا الْمُرْسَلُونَ ۝٣١
📖 Terjemah Ayat 31
Ibrahim takon, "Kawaji punika panjenengan dipun utus punapa
قَالُوا إِنَّا أُرْسِلْنَا إِلَىٰ قَوْمٍ مُّجْرِمِينَ ۝٣٢
📖 Terjemah Ayat 32
Para Malaikat padha mangsuli, "Kula diutus numpes para kafir ummatipun Luth
لِنُرْسِلَ عَلَيْهِمْ حِجَارَةً مِّن طِينٍ ۝٣٣
📖 Terjemah Ayat 33
Kula kakersakaken jawahi sela utawi banon dhateng tiyang kafir wau
مُّسَوَّمَةً عِندَ رَبِّكَ لِلْمُسْرِفِينَ ۝٣٤
📖 Terjemah Ayat 34
Sela wau sampun dipun cireni dening Pangeran panjenengan kangge (nyirnakaken) para tiyang tumindak kesangetan. (Selanipun sampun dipun paringi nami - nami ingkang badhe kataman sela wau)
فَأَخْرَجْنَا مَن كَانَ فِيهَا مِنَ الْمُؤْمِنِينَ ۝٣٥
📖 Terjemah Ayat 35
Sapunika kula perlu nyingkiraken para mukmin ingkang sami wonten ngriku
فَمَا وَجَدْنَا فِيهَا غَيْرَ بَيْتٍ مِّنَ الْمُسْلِمِينَ ۝٣٦
📖 Terjemah Ayat 36
Salebethipun kitha mriku kula boten manggih kajawi namung satunggal griyanipun tiyang ingkang sampun sumarah (Islam)
وَتَرَكْنَا فِيهَا آيَةً لِّلَّذِينَ يَخَافُونَ الْعَذَابَ الْأَلِيمَ ۝٣٧
📖 Terjemah Ayat 37
Kula lajeng nilar tetilas wonten ngriku supados dados ayat tandha yektosipun (anggen kula numpes ummatipun Luth) dadosa penget dhateng para tiyang ingkang ajrih siksa ingkang nyakiti
وَفِي مُوسَىٰ إِذْ أَرْسَلْنَاهُ إِلَىٰ فِرْعَوْنَ بِسُلْطَانٍ مُّبِينٍ ۝٣٨
📖 Terjemah Ayat 38
Dene cerita lakone Musa uga dadi tandha yekti maneh yaiku anggone Ingsun utus nyurup - nyurupake marang Fir’aun kanthi tandha yekti kang cetha
فَتَوَلَّىٰ بِرُكْنِهِ وَقَالَ سَاحِرٌ أَوْ مَجْنُونٌ ۝٣٩
📖 Terjemah Ayat 39
Fir’aun sabalane padha maido, pangucape, "Musa iku yen dudu juru sihir ya wong edan
فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ وَهُوَ مُلِيمٌ ۝٤٠
📖 Terjemah Ayat 40
Fir’aun lan sabalane padha ingsun tumpes sarana disilepake ana segara, sebab dheweke nindakake gaweyan kang hina
وَفِي عَادٍ إِذْ أَرْسَلْنَا عَلَيْهِمُ الرِّيحَ الْعَقِيمَ ۝٤١
📖 Terjemah Ayat 41
Lan maneh lelakone wong ’Aad uga dadi tandha yekti nalika Ingsun ditekani angin kang ngrusakake
مَا تَذَرُ مِن شَيْءٍ أَتَتْ عَلَيْهِ إِلَّا جَعَلَتْهُ كَالرَّمِيمِ ۝٤٢
📖 Terjemah Ayat 42
Angin mau manwa nerjang wong ’Aad utawa darbeke, endi kang katrajang mesthi katiwasan
وَفِي ثَمُودَ إِذْ قِيلَ لَهُمْ تَمَتَّعُوا حَتَّىٰ حِينٍ ۝٤٣
📖 Terjemah Ayat 43
Cerita tumpese wong Tsamud (ya dadi tandha yekti sawise belih ontaning Allah) banjur didhawuhi padha bungah - bungaha nganti tekan mangsane
فَعَتَوْا عَنْ أَمْرِ رَبِّهِمْ فَأَخَذَتْهُمُ الصَّاعِقَةُ وَهُمْ يَنظُرُونَ ۝٤٤
📖 Terjemah Ayat 44
Wong Tsamud mau wis kebacut gumedhe, nglakoni dhawuhe Pangerane, mulane banjur tumpes dening bledheg kabeh padha deleng dheweke
فَمَا اسْتَطَاعُوا مِن قِيَامٍ وَمَا كَانُوا مُنتَصِرِينَ ۝٤٥
📖 Terjemah Ayat 45
Sawise katekan siksa (wong Tsamud) ora bisa ngadek lan mlaku ora ana kang katulungan
وَقَوْمَ نُوحٍ مِّن قَبْلُ ۖ إِنَّهُمْ كَانُوا قَوْمًا فَاسِقِينَ ۝٤٦
📖 Terjemah Ayat 46
