La sourate Abasa en Telugu
అతను (ప్రవక్త) భృకుటి ముడి వేసుకున్నాడు మరియు ముఖం త్రిప్పుకున్నాడు |
ఆ గ్రుడ్డివాడు తన వద్దకు వచ్చాడని |
కాని నీకేం తెలుసు? బహుశా అతడు తనను తాను సంస్కరించుకోవచ్చు |
లేదా అతడు హితబోధ పొందవచ్చు మరియు ఆ హితబోధ అతనికి ప్రయోజనకరం కావచ్చు |
కాని అతడు, ఎవడైతే తనను తాను స్వయం సమృద్ధుడు, అనుకుంటున్నాడో |
అతని పట్ల నీవు ఆసక్తి చూపుతున్నావు |
ఒకవేళ అతడు సంస్కరించుకోక పోతే నీపై బాధ్యత ఏముంది |
కాని, ఎవడైతే తనంతట తాను, నీ వద్దకు పరుగెత్తుకుంటూ వచ్చాడో |
మరియు (అల్లాహ్ యెడల) భీతిపరుడై ఉన్నాడో |
అతనిని నీవు నిర్లక్ష్యం చేస్తున్నావు |
అలా కాదు! నిశ్చయంగా, ఇది (ఈ ఖుర్ఆన్) ఒక హితోపదేశం |
కావున ఇష్టమున్నవారు దీనిని స్వీకరించవచ్చు |
ఇది ప్రతిష్ఠాకరమైన పుటలలో (వ్రాయబడి ఉన్నది) |
మహోన్నతమైనది, పవిత్రమైనది |
లేఖకుల (దేవదూతల) చేతులలో |
كِرَامٍ بَرَرَةٍ(16) వారు గౌరవనీయులైన సత్పురుషులు (ఆజ్ఞానువర్తనులు) |
మానవుడు నాశనం గాను! అతడు ఎంత కృతఘ్నుడు |
ఆయన (అల్లాహ్) దేనితో అతనిని సృష్టించాడు |
అతనిని వీర్యబిందువుతో సృష్టించాడు తరువాత అతనిని తగిన విధంగా తీర్చిదిద్దాడు |
ఆ తరువాత, అతని మార్గాన్ని అతనికి సులభతరం చేశాడు |
ఆపైన అతనిని మరణింపజేసి గోరీ లోకి చేర్చాడు |
మళ్ళీ ఆయన (అల్లాహ్) కోరినప్పుడు అతనిని తిరిగి బ్రతికించి లేపాడు |
అలా కాదు, ఆయన (అల్లాహ్) ఆదేశించిన దానిని (మానవుడు) నెరవేర్చలేదు |
ఇక, మానవుడు తన ఆహారాన్ని గమనించాలి |
నిశ్చయంగా మేము నీటిని (వర్షాన్ని) ఎంత పుష్కలంగా కురిపించాము |
ఆ తరువాత భూమిని (మొలిచే మొక్కలతో) చీల్చాము, ఒక అద్భుతమైన చీల్పుతో |
తరువాత దానిలో ధాన్యాన్ని పెంచాము |
మరియు ద్రాక్షలను మరియు కూరగాయలను |
మరియు ఆలివ్ (జైతూన్) మరియు ఖర్జూరపు చెట్లను |
మరియు దట్టమైన తోటలను |
మరియు (రకరకాల) పండ్లను మరియు పచ్చికలను |
మీకు మరియు మీ పశువులకు జీవన సామగ్రిగా |
ఎప్పుడైతే, చెవులను చెవిటిగా చేసే ఆ గొప్ప ధ్వని వస్తుందో |
ఆ రోజు, మానవుడు తన సోదరుని నుండి దూరంగా పారిపోతాడు |
మరియు తన తల్లి నుండి మరియు తండ్రి నుండి |
మరియు తన భార్య (సాహిబతి) నుండి మరియు తన సంతానం నుండి |
ఆ రోజు వారిలో ప్రతి మానవునికి తనను గురించి మాత్రమే చాలినంత చింత ఉంటుంది |
ఆ రోజు కొన్ని ముఖాలు ఆనందంతో ప్రకాశిస్తూ ఉంటాయి |
అవి చిరునవ్వులతో ఆనందోత్సాహాలతో కళకళలాడుతుంటాయి |
మరికొన్ని ముఖాలు ఆ రోజు, దుమ్ము కొట్టుకొని (ఎంతో వ్యాకులంతో) నిండి ఉంటాయి |
అవి నల్లగా మాడిపోయి ఉంటాయి |
అలాంటి వారు, వారే! సత్యతిరస్కారులైన దుష్టులు |
Plus de sourates en Telugu :
Téléchargez la sourate avec la voix des récitants du Coran les plus célèbres :
Téléchargez le fichier mp3 de la sourate Abasa : choisissez le récitateur pour écouter et télécharger la sourate Abasa complète en haute qualité.















Donnez-nous une invitation valide