Sadurunge Ingsun numpes ummate Nuh, awit padha duraka kafir
وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ ۝٤٧
📖 Terjemah Ayat 47
Langit Ingsun tekake kelawan kuasaningsun, Ingsun iki kuasa kang sabenere
وَالْأَرْضَ فَرَشْنَاهَا فَنِعْمَ الْمَاهِدُونَ ۝٤٨
📖 Terjemah Ayat 48
Dene bumi iku Ingsun gawe gelar, Ingsun iki becik - becike kang hanggelar
وَمِن كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ ۝٤٩
📖 Terjemah Ayat 49
Samu barang kang dumadi iku akeh kang Ingsun gawe jodhon (lanang - wadon) supaya sira padha mikir
فَفِرُّوا إِلَى اللَّهِ ۖ إِنِّي لَكُم مِّنْهُ نَذِيرٌ مُّبِينٌ ۝٥٠
📖 Terjemah Ayat 50
Mulane padha gelis (age - age) ngistokake dhwuhing Allah Ingsun iki ngelingake kelawan cetha terang saka Allah
وَلَا تَجْعَلُوا مَعَ اللَّهِ إِلَٰهًا آخَرَ ۖ إِنِّي لَكُم مِّنْهُ نَذِيرٌ مُّبِينٌ ۝٥١
📖 Terjemah Ayat 51
Lan aja padha mangro tingal mangeran liyane Allah, Ingsun iki ngelingake kelawan cetha terang saka Allah
كَذَٰلِكَ مَا أَتَى الَّذِينَ مِن قَبْلِهِم مِّن رَّسُولٍ إِلَّا قَالُوا سَاحِرٌ أَوْ مَجْنُونٌ ۝٥٢
📖 Terjemah Ayat 52
Mangkono uga wong kuna saben katekan Rasul mesthi padha ngucap, "Kang ngaku Rasul iku yen ora juru sihir hiya wong edan
أَتَوَاصَوْا بِهِ ۚ بَلْ هُمْ قَوْمٌ طَاغُونَ ۝٥٣
📖 Terjemah Ayat 53
Apa dheweke padha mekas marang liyane padha dikon ngucap hala marang Rasul? Wong kang ngucap mangkono iku tetep wong padha kesasar
فَتَوَلَّ عَنْهُمْ فَمَا أَنتَ بِمَلُومٍ ۝٥٤
📖 Terjemah Ayat 54
Mulane padha malengosa marang wong mangkono mau sira wis ora kahinan awit wis mratakake dhawuh
وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ۝٥٥
📖 Terjemah Ayat 55
Lan sira tetap ngelingake awit pepiling iku migunani marang wong mukmin
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ۝٥٦
📖 Terjemah Ayat 56
Anggoningsun gawe jin lan manungsa karsaningsun supaya padha bektia marang Ingsun
مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ ۝٥٧
📖 Terjemah Ayat 57
Titah mau ora Ingsun kersakkae golek rizki konjuk ing Ingsun, lan Ingsun oran ngersakake kanggo ngingoni aku
إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ ۝٥٨
📖 Terjemah Ayat 58
Satemene Allah iku paring rizki tur prakosa banget
فَإِنَّ لِلَّذِينَ ظَلَمُوا ذَنُوبًا مِّثْلَ ذَنُوبِ أَصْحَابِهِمْ فَلَا يَسْتَعْجِلُونِ ۝٥٩
📖 Terjemah Ayat 59
Sarupane wong kang nganiaya awake dhewe iku duwe bagian siksa kaya bageyan kancane wong kafir kuna (kang wis padha tumpes) dadi wis ora anggege siksa
فَوَيْلٌ لِّلَّذِينَ كَفَرُوا مِن يَوْمِهِمُ الَّذِي يُوعَدُونَ ۝٦٠
📖 Terjemah Ayat 60
Siksa kang abot patrapane para wong kafir besuk qiyamat kang wis ditemokake dening Allah
← 50 Az-Zariyat (51/114) 52 →
Waca Surat Az-Zariyat Basa Jawa – Terjemah lan Audio

51الذاريات Adh-Dhariyat 📚 60 Ayat مكية

Ayat siji-sijine – Surat Az-Zariyat — 60 Ayat


📚 Al-Quran Mulya 🎧 Rungokna mp3 ⬇ Quran mp3 📚 Dhaptar Al-Quran


Al-Quran
Tuesday, August 18, 2026

Don't forget us in your sincere prayers